عامر شي موقع اسمه سبيستون ستور عنده اصدارات مختلفة من ديفديات ديزني عاد هالموقع توه فاتح ويديد واسعار الديفديات عنده نفس اسعار موقع ايدو بس مادري اذا كانت هاي نسخ بريطانية ولا نسخ الشرق الاوسط اللي فيها الدبلجة سألتهم اكثر عن مرة ومحد رد علي حالياً المتوفر عندهم بس ديفديات لكن اتمنى بعدين يضيفون الصيغ الثانية وينزلون الافلام اليديدة بوقتها نفس موقع ايدو
رد مقتبس: Hello, please note that we will be closing this page indefinitely, Viva Entertainment has closed businesses for Gaming as well as Home Entertainment. We will be creating new pages which you will be able to search using "Shooting Stars Games" & "Shooting Stars Home Entertainment" in the search bar. We will also create new Twitter and Instagram accounts soon, the information and details will be posted on the above said new pages. These changes may take up-to a week to be implemented so please bear with us. Look forward to seeing you all on the other side and thank you for your continued support.
يعني معناته ان شوتنج ستارز متخصصه بالالعاب والافلام وبيتم التوزيع عن طريقهم
مرسله في
صراحة اللي صاير شيء جداً يخوف، بس إنشالله كل شيء يرد مثل قبل وأحسن، حتى لو يقللون الكمية اللي يبيعونها عالأقل نحصل شيء منها، والحمدلله البيان اللي حطه أورفن من صفحتهم يطمن صراحة واللي فيه الخير إنشالله يصير
مع الرسالة اللي حطها احمد وردهم علينا والاخبار اللي عرفتها الامس .. نقدر نقول ان موضوع الموزع الجديد لافلام ديزني انحسم وصار واضح ..
شوتنج ستارز راح تكمل مشوار الخيول وروتانا وفيفا
الامس قعدت اكلم الشخص اللي نقل لي خبر توقف فيفا وقالي انه تواصل مع الشركة الجديدة عشان يعرف خطتهم القادمة مع ديزني شلون بتكون .. هالشخص مسؤول في احد قطاعات عالم السينما ..
وهذا اللي عرفته:
1- المفاوضات بينهم وبين ديزني قربت تخلص ..
2- للاسف ومبدئياً شوتنج ستارز مالها نيه تقوم بتوزيع الافلام القديمة حتى لو كانت مجددة مثل حورية البحر والاسد الملك وغيرهم .. راح يقتصر توزيعها على الافلام الجديدة فقط .. وهذا بطلب مدراء الشركة .. مش حابين يكررون نفس السيناريو اللي صار مع فيفا .. مازالت فيفا لليوم تمتلك بمخازنها كميات كبيرة من افلام ديزني القديمة اللي ما انباعت ومتوهقه فيهم .. بس احتمال تتغير هالنقطة قبل مايوصلون للاتفاق النهائي ..
3- الكميات الجديدة راح تكون اقل من السابق ..
4- اول شركة توزع لديزني بالمنطقة اسمها متكون من كلمتين .. والاحلى ان الاسم ساحر وحالم ويناسب ديزني .. شوتنج ستارز
نتمنى هالتغيير يكون للافضل وتكمل سنة 2016 بشكل حلو معانا ..
