مرسله في
بدت تنزل ريفيوات Pete's Dragon .. الآراء جدا ايجابية و استمراريه لنجاح ديزني في ال2016.. يمكن يكون هالفلم أكثر فلم من أفلام ديزني لل2016 كنت حاس انه بينسب و الكل بيكرهه لكن لحد الآن النقاد حابينه جدا.. خلاص تحمست رسميا للفلم وفيه اشاعه بعد تقول انه أغنية Candle in the water بتكون في الفلم
[ يوليو 29, 2016, 07:14 AM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
مرسله في
روعة خبر ميريل و أحس المخرج روب مارشل هو اللي أقنعها لأنه الممثلات اللي اشتغلوا معاه وايد يحبونه و عندهم ولاء كبير اله.. حتى ايميلي بلانت قالت انها تجربتها معاه في Into the woods كانت أحلى تجربة الها مع مخرج على الاطلاق..
على فكرة غريبة محد حط رايه بايلينا ؟؟؟ الحلقة الأولى نزلت من أسبوع بس أحس محد داري عنها.. أنا شفت الحلقة و حسيته وايد قريب من أجواء صوفيا.. وبشكل عام تقريبا نفس اللي توقعت اني أشوفه... الأغاني والحوارات بعد حبيت انها فيها تويست أسباني على لاتيني .. ايلينا نفسها بطلة تستاهل مسلسل خاص فيها و أعتقد من الدقايق اللي حطوها في الحلقة الأولى انه فيه قصة كاملة وطويلة ما شفنا منها شي وديزني خاشينها لبعدين.. و صوت الممثلة اللي تؤدي دور الينا ذكرني بكاميرون دياز.. وايد قريب من صوتها في الكلام.. و صوتها الغنائي بعد ممتاز وما يقل أهمية عن أميرات ديزني الثانيات يعني لا تتوقعون صوت بنت صغيرة مثل مسلسلات ديزني جونيور... صوت قوي و نوتات عالية و حركات وأعتقد أصلا عمر الممثلة 27 سنه يعني مب مراهقة..
-------------------- [ المشاركات: 7335 | من: الامارات | تاريخ التسجيل: يوليو 2003
|
رد مقتبس: وف حتى ميريل ستريب مشاركه بفيلم ماري بوبنز!!
ايميلي وميريل ومارشال [heartpump]
ثلاث اسامي تخلي اللعاب يسيل
ضيف عليهم مارك شايمن و سكوت ويتمان اللي بيكتبون الأغاني... بتعرفون ليش أمدحهم هالكثر يوم بينزل الفلم... عباااااقرة هالاثنين فعلا ديزني سووا اللي عليهم و أكثر و سلموا ميري بوبنز لناس الهم اسمهم وقد المسؤولية..
خبر ديزني جونيور روعه.. مع انه ما تطلع عندي بالعربي أنا مشترك في قنوات ديزني اللي من ضمن شركة اتصالات و الوحيدة اللي بالعربي هي قناة ديزني العادية.. اللي أصلا برامجها كلها بالانجليزي. بس هالثلاث مسلسلات روعه وبعيده وايد عن أجواء مسلسلات الأطفال و الروضه
-------------------- [ المشاركات: 7335 | من: الامارات | تاريخ التسجيل: يوليو 2003
|
'The Incredibles 2' release date, spoilers news: New villain is someone from the family?
While there's still three years to go before the release of "The Incredibles 2," the long-awaited sequel to the Academy Award-winning 2004 box office hit, various fan theories about the film's plot are already popping up all over the internet.
One new theory, which tackles the identity of the main villain in "The Incredibles 2," is particularly unsettling.
According to a post by Reddit user Professor_Wonder, who came to the conclusion after rewatching "The Incredibles," the main villain won't be a newbie to the animated franchise. Rather, it will be someone from the first film. More specifically, it will be someone from the Parr family.
