في الاول حاب اشكر الصديق الغالي جمعه اللي لولاه ماكنت وصلت لنسخ فيفا
طبعاً اشتريت كل الصيغ اللي نزل عليها الفيلم .. الحلو ان كل نسخة فيهم تحمل غلاف مختلف عن الثاني
وعشان تعبي مايروح هدر بحط لكم الصور اللي خذتها للاصدارات
زوتروبوليس
نسخة الديفيدي & البلوراي & الثري دي
من الامام:
من الخلف:
من الداخل:
شعار فيفا:
زوتروبوليس واحد من افضل ما قدمت ديزني بأخر كم سنه .. حبيته اكثر حتى من رالف وبيق هيرو .. فيلم رائع مليان سعادة والوان مبهجه وشخصيات لطيفه وقريبه للقلب .. وقصته ممتعه وفيها من سحر ديزني المعتاد .. والاهم ان القصه مو سطحية وغبيه مثل اغلب افلام الحيوانات .. قصه ثقيله ومليانه مشاعر ولحظات سوداوية .. غير انه يحمل اكثر من رسالة مؤثره عن العنصرية والصداقة والايمان بقدرات كل شخص
بس الاحلى والاهم هو ان هالفيلم يمتلك واحد من اجمل وانضج الدبلجات العربية اللي نفذتها ديزني بأخر كم سنه .. يعني لو بكره راح نتذكر مع بعض فترة قرار الفصحى راح نذكر دبلجة زوتروبوليس مع بريف وفروزن كأقوى 3 اعمال تقدمت خلال هالفتره المظلمة .. صح اني ماتابعت النسخة العربية بالكامل للحين .. لكن شفت مشاهد متفرقه كثيرة من الايتونز وكونت فكرة شامله عنها ..
اولاً الاصوات مستحيله .. ولا صوت حسيت انه مو بمكانه او اختيار غير مناسب .. ثانياً الكاستنج ابداع مابعده ابداع خصوصاً جودي والضابط الثور والفهد المتين .. ثالثاً الحوارات مكتوبة بشكل جميل وذكي خصوصاً نكتة الجمل ابو ثلاث اسنمه .. رابعاً التمثيل مليان مشاعر ويشد من اول مشهد والفضل كله للاخراج المحكم .. العمل الجيد ينعرف من اول وهله .. من غير حتى ماتحتاج تشوفه بالكامل .. ونسخة زوتروبوليس العربية من هالاعمال ..
والحيييييييييين
حان موعد انضمام الفيلم الكلاسيكي الـ 55 لباقي اصدقاءه من كلاسيكيات ديزني الخالدة في كبتي الملكي
بإنتظار الشيخة موانا تشرف معاهم بعد 8 شهور
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
ماشاءالله عليكم من كم يوم محصل نسخة الديفيدي وفرحان فيها حالتي نفس حالة عبدالله سكشن الافلام كان مب مرتب وييت انا وخربت المكان زيادة وسويت فوضى عارمة في المكان الاقي الفلم يعني الاقيه . . . والحمدلله لقيته اخر شي
الف مبروك للي لقوا البلوراي وعقبالي وعقبال الكل ان شاء الله انزين احمد دام لقيت بلوراي جان خذته انت عسب اخذه انا عنك المهم دام اني لقيت الديفيدي الحين هدفي الياي الاقي بلوراي 3D وان شاء الله الاقيه خلال هالشهر
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|
مبروك على كل الشباب نسخ رزوتروبوليس اللي لاقيتوها ويارب تتهنوا بيها يابختكم معاكم فيلم فعلا من اقوى افلام ديزني سواء كنسخة عربية او الفيلم نفسه تحفة ميروك عليكم
الاسعار حلوة ولو طلعت نسخنا وصار زي ايدو يجيب كل فيلم حديد قبل طرحه بري اوردر عشان يوصلك بميعاده الاصلي بيكون قنبلة وبديل مناسب لأيدو ويسهل علينا اننا نجمع الاصدارات خصوصاً هنا بما ان اغلب المحلات اللي كانت تحسها افلام سكرت وفيرجين شوي شوي جالسين يشيلوا الافلام
بس السوال هو ... هادي نسخنا العربية ولا لا ؟
صعب احدد من العناوين الموجودة، بعيدا عن انهم يستخدموا صورة لنسخة مو نسختنا عليها شعارات وتقييمات الفئة العمرية وغيرها لان مكتبة جرير وغيرهم يسوو نفس الشي
المشكلة اني اقدر اقول نسخنا لان في ديفيديهات من زمان وقفوا طباعتها وبيعها في المحلات والمواقع بكل الدول الا عندنا مازالت مستمرة ويسوو منها نسخ جديدة الين فيفا زي مجموعة الجميع يحب ميكي وربعه
بس في نفس الوقت اقول يمكن مو نسخنا لان عناوين كثيرة من الموجودة ما نزلت عندنا اساساً
فهل هي نسخنا ؟ ولا نسخ اجنبية ؟ ولا مكس ؟
لانه جد لو نسخنا خلاص ما بيكون في اي قلق ان كل واحد يصير عنده الفيلم لما ينزل <<<< تعديل طلعوا ما يشحنوا للسعودية مالت عليهم بس الحمدلله عندي عنوان اماراتي بارامكس
------------------------------
تتذكرون مجموعة Walt Disney Archives Collection ؟؟ اللي تنزل اشياء من أرشيفات ديزني بينهم تماثيل ودفاتر وكتب وغيرها اللي سوو ماكيتات السا وانا وبينوكيو ......