اشوف الجانب الإيجابي الوحيد اللي فيه هو انه ما بننتظر فترة طويلة بدون موزع ويروح علينا اصدارات بس
لكن بعدها كله اقل من فيفا ! كميات اقل افلام قديمة ما بيعيِّدوا طرحها (هادي النقطة ما فهمتها يعني تقصد الاصدارات اللي نزلت اولريدي ولا اي اصدار مستقبلي لفيلم قديم حتى ؟ يعني تخت مسمى اصدار مدري ماسي او اللي بيجي بعده)
ثانيا اكثر شي مضايقني موضوع الكميات انها بتكون اقل فيفا مع كمياتهم اللي لا تعد ولا تحصى كانت تيجي عندنا الافلام بعد شهوووووور الا بعد البلوراي يجيبوا 3 ولا 5 نسخ من كل فيلم وخلاص كا يجيبوا بعدهم مرة ثانية لو انباعوا
دحين بعد تقليل الكمية ايش بيصير ؟ ما استبعد ما يجيبوا عندنا نسخ غير ديفيدي
+
الاسم حبييييييته خصوصا انهم فرعين مختلفين نفس ما كتبوا بالرسالة اللي حطها اورفن يعني بيطلع شكله مرتب ورا بالغلاف شوتنج ستارز هوم انرترتينمنت مو قيمز
---------------------------------
الغلاف حق مجلة توينتي ثري روووووعة من السنة اللي فاتت وانا افكر جدياً اسوي اشتراك بالنادي مع اني ما شفت شي مرررة مغري بالنادي يادوب مجلات واوراق وتصريح للموقع حقهم بس مادري خاطري اشترك ويجيني اوراق اعتمادي رسمياً كفان ديزني
-------------------------
محمد .... موقع سبيستون ستور شفت إعلانهم من كم يوم ودخلت الموقع بشكل سريع هذا بديل محل سبيستونات لأنهم سكروا كل محلاتهم خلاص
بس لما دخلت ما شفت افلام ديزني وحتى دحين دخلت مرة ثانية اشيك مافي وين تحصلهم ولا كيف تدخل صفحتهم؟ حتى بالـ Search مكتوب ان في ديفيديهات ديزني بس لما اختارها مافي شي
--------------------
المشاركات: 794 | من: ¥Under The Sea¥ | تاريخ التسجيل: ديسمبر 2012
|
اللي فهمته الافلام القديمة كلها .. حتى اللي تنزل مع ترميم جديد وتحت مسميات ماسية وبلاتينية وموقعه وكذا .. يعني خلاص اللي عنده الاصدارات القديمة حق النبيلة والشارد وبامبي وهرقل وغيرهم لازم يحافظ عليهم لان ماراح تتوفر اصدارات ثانية لهالافلام مستقبلاً ..
واللي مالحق وخذ اي فيلم فيهم راحت عليه
وطبعاً الوضع اصعب واصعب بالنسبة لمسلسلات قناة ديزني مثل دبب الاساطير وقصص بطوطية والكلاسيك شورتس .. لانهم اكيد ماراح ينزلون بعد .. اذا الافلام الطويلة ماعطوها وجه راح يهتمون حق هالاصدارات الجانبيه؟ مستحيل ..
بس عندي احساس ان ممكن تكون في استثناءات بالمستقبل وممكن يفاجئونا .. مع ديزني بالذات تعلمنا ان مافي شي اسمه مستحيل وممكن بأي لحظه كل شي يتغير .. اهم نقطة بنظري الحين هو اننا ضمنا ان افلام ديزني الجديدة راح تستمر بدون توقف على اقراص ملموسه .. لان هالافلام مش مضمون نلاقيها .. اما الافلام القديمة فقدرنا نجمع اغلبها على كذا فورمات .. والباقي ماراح يقصر الايتوتز ..
+
غلاف d23 روعه .. يمكن اخذه لوحده من ايباي
اشتراكي معاهم مادري عنه اذا خلص ولا لا .. ما احس اني استفدت شي منهم .. حتى الاعداد الاخيرة من المجلة كانت ممله ومافيها اي شي يشجع عشان اكمل
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
شباب شفتوا الكتاب الفخم اللي راح تنزله ديزني بنوفمبر؟! .. شي خيالي!! .. راح يكون اضخم ارشيف يضم بين صفحاته كل الارت ورك والريفرانس والباكقراوندز وغيرهم لكل افلام ديزني اللي ظهرت بين 1921 و 1968 .. الكتاب مكون من 624 صفحة مع اكثر من 1500 صورة واطنان من المقالات المصغره لأهم المؤرخين بتاريخ فن الانميشن .. اسم الكتاب:
The Walt Disney Film Archives: The Animated Movies 1921-1968
الكونسبت ارت حق سنووايت يخوف من روعته كأنها لوحات فنية معتقه من العصور الوسطى .. ولاحظوا صورة الممثلة الحقيقية لسنووايت وهي تمثل مشهد بير الامنيات
بينوكيو واول تجربة للمساحات الشاسعة بالخلفيات واكثر تجربة ناضجة لديزني من ناحية استخدام الكاميرا المتعددة الطبقات
هالكتاب ضروري يكون عند كل واحد .. في افلام مالها كتب تتناول مراحل تنفيذها .. مثل كتاب الادغال والسيف المغمور ودمبو والنبيلة والشارد وغيرهم .. فمثل هالنوعيه من الكتب اللي يسمونها الفانز "كتب مقدسة" راح تكون بمثابة متحف يضم صور واسرار وكواليس هالاعمال تحت غلاف واحد ..
