اول نصيحه : لا تدخلونه 3D دخلوه ايماكس او 2D لان حسيت الثري دي ظالم الفيلم تمنيت دشيته ايماكس
لغة الفيلم : انجليزيه
مستوى الانميشن و الجرافيكس : روعه ممتاز ، سنوات ضوئيه بينه و بين نيمو الاول
القصه : ممتازه جدا و مرتبه و بسيطه و محبوكه بطريقه سلسله تدخل القلب
الدراما و الدموع : جهزوا الكلينكس في جم مشهد راح تدمع عينكم غصبن عليكم
الاكشن : فوق الرائع تقعد على اعصابك و انواع الحماس طول الفيلم
الكوميديا : عجيبه مدروسه مرتبه بدون مبالغه و تكلف تناسب الصغير و الكبير
تقييمي للفيلم : 10 من 10
هل كان يستحق نيمو جزء ثاني ؟ بعد مشاهدتي للفيلم اقدر اقول اي نعم يستحق و و الجزء الثاني جاء بوقته لان فعلا عالم البحر لا يخلو من القصص و بدال قصة نيمو و دوري هناك بليون قصه و قصه
تجربه استمعت فيها و طلعت منها برسائل جميله لامستني كشخص كبير شلون عيل الاطفال ؟
و ايضا حرصت اني اشتري هذا الكوب و الدلو كذكرى لمشاهدتي للفيلم
تحصلونه في سينما vox في دبي
--------------------
المشاركات: 547 | من: Kuwait | تاريخ التسجيل: أبريل 2015
|
مرسله في
أنا اليوم بروح الفلم ومتشوق حقه عقب طول انتظار انا من اطالع تعليقاتكم اتشوق حقه اكثر من كل مرة ان شاء الله انا بعد يعجبني بس سؤال.. ليش مافي موضوع خاص حق الفلم في المنتدى؟ يعني فلم مثل هذا يستحق يكون ليه صفحة خاصة مثل الافلام الباقية بس بعد قعدت أفكر يمكن حق لا تتعدد الصفحات فضلتون التكلم عنه في الدليل نفسه يعني ما قصدي شي بس جدي أقول أنا الجزء الأول عجبني بس إن شاء الله هذا بعد يعجبني
-------------------- المشاركات: 182 | من: البحرين | تاريخ التسجيل: يناير 2015
|
مرسله في
توني مخلص الفلم وطبعًا ما بقول الاحداث حق لا احرقهم على الا ما جافوه للحين الفلم تقديمه بالنسبة ليي 9.5 من 10 للأسف فوت المقدمة بسبب الزحمة .. من جدي شلت النص هو حجزنا من النت بس الزحمة أخرتنا عن البداية اوكي الفلم بشكل عام أحداثه متعددة والمشاهد المضحكة ما خلت منه وحتى اغنية دوري المفضلة حزة ما كانت تغنيها بالانجليزي انا كنت اتخيلها في مخي بالمصري [ عوم وتمخطر عوم وتمخطر مخطر مخطر ] الفلم صح ما جفته من بدايته بس بعد حبيته ربعي كل ما جافوا لقطة مؤثرة طالعوني.. حسيتهم يحارسوني أتأثر ما أدري ليش شخصية دوري كانت مختلفة وبشكل حليو وتأثيرها على الباقي كان حلو بعدين بره عقب ما خلصت الفلم كان في ستاند حق التصوير اخذت ليي صورة للذكرى.. حسيت أول مرة أسوي شي مثل هذا الشخصيات الجديدة كلهم حليوين بس شخصية ديستني كانت اكثر وحدة حبيتها وحسيتها مقاربة لدوري بس.. ما عندي تعليق ثاني
-------------------- المشاركات: 182 | من: البحرين | تاريخ التسجيل: يناير 2015
|
مرسله في
حمستني ردودكم لفيلم دوري كل مراجعاتكم عنه ايجابية
روعـة دلو الفشار وكوب المشروب أحسك كذا دخلت جو الفيلم صح ماشاء الله عليك أخوي itunes دائماً أغراضك مميزة ومشكور على انطباعك المرتب المشاركات: 3077 | من: المملكة العربية السعودية | تاريخ التسجيل: يوليو 2011
