مرسله في
عليلو... انصح و بشدة المسلسل روووووووعة بجد...
عمرو باشا الففففففففف شكر على الموضوع... اصلا كنت بشوفك حاطط صور ديكستر فى توقيعك... ده غير ان اصحابى كانوا بيقولولى انى لااااازم اشوفه بس عمرى ما تحمست بصراحة...
لحد ما شفته اخيرا و بجد بقيت فان متعصبة و لا فانز نونا D:D:D:D
المسلسل جديد و غريب و عميق و قوى...و يخربيت كمية الاحداث المهمة اللى بتحصل فيه....
كل الشخصيات تجنن...ديب و لاجويتا و باتيستا و ماسوكاو, حتى الرخم دوكس رغم انى متغاظة انه حاطط ديكستر فى دماغة... و الهبلة ريتا ... و اولا و الاهم طبعا ديكستر نفسه ... مايكل بدع فى الشخصية... ادائه توووووووووووووحفة...
SPOILERS
سيزون 1 ابداع... ال ice truck killer و تعريفنا بخلفية ديكستر و المنطق الغريب اللى والده علمهوله ...اللى مع الوقت تحس انه منطق معقول لانه فى النهاية بيقتل ناس مؤذيين و قتلهم هو احسن حل عشان نخلص من شرهم... حتى لو دافع ديكستر الحقيقى هو انه يشبع رغبته فى القتل.... بس مع ذلك هو بيعمل حاجة مفيدة فعلا...
الحاجات اللى بتدور فى مخه و تحليله للمواقف اللى بيمر بيها روعة.... اصلا الحوار و القصة رائعين...
فى الاول كنت مستغربة ليه ال ice truck killer كان بيكلم ديكستر بالذات... افتكرت فى الاول انه عشان عرف ان ديكستر قاتل زيه لحد ما اكتشفت فى الاخر انه عشان هو اخوه... تتابع الاحداث اللى وصلتنا للنتيجة دى كانت تحفة و breath taking ... و كل حاجة معمولة ليها معنى و هدف و مغزى... حتى انه يتعرف على اخته بالتبنى "ديب" عشان تبقى اول ضحية ليهم هما الاتنين هى اخت ديكستر بالتبنى... اللى هى مثال لحياة ديكستر الغلط اللى بيعيش فيها فى كذبة ... بيتصنع قدام الناس حاجة و هو من جوه حاجة تانية...
بالنسبة للقضايا و الضحايا بتوع ديكستر فى الحلقات... اكتر حد عجبنى كان الدكتولر النفسى اللى ديكستر راحله... الموضوع كان كوميدى لا الدكتور النفسى ساعد ديكستر و حل له مشكلته و فى الاخر ديكستر قتله ...
ديب تجنننننننننن... و بجد كونها مرات مايكل فى الحقيقة حاجة حلوة اووووى الاتنين جامدين بصراحة... حبيت العلاقة ما بينهم...
نهاية السيزون كانت جامدة.. مشهد لما قتل اخوه كان جامد و صعب ...
----------------------------------
سيزون 2... شفت اول تلات حلقات منه و كانوا جامدييييييييييين جداااااااااااااااا.... احكيلى على السيزون بريميير... يخربيت دى حلقة بجد... كل حاجة طلعت و بدأت مشاكل ديكستر تكتر .... و موضوع انهم لقوا جثثه اللى بيحدفها فى البحر كان بجد رهييييب... ان ديب هى اللى تدور علي القاتل اللى هو اخوها :S:S:S
بتعجبنى اوى نظرة ديكستر لما يلاقى نفسه طلع من مشكلة بسبب ان الناس فاهمة حاجة غلط...و هو مش قاصد كده - الهبلة ريتا اللى صدقت انه مدمن و نسيت موضوع طليقها بول, و الرخم دوكس اللى قرر انه يبطل يضايقه بعد ما شاف انه بيحضر اجتماعات المدمنين و افتكر ان هى دى مشكلته-... بصة ديكستر بتقتلنى من الضحك...انه طلع زى الشعرة من العجين و من غير ما يقصد... رد قعل الناس بيبقى غريب عليه و غير متوقع... بما انه مش زى الناس يعنى فدايما بيستغرب تصرفاتهم...
مش بعرف اشرح اوى بس باختصار المسلسل روووووووووووووووووووووعة...
هتفرج على بقية الحلقات و اقولوكوا رأيى اول بألول....