According to the Redditor, the villain in "The Incredibles 2" will be Dashiell "Dash" Parr, Bob/Mr. Incredible and Helen/Elastigirl's middle child who possesses super-speed.
Explaining his claim, he pointed out that Dash was always told to rein in his superpower, even during a sports competition in school.
The Reddit user notes that while Dash was repeatedly reminded to control himself in "The Incredibles," an older Dash may have an even more difficult time complying with that order.
"Teenagers are not well known for that," the Redditor wrote. "In fact, teenage boys are well know[n] to act way out when forced to control themselves that way. Lets look at that side of the puzzle."
Professor_Wonder also points out that Dash gets conflicting notions of how to use his superpower from his parents. When he placed a tack on a teacher's seat, his mother scolded him but his father responded with excitement over the fact that his son didn't get caught.
"In a family that seems to be falling into a deep depression, Dash is able to garner some positive attention by doing something negative, the final piece of my theory," the Reddit user added.
According to Professor_Wonder, in "The Incredibles 2," Dash goes down a dark road at the coaxing of a mentor, who is identified as the maker of the caped suits that got so many Supers killed. This suit maker creates a suit that empowers Dash with his father's strength, his mother's elasticity, and his sister's ability to create force shields and become invisible. The Redditor also suggests that Jack Jack, who will be a teenager in "The Incredibles 2," will be the one to stop Dash.
Meanwhile, "Finding Dory" director Andrew Stanton spoke to io9 earlier this year about "The Incredibles 2." When asked about what fans can expect from the sequel, Stanton said, "Well, look, it was in the movie from the first one."
"There was a big promise at the back end of the movie. 'Here we go. They're now a family of superheroes,'" he added.
"The Incredibles 2" is scheduled to open June 21, 2019.
--------------------
المشاركات: 547 | من: Kuwait | تاريخ التسجيل: أبريل 2015
|
شباب رسمياً دخلنا عصر الظلام الثاني بالنسبة لاصدارات ديزني المنزلية
تم تأكيد خبر اغلاق اخر اهم شركات توزيع افلام البلوراي والديفيدي بالشرق الاوسط الى الابد .. فيفا اغلقت رسمياً بعد خسائر فادحه .. رسمياً اخر اصدار لديزني تم طرحه يحمل شعار فيفا هو زوتروبوليس
اللي استطاع انه يلحق ويشتري نسخته الخاصه من زوتروبوليس واللي نزلت بكميات جداً جداً محدودة بالامارات فهو محظوظ .. للاسف الفيلم ماراح يتوفر بنسخته العربية بأي دولة حتى الامارات نفسها عالاقل لوقت جداً كبير لحد ما ديزني تلقى موزع جديد يستلم افلامها
فيفا الان اشترتها احدى الشركات المتخصصه بتوزيع العاب الفيديو جيمز للاسف وكل تركيزها راح يكون على هالالعاب .. سمعت ان احتمال هالشركة تتعاقد مع ديزني .. لكن راح تكون نسبة النسخ الموزعه اقل بـ 80% من العدد اللي كانت تطبعه فيفا .. يعني اذا قبل كانت الاصدارات قليله فالان راح تكون اقل ب 80 مره