الدفعة الجديدة من الماكيتات وصلت وصورهم تم إرسالها للتجار اعرف تاجر من التجار اللي متعاقد مع ديزني ويعتبر شريك في شركة فرعية لديزني تسمها ديزني جاليري تبيع هادي الاغراض اشتغلت معاه براتب لفترة بشي .... والنذل مصر يقولي مستحيل اقولك الماكيتات الجديدة ايش هي ولا ارسلك صور
يقولي حتى لو مدير الجاليري نفسه جاني ما بوريه الصور قاللي اديتهم كلمة ما اعلم احد يعني ما اعلم احد خلاص
جلست اقلب في صور ماكيتات ديزني الاصلية واخمن ايش الشخصيات اللي ممكن تكون ضمن الدفعة الجديدة
بس حسب علمي من مصادر ان كان عندهم خطة يضيفون ماكيت لويس (بألوان طبعا )
الحلو انه الاميرة والضفدع شخصياتهم كانوا المفروض يكونوا بين سلسلة تماثيل WDCC بس ما لحقوا غير تيانا وفاسيليه قبل لا ينتهي الخط
فهادا اشوفه انسب وأفضل بديل اننا نحتفظ بهادي الشخصيات كتماثيل
طريقة شراء النسخة العربية لأحدث أفلام ديزني زوتروبوليس (نسخة فيفا)
النسخ المتوفرة جداً محدودة
شباب في البداية حاب اوضح لكم ان هالموقع خاص فقط للشراء داخل دولة الامارات .. يعني لازم يكون عندكم صندوق بريد اماراتي .. اللي عايشين داخل الامارات & اللي عندهم اشتراك ارامكس ماراح يواجهون اي مشكلة .. الموقع عبارة عن تجمع لتجار منفردين .. يعني مثل ايباي تقريباً ..
ومن بين هالتجار المتواجدين هناك بالستور الخاص بدولة الامارات تاجر واحد فقط يبيع نسخ زوتروبوليس الخاصة بشركة فيفا .. هالتاجر احتمال يكون من فيفا نفسها .. لان كمية النسخ اللي عنده اعدادها غريبه ومش متوفرة بهالكثرة حتى بالمحلات الكبرى نفسها مثل فيرجن وكارفور!! .. المهم شباب .. العيب الوحيد بهالتاجر هو انه مش محدد معلومات النسخ اللي عنده .. وبالتالي اذا نفذت نسخ زوتروبوليس اللي عنده من فيفا احتمال يحط مكانهم النسخ البريطانية!!
ليش اقول جذي؟ .. لاني جربت اشتري منه افلام زيادة لغير ديزني .. وانا واثق ومتأكد 100% ان فيفا نزلتهم مترجمين ومدبلجين .. لكنه ارسل لي بدال نسخ فيفا النسخ البريطانية اللي مافيها لا ترجمه ولا دبلجة ..
غير ان زوتروبوليس بالذات من الاصدارات النادره اللي عددها محدود جداً .. فإحتمال الكمية اللي عنده من نسخ فيفا تخلص ويحط مكانهم النسخ البريطانية .. بالنهاية هو مش محدد بصفحته ان هالنسخ عربية!! .. يعني محد يقدر يحاسبه بالاخير .. لكن عموماً هالشي ماسبق وصار مع زوتروبوليس لحد الان .. اشتريت منه نسختين من كل اصدار .. ورفيجي جمعه نفس الشي .. وكذا واحد اعرفهم .. وكلهم طلعوا نسخ فيفا ..
