قصص السيلي سينفونيز الي كانت تصدر في الجرايد الامريكية اخيراً بعد اكثر من 80 سنة بتصدر كامله في مجلد بعد ماتم اعادة ترميمهم وتلوينهم من طبعة والت ديزني نفسه
أورفن شفت صور الدمى اللي تتكلم عنها ونشروا بعد صور دمية أميرة ديزني الهسبانية الجديدة اللي بتكون مشتقة من عالم صوفيا بس ضيعت الصور ومو محصلهم
المشكلة ما اتذكر حصلتهم بايت موقع او صفحة
------------
من يومين كنت بفيرجين مثل كل ويكند الافلام هناك كلها حاطين عليها ستيكرات مكتوب عليها ان الافلام مدبلجة << يتذكر لما كان جالس يقوللهم نفس الشي من سنوات لأنهم مو مصدقين ان في اغبيا تعودوا على اشرطة الفيديو وان لو اللوجو انجليزي خلاص يحسبوه انجليزي بس 😛
رحت بعد تويز ار اص وحصلت رفوف الافلام كلها فااااضية سالت العامل هناك قاللي أخذوهم المخزن بيحطوا عليهم ستيكرات او شي اعتقد نفس الستيكرات هادي
ثانيا وبعد اكثر من 19 سنة تقريبا نزل حورية البحر في السعودية
نزلوه ضمن مجموعة السليب كفرز يلا مازن وشباب جدة اللي ما قدروا يحصلوا على الفيلم من الانترنت او من خارج جدة هادي فرصتكم ونازل بـ 55 ريال بما انه ضمن مجموعة السليب كفرز
كنت شاري نسخة روتانا بنفس وقت طرحها من ايدو بس ما قدرت أقاوم شكل السليب وشريت هادي كمان او احتمال السليب كفر شكله عادي نفس الباقيين وهادا عشان حبي للفيلم بس حسيته احلى
والواضح انه بعد نزل بالرياض لان في نسخة واصلة عليها ستيكر يغطي اريل هالحركة ما يسووها غير بالرياض ما صارت من قبل هنا، واغلب الوقت في نسخ كثير توصل فرع جدة من الرياض وتكون بنفس الشكل
بس بالله من بيشتري شي مشوه زي هادا؟ الا كمان نفس نوع الستيكر حق السعر يعني لو فكيته بيخرب ابو السليب كفر
غير اني تاكدت انهم يستهبلوا بموضوع الرقابة والمنع هادي هي هي تفس النسخة اللي منعوها بس بسليب كفر غير انه صاير العكس من الاميرة النايمة .. النسخة اللي بدون سليب كفر نزلت والعامل اللي هناك يقولي بو سليب كفر منعوها! يقولي وصلنا نسخة منه بالغلط ضمن الصناديق وحذرونا نحطها للبيع بين الباقين شهالتخلف
وفيلم أوتيل ترانسلفانيا دوبه واصل عندنا الأسبوع اللي فات (يوم الأربع) صباح الليل
غير كدا بفيرجين بعد حصلت مجسمات bullyland حقت الديناصور اللطيف الجديدة:
في كمان صندوق فيه الشخصيتين منفصلين مو قطعة واحدة:
حبيت شكلهم كيوت بس مو هادول اللي منتظرهم ينزلوا بنتظر المجسمات الثانية الكبيرة --------------
طول اليوم امس كنت على قناة او اس ان فاميلي
القناة رووووووعة بكل معنى الكلمة اخر فيلم شفته كان حق البيد تايم ستوريز بعدها نمت دبلجة الفيلم ذكرتني بفيلم لوني تونز اللايف اكشن اللي نزل زمان بشريط فيديو عربي وجد الستوديو الواضح هو الزهرة نفس الاصوات تقريبا ... غير ان الفترة الاخيرة صارت شركات تتعامل معاهم مرة ثانية << موخرا دبلجوا ألفين والسناجب الجديد
[ فبراير 14, 2016, 02:38 AM: تم تحرير المشاركه من قبل: Adham Eljaber ]
--------------------
المشاركات: 794 | من: ¥Under The Sea¥ | تاريخ التسجيل: ديسمبر 2012
|
طالعين كييوت مع انه الدب اللي مع موانا يخرع شويتين بس اتز اوكيه تسلم احمد
وعلى فكرة اصدارات السليب كوفر بدت تختفي من بعض الدول مثلا لما رحت دبي اخر مرة مافي ولا اصدار سليب غير واحد ولا اثنين ونفس الشي بلندن كلمت صاحبي عليهم يقول مش موجودين كلهم
ممكن عندنا بالسعودية حاليا اللي متوفرين بجميع الاصدارات تقريبا بسبب انهم نزلوا متاخر شوي بس العيب فيهم انهم لاصقين السعر بالسليب نفسه مو بالعلبة
اذا حاب منهم شي عطيني خبر بليز
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
من يومين كنت بفيرجين مثل كل ويكند الافلام هناك كلها حاطين عليها ستيكرات مكتوب عليها ان الافلام مدبلجة << يتذكر لما كان جالس يقوللهم نفس الشي من سنوات لأنهم مو مصدقين ان في اغبيا تعودوا على اشرطة الفيديو وان لو اللوجو انجليزي خلاص يحسبوه انجليزي بس 😛
آحلى حركة سجلني من الأغبيا هذوليك من زمان كنت أحسب اللوغو الإنجليزي معناه إن الشريط إنجليزي لأني كنت متعود على شرايط الفيديو واللوغو العربي المكتوب بغلافها وكان معروف الأشرطة تنزل بنسختين نسخة مدبلجة واللوغو يكتبونه بالعربي ونسخة انجليزية واللوغو يكون انجليزي زي كذا :
-----------------
روعة الميدالية حبيتها شاريها شاريها الله لايعوق بشر
المشاركات: 3077 | من: المملكة العربية السعودية | تاريخ التسجيل: يوليو 2011
|