خطوة حلوة انهم وزعوا هالاغلفه

اتمنى قسم التسويق بشوتنغ ستارز يستوعبون اهمية وجود هالكرتونة الصغيرة اللي تلمع على اغلفة الافلام .. شوية اهتمام بشكل الاصدار كفيل بأنه يلفت نظر الناس له ويغريهم عشان ياخذونه من الرف .. اغلفة الابطال اللي سبق ونزلوهم فيفا السنة اللي فاتت انمسحوا مسح من السوق وانباعوا بشكل بسرعة جنونية .. سنين وهالافلام موجودة عالرف وماكان احد يشتريها او يلتفت لها .. ومع هالسليب كوفر وشوية شطارة انباعوا ..

بس غريب انهم منزلين بعض العناوين بدون دبلجة مثل هرقل واحدب ..

بحكم انهم كانوا نازلين مدبلجين من قبل على ديفيدي!!

رد مقتبس:

---

المرسل الأصلي هو O M A R:


مرحبا شباب الدليل

حاب اقولكم شي صارلي البارحة

المغنية كارمن كانت طالعة لايف على الانستقرام و عاد انا استغليت الفرصة

ف انا قعدت اكتب كومنتات عن فلم موانا و كنت اكتب اكثر من مرة لان تقريبا ما كان

في حد غيري يرمس عن هالموضوع، ف يوم شافت قالت شو رايكم فموانا و فالأغاني

كتبت ان كان روعة و حلووو و قعدت تغني أنا موانا

و قالت كيف انها اتحمست لمن الدكتورة جيهان الناصر اتصلت فيها و كلمتها عن الدور

و قالت بعد انها مستانسة انها مثلت كصوت غنائي لأميرة من أميرات ديزاني

اداءها لاغنية انا موانا كان جدا رائع و اتذكر ما طولت وايد لإن كان عندها حفلة في نفس اليوم

حبيت اداءها للإغنية بس للأسف ما لحقت اسمعه من أول شي بحكم اني ماكنت فالبيت

---

اخيراً اول ردت فعل وتصريح رسمي من كارمن بخصوص تجربتها بفيلم موانا .. بس عاد خسارة مالحقنا على البث .. اتمنى فانزها يكونون سجلوه .. المهم حبيت انها فرحانة وفخورة بهالتجربة .. وحبيت انها تكلمت عن جيهان الناصر .. وطبعاً استغربت انها غنت انا موانا بدل المجهول يناديني .. بس احس ممكن لانها اول اغنية نزلناها عالنت فاحتمال علقت معاها ومع الناس اكثر .. المهم احس حرام ديزني ماتستغل مشاركة كارمن بالفيلم وتسجل معاها كليب او عالاقل فيديو صغير وتسوق للنسخة العربية .. فالحين يسجلون لي مع هبه طوجي اغنية سخيفه لمسلسل محد داري عنه صار له فوق الثلاث شهور معروض ..

الف شكر احمد وعمر على هالاخبار والتفاصيل الحلوة