هالكتاب ذكرني بواحد من اقوى الكتب واللي لازالت لليوم تعتبر مرجع مهم بالنسبة لتاريخ افلام ديزني .. كتاب Disney Animation: Illusion of Life .. قاموا بتأليفه اثنين من الناين اولد مين .. فرانك توماس وأولي جونسن .. هالكتاب يعتبر مرجع اساسي لاي واحد حاب يحترف او ياخذ فكره عن صناعة الانميشن ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
مرحبااا من اسبوع كنت في فيرجن دبي مول وتميت اتكلم مع المسؤول عن قسم الافلام لين خرجت منه كل معلومه اقدر عليها طبعاً جيت اقرا كلامكم هنا حصلت كل شي مشروح وانا ضاغط عالانسان المسكين وعاصر منه كل معلومه يعرفها فعلاً الافلام كللللها بكل الرفوف الموجوده في المحل رح تنشال وتستبدل, لان الويرهاوس الجديد بيتولى المهمة للاسف مافيه اي اصدار مهم على رفوفهم قدرت اشيله, فخرجت عاري اليدين كما دخلت
وامس كنت اتمشى في مول بأبوظبي, وقررت ادخل سوبرماركت عندهم قسم افلام لطيف .. دخلت القسم كأني داخل مستودع ماحد رتبه من شهور .. الافلام فوق بعضها واللي طايح عالارض واللي مشقوق غلافه وقسم الانيميشن داخل على قسم اللايف اكشن والبلوراي فوق الديفيدي وحوسه وبسبب ال(نوعاً ما) OCD اللي عندي, شمرت وجلست ارتب واشوف ايش عندهم افلام ممكن اخذها طبعاً كل الافلام خايسه للاسف, زي حثالة القهوة العربيه مامنها فايده
رتبت الرفوف وخلصت وجيت خارج الا الاقي رف اخير عند المخرج, جلست عنده ومسكت كومة الافلام بيدي وجلست ارتبها اللللللا فجأه من حيث لا احتسب
نسخه واحده اخيره من بلوراي 3D فيلم زوتروبوليس بالدبلجة العربيه من توزيع فيفا !
الغلاف من الأمام
الغلاف من الخلف الاضافات الخاصه بالبلوراي هي : ٌResearch : A true life adventure the Origin of an Animal Tale Zoology : the RoundTables Scoretopia Z.P.D : Forensic Files "Try Everything" Music Video by Shakira Deleted Characters DELETED SCENES
الاقراص من الداخل (بلوراي و 3D)
الفيلم تم اصداره بتاريخ (16/6/2016) مما يعني ان له شهرين في الرف .. كان نسخه واحده ومافيه منه بلوراي لحاله او ديفيدي حسب ماقريت منكم ان نسخ مختلفه من الفيلم لقوها بعض الفانز في اماكن مختلفه وبعضها غريبه مثل ميني ماركت بمحطة بنزين !
ان شاءالله اي احد نفسه في نسخه يحصلها ياااارب و عامر و ناصر تبشرون باالخير لو حصلت نسخه ثانيه اعتبروها لكم
--------------------
المشاركات: 34 | من: saudi | تاريخ التسجيل: فبراير 2016
|