مرسله في
اه ده التتر... ده حلو اوى... بس ده بيصحيك ازاى ؟؟؟
التتر كمان من الحاجات التحفة اللى فى المسلسل... بجد توووحووحفة يخربيت الدماغ اللى عملته... لما لقيت انهم خدوا جايزة على التتر انبسطت اوىىىىىى لانه يستاهل...
المهم شفت 3 حلقات امبارح و مقهوووووووووورة بجد
ايه البت الرفيعة الرخمة السبونسر بتاعت ديكستر دى؟؟؟.. يخربيتها بايخة بشكل بكرهههههاااااا ...و مش بحب شخصية ديكستر و هو معاها ازاى تأثيرها رخم كده.... يعنى انا مش فان لريتا... بس بحبها مع ديكستر و مش طايقة البت التانية دى
حد لاحظ انها شبه عبير صبرى اووووى ؟؟؟
اتفو عليهم هما الاتنين...
و بكررررررررررره لما بيدمروا جمال شخصية انا بحبها... لييييييييييه هارى يا جماعة ليه هارى؟؟؟!!!!!!!!!!!... يعنى بعد كل ده يطلع انه مش بيخبى الحاجات دى عن ديكستر عشان يحميه ده عشان يحمى نفسه!!!!!!!!!!... و انا خايفة ان احساسى يطلع صح و يكونوا بيهمدوا ان هارى هو ابو ديكستر الحقيقى... تبقى مصيبة
لاجويتا كمان طلعت كارثة تانية...انا شكيت فى الاداب و الاخلاق الرفيعة اللى كانت بتتصرف بيها دى... بس متوقعتش كده ابدا... طلعت حقيرة اوى بالحركة اللى عملتها دى و الاسوء انها بتنافق و مطلعة نفسها طيبة و محترمة و بتساعد رئيستها... بجد اخص رجعت كرهتها
و ديب مسكينة.. انا لو مكانها -بعد الشر يعنى- ...مثقفش فى حد ابداااااااااااااااااااااااااااا...
المسؤول عن قضية ديكستر ده فزيع حبيته اوى... ربنا يستر و ميعملوش فيه حاجة وحشة كمان مش ناقصة
متحمسة اشوف ايه اللى هيحصل بما ان ديكستر الذكى اتصور و هى بيتأكد من المركب بتاعته... عايزة اعرف هيطلع منها ازاى لانهم كده قربوا منه اوووووووووووووى...
مرسله في
اوكى خلصت السيزون التانى... السيزون الاول احلى طبعا بس ده مش معناه ان التانى كان سىء...
متهيألى السحلية اللى اسمها ليلى هى السبب فى انى ما استمتعتش بالسيزون ...عشان كل ما كانت بتطلعلى بجد مكنتش ببقى طايقة نفسى... و احلى حاجة كان رأى ديب فيها ...يا حبى لديب تجنننننننننننن...
حبيت علاقتها بلاندى...رغم انى مش بحب العلاقات اللى فيها فرق كبير فى السن...بس علاقتهم كانت حلوة...خسارة انها انتهت... بس بجد عجبنى تطور شخصية ديب من ساعة الايس تراك كيللر... عجبنى طريقة كتابة الشخصية...مش زى كريستينا فى جريز اناتومى اللى بقالها سنين فى حالة نفسية سيئة
زعلت على دوكس... رغم انه لما وصل لديكسر كنت مستفزة و حسيت انه يستاهل عشان اتحشر فى اللى مالهوش فيه... بس برضه نهايته كانت سيئة و مكنش يستاهل... و اتضايقت ان ديكس كان عايز يلبسه القضية... المفروض ديكس ميقربش من الابرياء... شغلته اللى بيقتلوا بس...
عجبتنى لاجويتا و اصرارها على انها تثبت ان دوكس برىء... بس برضه مش فاهمة ليه قفلوا على خيانتها مع خطيب مديرتها... لازم الموضوع ده يرجع تانى يطاردها مش معقول الموضوع يعدى بالسهولة دى...
ديكس و الحاجات الجديدة اللى عرفها عن هارى... بالذات موضوع ان هارى انتحر بسببه....which makes sense ... مواجهته للوحش اللى عمله حتى لو كان لاسباب سليمة و صح... It's hard to live w/ this fact... the fact that he made a monster..