|
الفيلم باختصار شديد .. روووووعة وحبيته اكثر من الجزء الاول تقريبا لكن بنفس الوقت اقدر اقول انهم بمستوى بعض مدري شلون اشرح لوول ماعرف اقول رآيي بالتفصيل عشان لا احرق على اللي ما شافه بس الفيلم بشكل عام كل شي فيه موزون سواء من قصة واحداث وكوميديا وغيرها ماحسيت ابدا بلحظة ملل والشخصيات الجديدة كلللللها تنحب وحبيت اكثر العلاقة بين دوري والاخطبوط تجننن
وعن نفسي راح اضم دوري ضمن سلسلة السيكولز الناجحين نفس سيكولز حكاية لعبة واللي ما شافه يلحق يشوفه باقرب وقت لايفوت عليه الفرصة ومتحمممممس كثييير اشوف النسخة العربية
وبعد في شي بخصوص الثري دي .. شباب انصحكم شوفوه بالسينما ثري دي ، كان شي روووووووعة ومتتع جدا تشوفون الفيلم وكانهم تحت البحر بين السمك والشعب المرجانية
وبالنسبة للشي اثار الجدل وانقال انه في ليزبيان وهالكلام الفاضي اقدر اقول انه مافي ابدااا لا ليزبيان ولا خرابيط المشهد جدا عادي لايدل ولا يوحي بشي
..........
يحليلها سلوى
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
مرسله في
أنا فلم the jungle book لحد ألحين ما چفته وكل مكان أسمع الناس يتكلمون عنه ويمدحونه وأنا حضرتي للحين ما چفته وله حتى أبديت رايي فيه المشكلة إن ربعي إلا أروح وياهم السينما راحوه من غيري وما تكلموا إلا بعدين إن حليو وعجيب وصراحة ما عرفت أروحه بروحي بس بس للحين حاس برغبة حق أچوفه
-------------------- المشاركات: 182 | من: البحرين | تاريخ التسجيل: يناير 2015
|
توقيعك أعشششق فيلم حياة الامبراطور الجديدة وأعتبره آخر أفلام ديزني اللي لو أشوفه مليون مره ماأمل منه شخصية أزمه او إيزما من آحلى الشخصيات الشريرة وهي اللي شالت الفيلم بتعابير وجهها وتعليقاتها وكملوها بالدبلجة المصرية اللي كانت بقمة الجمال والوضوح والإحترافية
المشاركات: 3077 | من: المملكة العربية السعودية | تاريخ التسجيل: يوليو 2011
|
مرسله في
على طاري أميرات ديزني.. أمس كنت أقرا مقال عن كيف انه إلسا و آنا رسميا مش موجودات ضمن براند أميرات ديزني.. والسبب انه فروزن صار ماركة خاصة مفصولة قادرة ادخل أرباح بدون ما يعتمدون على مصدر ثاني.. يعني تخيلوا حجم الأرباح اللي ديزني ادخلها من فروزن اذا وصل لمرحلة انه فيه ماركة اسمها فروزن
-------------------- [ المشاركات: 7335 | من: الامارات | تاريخ التسجيل: يوليو 2003
|
إرسال هذه الصفحه لصديق!
لطباعه هذا الموضوع
![[eyelove]](graemlins/eyelove.gif)
![[Big Grin]](biggrin.gif)
![[heartpump]](graemlins/heartpump.gif)
![[nut]](graemlins/nut.gif)
![[rose]](graemlins/40.gif)
![[rofl]](graemlins/rofl.gif)
![[crazy]](graemlins/crazy.gif)
![[Embarrassed]](redface.gif)
![[Frown]](frown.gif)
![[crying]](graemlins/crying.gif)
![[sick]](graemlins/sick029.gif)
![[bye]](graemlins/bye.gif)