الوضع مآسااااة من جد .. ادعوا ان ديزني تقدر تلقى لها موزع جديد لافلامها وتستمر بطرح افلامها وماتتأخر سنتين او ثلاثه مثل ماسوت قبل ايام الخيول بعد ما اغلقت .. او انها تسحب علينا للابد .. وضع مبيعات النسخ الاصلية بالاسواق العربية مايشجع ابداً للاسف
والمشكلة ان فيلم البحث عن دوري راح ينزل في نوفمبر .. والعين كلها عليه بسبب عودة اللهجة المصرية بنسبة 20% من خلاله .. لو مانزل السوق معناته علينا العوض
مع اغلاق فيفا خسرنا اليوم اكثر شركة نشيطه وصامدة بعالم الاصدارات المنزلية بالشرق الاوسط .. مستقبل اصدارات ديزني عندنا صار مبهم وغير واضح .. هل راح تستمر او تتوقف .. واذا استمرت هل راح تكون بنفس القوه السابقه او لا .. ومتى ممكن ينحل موضوع الموزع وهل راح يتأخرون ولا لا
اسئلة كثيرة مانعرف اجوبتها
كل اللي اعرفه حالياً هو ان زوتروبوليس صار واحد من اندر اصدارات ديزني اللي نزلت .. مانزل منه الا كميات بسيطه بالامارات فقط وصار سولد اوت بأول اسبوعين من طرحه ومارجعوا وزعوا نسخ ثانية ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
تضيف الدبلجة والترجمة العربية في نسخها الاوربيه وانتهى الموضوع وابو ابو الشركات العربية
المشاركات: 44721 | من: الـكـويـت | تاريخ التسجيل: أكتوبر 2003
|
المشكلة الحقيقية من وجهة نظري هو ان مافي ناس تشتغل بهالمجال عارفه كيف تسوق لهالافلام وتخلي الناس تنزل وتشتري!!
لا بوسترات معربة حلوه .. لا اعلانات ولا حملات تسويقية مثل الناس .. حتى طريقة بيع المنتج تلوع الجبد!!
فيفا قبل لاتسكر حطت سليب كوفر لماع على كل ديفيديهات ديزني اللي ماقدرت تبيعها ونزلتها السوق وبظرف شهرين صاروا سولد اوت بكل الخليج .. بس لانها عرفت كيف تقدم هالمنتج بشكل مغري للزبون وحطت على نسخ الديفيدي الحافيه المنتفه اللي صار لها مكوده عندهم من سنوات سليب كوفر لماع وخلاص .. وبالاخير بوووم .. انباعوا كلهم بمدة قياسية!!
ديزني وشركات التوزيع ضروري يعملون دراسه ميدانية شامله للجمهور ويعرفون شنو يحب ومايحب .. طول ما هالشركات تعاملنا معاملة اقل من باقي الدول الثانية مثل عالاقل تايلند وماليزيا مابي اقول فرنسا وايطاليا .. وتعتبرنا زباين درجة عاشره وان احنا عرب مانستاهل اصدارات متعوب عليها ومتكلفه وشكلها حلو عمرها افلامهم ماراح تنباع عندنا بشكل حلو .. وراح يستمرون الناس بالتحميل والقرصنه وتطنيش النسخ الاصليه .. الا من رحم ربي والكولكترز المساكين اللي راح يشترون اي شي ينزلونه ..
الحين شنو عندنا غير فيفا ذكروني شباب؟ اللي اعرفه عندنا برايم وسكوب .. والاثنين اسوء من بعض وماعندهم اي نشاط يذكر واخر اصدار نزلوه كل واحد فيهم من سنه ونص من كثر ما هالشركات ميته ..
قلبي محترق على زوتروبوليس .. اهم فيلم لهالسنه ينزل بهالشكل اللي يفشل .. والمصيبه دبلجته العربية روعـــه .. حرام ماتاخذ حقها وتنشاف عدل ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
كنت حاس ان هالشي بيصير هالويكند ما خليت محل افلام في راس الخيمة الا ورحتله وما لقيت ديفيدي زوتروبوليس ابداااا الظاهر توزع بشكل وايد محدود في المحلات الكبيرة مثل فيرجن وغيره
ونحن مستانسين ان ٢٠١٦ سنة خير على ديزني واخرتها ننفجع بخبر مثل هذا
-----------------------------------
نحمد الله ونشكره ع الايتونز بنضمن ان الدبلجة العربية ما بتضيع منا مثل ما استوى على ايام الخيول الله يعيننا بس على هذي الفترة وان شاء الله تنتهي هالمشكلة بأسرع وقت
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|