السيزون كان مهم ان ديكستر يعرف اولوياته و مين هو بالضبط... because everything in his life was taken for granted, it was only wat harry taught him... his life was like what harry told him it should be... he never tried to do anything differently until he met "laila" :S:S:S...and another dexter surfaced, a new dexter who tries to do things differently...but eventually he realized that this is not the life he wants... and it made him realize that "Rita" is perfect for him- which we realized as well as we saw dexter w/ a different woman and he wasn't the dexter we love"
the amazing thing is that althou "laila" helped dexter w/ his addiction, that later on he found himself not wanting to kill anymore, although he stopped having this urge but amazingly we didn't like this dexter...
انا محبتش ديكستر ده و حسيت انه رغم انه بطل يقتل... بس بقى يعمل حاجات مش اخلاقية تانية و بقى مخادع اكتر... زى لما ضرب دوكس جوا الاودة و طلع برة و دوكس ضربه...و بان قدام الناس انه ضحية و مسكين...
المهم فى الفينالى انا فضلت على اعصابى عشان كنت مستنية انه يقتل السحلية...و لما سافرت قلقت انهم يسيبوها برة و بعدين يرجعوها فى سيزون تانى بما انها الوحيدة اللى عارفة حقيقة ديكستر... بس الحمدلله انه خلص منها بدرى بدرى عشان مش طايقة اشوف خلقتها...
الميزة فى الفينالى برضه انه مفيش احداث زودوها عشان يخلوا الناس متحمسين للسيزون الجديد... مش زى مثلا السيزون اللى فات اللى انتهى بان ريتا لقت جزمة بول و ان دوكس بقى يراقب ديكستر...
السيزون ده قفل كل الملفات المفتوحة عشان نبتدى سيزون 3 بدون اى توقعات...و بجد معنديش فكرة سيزون 3 هيمشى ازاى او هيكون عبارة عن ايه... و ده شىء حلو و محمسنى... بس المهم عندى انى اشوف ديكستر بيطبق تانى ال"هارى كود" و بيقتل اشرار تانيين..
سيزون 2 كان مرحلة انتقالية لديكستر...متوقعة ان سيزون 3 يبقى احلى..صحيح من المشاهد اللى ضحكتنى اوى لما ديكستر كان بيتخي ايه رد فعل ديب لما يقولها انه هو القاتل ...بجد ضايعين
هبتدى سيزون 3 بكرة...اتحمست بزيادة... و فى انتظار باتيستا و الاهبل ماسوكا
بس طويييييييييييييييييييييييله قوي محتاج افصصها عشان ارد على جزء جزء
طبعا كتير احداث كنت ناسيها وكلامك فكرني بيها
رد مقتبس:المرسل الأصلي هو Barbie Girl: ايه البت الرفيعة الرخمة السبونسر بتاعت ديكستر دى؟؟؟.. يخربيتها بايخة بشكل بكرهههههاااااا ...و مش بحب شخصية ديكستر و هو معاها ازاى تأثيرها رخم كده.... يعنى انا مش فان لريتا... بس بحبها مع ديكستر و مش طايقة البت التانية دى
حد لاحظ انها شبه عبير صبرى اووووى ؟؟؟
اتفو عليهم هما الاتنين...
ههههههههههههههههههههه
فعلا اتفو عليهم هما الاتنين دمها تقيل قوي بس ده ان الهدف من شخصيتها عشان يمهدك لقتلها قريبا
رد مقتبس:المرسل الأصلي هو Barbie Girl: حبيت علاقتها بلاندى...رغم انى مش بحب العلاقات اللى فيها فرق كبير فى السن..
ديب طالعه من صدمه اخو ديكس اياه وبعلاقتها بلاندي حققتلها الامان واعتقد ده كان اساس علاقتهم اكتر منه حب بس فعلا تطور شخصية ديب رهيب بس لسانها زفر هههههههههههه
رد مقتبس:المرسل الأصلي هو Barbie Girl:
زعلت على دوكس... رغم انه لما وصل لديكسر كنت مستفزة و حسيت انه يستاهل عشان اتحشر فى اللى مالهوش فيه.
انا متعاطفتش ابدا مع دوكس وانبسطت قوي انو مات مش بايد ديكس هو حشر نفسه في اللي مالوش فيه بالنسبه لتلبيس ديكس ليه التهمه فده وضع طبيعي لما الانسان بيتزنق وبيلاقي مخرج وخصوصا انه كان بيحاول ياذيه
رد مقتبس:المرسل الأصلي هو Barbie Girl: عجبتنى لاجويتا و اصرارها على انها تثبت ان دوكس برىء... بس برضه مش فاهمة ليه قفلوا على خيانتها مع خطيب مديرتها...
