مرسله في
شباب مقاسات ستور ديزني الامريكي لايكون فضفاضة؟ ولا نفس سايزات الخليج ؟ عشان لو فضفضاة اخذ اصغر
المشاركات: 44721 | من: الـكـويـت | تاريخ التسجيل: أكتوبر 2003
|
ورا باجر ان شاء الله راد البلاد ع طيران الإمارات ناوي اتابع كل الافلام اللي انزلت بهالفترة وما دخلتها السينما
----------------------------
ناصر تسلم ايدك ع التقرير المميز كلامك فيه تأثير سحري . . . كل ما اقراه تحببني بالفلم اكثر واتحمس اشوفه مرة ثانية . . . عاد هالفلم شفته اخر مره من زمااااااان وناسي معظم احداثه ف ماشي انسب من هالوقت اني ارجع واتابعه مرة ثانية واسترجع ذكرياتي مع هذا الفلم . . . خصوصا اني من عشاق افلام البوليسية وسوالف المحققين
----------------------------
شباب شخبار بلوراي زوتوبيا؟؟ . . معقوله طول هالفترة وما نزل!!
[ يوليو 25, 2016, 12:16 PM: تم تحرير المشاركه من قبل: ديزناوي ]
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|
سألت واحد في فيرجن قالي وصلتهم 3 او 4 نسخ بس وانباعوا عطول حتى في موقعهم مكتوب سولد اوت وطلبوا نسخ ثانية وماوصلهم لين الحين وقاعدين ياخذون طلبات الناس ويوفرون نسخ من النت قتله لو اباه من النت كنت طلبته بنفسي
اوه اكيد راح اتابع المقابله .. راح نسمع لاول مره تداعيات الحملة اللي صارت واثرها على فيلم دوري وشنو طلبت ديزني منه عشان تدارك غضب الفانز!! .. مقابله مهمة لازم اتابعها
الف شكر محمد
رد مقتبس:المرسل الأصلي هو Orphen:
سألت واحد في فيرجن قالي وصلتهم 3 او 4 نسخ بس وانباعوا عطول حتى في موقعهم مكتوب سولد اوت وطلبوا نسخ ثانية وماوصلهم لين الحين وقاعدين ياخذون طلبات الناس ويوفرون نسخ من النت قتله لو اباه من النت كنت طلبته بنفسي
اوف معقوله؟ يعني نسخة البلوراي الخاصه فينا من فيلم زوتوروبليس نزلت وصارت سولد اوت بهالسرعه؟ بأقل من ثلاث اسابيع؟ ولا يمكن قصدهم على نسخة الديفيدي بس؟ .. لان الديفيدي فعلاً نزل وخلص بسرعه .. لجين عمران صورتهم بسنابها وهم بأرفف المحلات وروح ديزني اشترا نسخه اول مانزل
لكن البلوراي محد قادر يلاقيه .. وعالاغلب مانزلوه ولا كان سمعنا عنه ..
اتوقع والله اعلم ان صايره مشكلة كبيره مع فيفا .. او انهم خلاص وقفوا للابد .. لان الموضوع مايتعلق بديزني بس .. فيفا مستلمه توزيع اغلب افلام شركات هوليوود .. والمفروض يكونون نزلوا من اسبوع بلوراي كونغ فو باندا 3 !! لكن ابداً ماله اثر بأي مكان ..
مصيبه كبيره لا عالبال ولا عالخاطر
لو فيفا سكرت معناته راح ندخل عصر الظلام الثاني .. بعد ماسكرت الخيول ظلينا متوهقين سنتين بدون موزع مش عارفين نوصل للاصدارات اللي فيها الدبلجة .. واشياء وايد راحت علينا بهالفترة ..
والمشكلة ان فيفا هي اهم شركة توزيع حالياً بالشرق الاوسط للافلام مع كل سلبياتها .. باقي الشركات مالها اي نشاط يذكر .. مثل سكوب وغيرها .. يعني كل مره قاعدين نخسر شركة توزيع مهمة لحد ماراح نصفى على ولا شي .. الخيول وبعدها روتانا وبعدها فيفا .. والله يلوم اللي يلومهم .. اقبال الناس عندنا على الاصدارات الاصلية صار ضعيف والايتونز وسوالف الاستريمنج ماكلين عليهم الجو
الحين هدفي بس اني احصل على نسخة زوتورولبس اللي نزلتها فيفا!!
نسخة الديفيدي!!
وفي حال نزلوا نسخة بلوراي للفيلم بتكون المهمة اصعب واصعب عشان نلاقي نسخة منه .. ولو اني مستبعد انهم نزلوا البلوراي من الاساس لان محد شافه ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
ماعتقد انهم مانزلوا نسخة بلوراي لانهم بعد حاطين بالموقع انه في وهالشي مو من فراغ لكن اغلب الظن انهم نزلوا كميات بسيطة تنعد عالاصابع وقد يكون بسبب مشكلة بالتوزيع من من نفس الشركة مدري بالضبط بس الله يستر من الوضع
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
دة اللي كنت خايف منه ماهو كله من القرصنة والتحميل المجاني احنا في مصر الموضوع دة زي النار في الهشيم ربنا يستر وماتكونش ديزني سحبت علينا اصدراتها الآصلية خالص لآن دة لو حصل او ان شركة فيفا تكون قفلت تبقى كارثة زي ماقال ناصر لآنه كدة مافيش اي فيلم هينزل عندنا خالص ربنا يستر بقى
حبييييت المقابلة واجوائها جدااااااا واكثر شي حبيت تفاعل المذيعة يحليلها ، حسيتها تدري هي قاعدة تتكلم مع مين و داخلة جو معاهم عالاخر
عكس باقي المذيعات اللي بالمقابلات اللي فاتت مو دارين وين الله قاطهم
بس ناصر بالعكس من الاشياء اللي عجبتني انهم قاعدين يمدحون ويمجدون بالعامية المصرية و يهمشون الفصحى و يحرام حسيت انهم منغثين منها بالشغل خصوصا مرهف الـ ظه والـ ظِه لووول
بشكل عام المقابلة من اروع مايكون واعطتني امل كبييير للافلام القادمة بالمستقبل بخصوص دبلجتها وحتى دوري مع انه بتكون فيه نسبة بسيطة مصري الا اني متحمس اشوف النتيجة
[ يوليو 28, 2016, 06:51 PM: تم تحرير المشاركه من قبل: A M I R ]
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|