فكل ماتستعجلون بطلب نسختكم من زوتروبوليس من هالتاجر كل ماتضمنون ان النسخه اللي راح توصلكم هي نسخة فيفا
من بعد ما شفت ناصر مصفف نسخ زوتروبوليس على طووول ركضت ع جوجل ويلست ادور بين المواقع على زوتروبوليس لين ما لقيتهم على حزة الفجر تصدق ناصر وقتها نسخة الـ 3D ما كانت متوفرة اما البلوراي العادي والديفيدي كانوا متوفرين . . . خذت البلوراي العادي وعقب طرشتلهم ايميل اتأكد من هالنسخ ان كانت من توزيع فيفا ولا نسخ بريطانية من غير دبلجة، وردوا علي اليوم الصبح
رد مقتبس:
Hello Sir – Thanks for your concern.
Yes, it is middle east region from viva ent., have Arabic language and subtitle available in 3D.
Thanks 'n' Regards
اول ما وصلني الايميل اتصلت فيهم عسب اتأكد اكثر وفعلاً اكدوا لي صحة الكلام واضافوا نسخة بلوراي 3D الصبح واول ما شفتها طلبتها الحين خلاص رسمياً امتلكت فيلم زوتروبوليس على ثلاث نسخ مختلفة البلوراي العادي والـ 3D بيوصلوني باجر إن شاء الله
اللي يبا فيلم زوتروبوليس الحق ما تلحق ترا النسخ عندهم وااااايد محدودة
واللي ما لحق ياخذهم من سوق.كوم تقدر تلاقي نسخ البلوراي العادي وبلوراي 3D على هالموقع
نظام هالموقع شبيه بالامازون وايدو واعتقد ان التاجر اللي في سوق.كوم هو نفسه اللي يزود هالموقع بالافلام من ديفديات وبلوريهات وغيره
قبل ما تطلبون من هالموقع يفضل انكم تتأكدون منهم ان كانت هالنسخ هي نفسها النسخ اللي وزعتها فيفا ولا لا بس بصراحة انا اشوفه افضل بديل عن ايدو حالياً تقدرون تاخذون لفة بين افلام الانيميشن المتوفرة عندهم وتاخذون فكرة عن الافلام اللي متوفرة عندهم
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|
مرسله في
ناصر استوقفني ردك ومقارنة برادوي بالخليج الكحيان لول
شوف لو بيسون مسرحية بإنتاج سخي عشان تكون النتيجة مسرحية تقارن ببرادوي
اهم شي المورد المالي ..راح يكون دبل الربح يعني اذا المسرحية تطلع نص مليون دينار .,,انتاجها مليون دينار النتيجة = خسرانين نص مليون دينار
لو كانت مسرحية تنافس برادوي اقسى شي ممكن ينعرض كل ويك اند لمدة شهر يعني 15 عرض تقريبا .,.المدخول المادي بيكون ولاشي بالنسبة للي ادفعه فمنو المنتج الي مستعد يخسر هالمبلغ الضخم عشان يقدم مسرحية وحدة بقوه براد ويه؟
لاتكلم عن فلوس الخليجين بالنهاية المسرحية يسويها منتج موحكومة ولك بعامر صباح مثال مثلا هو موخليجي لول
أفضل واحدث مسرح بالخليج للأطفال تسويه شركة زين حاليا
[ أغسطس 07, 2016, 08:54 AM: تم تحرير المشاركه من قبل: طبيعي ]
المشاركات: 44721 | من: الـكـويـت | تاريخ التسجيل: أكتوبر 2003
|
اي سووق دوت كوم كنا من فترة نتناقش عنه وشفنا انه منزل اصدارات جديدة لكن بشكل غير منتظم تقررريبا مدري شلون اشرحها بس محد جربه فينا ونسيناه واليوم مرة ثاني طلعلنا
عن نفسي ماقدرت اطلب منه لانه يطلب عنوان ورقم اماراتي فقط
ديزناوي
مشكور فديتك عالموقع انقذتنا فيه واشوفه بعد بديل حلو لـ موقع ايدو حاليا
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
إرسال هذه الصفحه لصديق!
لطباعه هذا الموضوع
![[heartpump]](graemlins/heartpump.gif)
![[Razz]](tongue.gif)
![[crazy]](graemlins/crazy.gif)
![[rofl]](graemlins/rofl.gif)
![[eyelove]](graemlins/eyelove.gif)
![[dancer]](graemlins/dancer.gif)
اهمس حلمك للنجوووم .. مهما كان ومهما تكون ![[Cool]](cool.gif)
![[smoke]](graemlins/smoke.gif)
![[Big Grin]](biggrin.gif)
![[girlie]](graemlins/girlie.gif)
![[rose]](graemlins/40.gif)
![[crying]](graemlins/crying.gif)
![[Confused]](confused.gif)
![[worried]](graemlins/worried.gif)
![[applause]](graemlins/applause.gif)
![[Embarrassed]](redface.gif)
![[nut]](graemlins/nut.gif)
![[nerd]](graemlins/nerd.gif)
![[pleased]](graemlins/pleased.gif)