مش فاكر بالزبط الاحداث دي بس اعتقد كان فيه مبرر لده وقتها او ان علاقتها دي رد فعل على اضطهاد مديرتها ليها بالشغل
رد مقتبس:المرسل الأصلي هو Barbie Girl:
انا محبتش ديكستر ده و حسيت انه رغم انه بطل يقتل... بس بقى يعمل حاجات مش اخلاقية تانية
لانه هنا بقا انسان اقرب للطبيعي وبالتالي تصرفاته بقت زي باقي الناس من خيانه لكدب وغش و و و يعني القتل هو اللي كان بيعملو التوازن بحياته وبيخليه اقرب للمثاليه في تصرفاته
رد مقتبس:المرسل الأصلي هو Barbie Girl:
المهم فى الفينالى انا فضلت على اعصابى عشان كنت مستنية انه يقتل السحلية...و لما سافرت قلقت انهم يسيبوها برة و بعدين يرجعوها فى سيزون تانى بما انها الوحيدة اللى عارفة حقيقة ديكستر... بس الحمدلله انه خلص منها بدرى بدرى عشان مش طايقة اشوف خلقتها...
هههههههههههههههههههههه
لعبوا باعصابنا كتير لما ظهر انها سافرت بس المشهد كان سريع قوي يعني ازاي قدر انه ينقل نشاطو بالكامل لبلد تانيه ويتخلص من الجثه بسهوله بس برضو حبيت اننا ارتحنا منها مش قلتلك كل اللي مزعلينك هترتاحي منهم هههههههههههههه
رد مقتبس:المرسل الأصلي هو Barbie Girl:
الميزة فى الفينالى برضه انه مفيش احداث زودوها عشان يخلوا الناس متحمسين للسيزون الجديد... مش زى مثلا السيزون اللى فات اللى انتهى بان ريتا لقت جزمة بول و ان دوكس بقى يراقب ديكستر...
مش ميزه دي خالص بسيزون 4 خصوصا بنهايته بينتهي نهايه رهييييييييييييييييييييييييييبه احلى فينالي لسيزون من مسلسل شفته بحياتي ياريت بس متكونيش انتي حرقتي على نفسك الاحداث وبحذرك انك تقري او تسرشي عن المسلسل لان قمة المتعه انك تتفاجئي باحداث المسلسل او الفيلم انا بحياتي ما بعمل سيرش عن عمل الا لما بشوفه ببدا ابحث عن تفاصيل ونقد وكده عنه
رد مقتبس:المرسل الأصلي هو Barbie Girl:
السيزون ده قفل كل الملفات المفتوحة عشان نبتدى سيزون 3 بدون اى توقعات...و بجد معنديش فكرة سيزون 3 هيمشى ازاى او هيكون عبارة عن ايه... و ده شىء حلو و محمسنى... بس المهم عندى انى اشوف ديكستر بيطبق تانى ال"هارى كود" و بيقتل اشرار تانيين..
انا شفت اول 4 سزيون ورا بعض فمش عارف ايه التفاصيل يمكن كانو بيفكرو يقفلو المسلسل خالص او حاجه لاني استغربت ان نهاية السيزون قفلت كل القصص كانهم بيختموا المسلسل كله
رد مقتبس:المرسل الأصلي هو Barbie Girl:
سيزون 2 كان مرحلة انتقالية لديكستر...متوقعة ان سيزون 3 يبقى احلى..صحيح من المشاهد اللى ضحكتنى اوى لما ديكستر كان بيتخي ايه رد فعل ديب لما يقولها انه هو القاتل ...بجد ضايعين
فعلا كان مرحلة انتقاليه بحياته وسيزون 3 و4 بيعيش حياة جديده بعد الزواج والاسره حبيت ردك رجعتيلي ذكريات سيزون 2 كلو وبانتظار رايك بسيزون 3
مرسله في
سمر عن جد بستمتع و انا بقرا ردودك خليتيني احن ارجع اشوف السيزنات القديمة و عندك حق بالنسبة لليلى مستفزة جدا و وقحة و قليلة ادب بس احسن شي انها ريحتنا من دوكس اللي بالمناسبة بشوف انه بيستاهل كل اللي حصله بما انه حشر نفسه في اللي ملهوش فيه
في انتظار رايك عن باقي الحلقات خاصة السيزن 4 متحمسة اشوف ردة فعلك و مثل ما قال عمرو اياكي تفوتي على اي موقع للمسلسل حتى ما تضيعي ع نفسك التشويق اللي في الحلقة الاخيرة