مرسله في
سؤال بسيط للي يتابعون ديزني جونيور.. القناة ما تعرض ولا مسلسل من المسلسلات القديمة.. لغوا هالشي الحين ولا من قبل كانت هذي برامجها؟؟ لأنه عندهم تقريبا 10 مسلسلات يعيدون و يزيدون فيها..
[ يوليو 17, 2016, 02:26 AM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
رد مقتبس:المرسل الأصلي هو itunes_q8: اتوقع بعد ما تلمس ديزني ردة الفعل على افلام دربم ووركس و غيرها من الشركات بالوطن العربي راح تغير رايها و تتجه الى عرض افلامها معربه في السينمات العربيه مع دبلجه مصريه و نجوم كبار
توقعاتي ان ديزني متخوفه لا اكثر
ديزني اخر تارقت لها هو العرب .. لاحظو حتى ديزني ستور واحد ماكو بالوطن العربي - حسب علمي - و ديزني لاند سووها بكل قارات العالم الا بافريقيا او الخليج العربي
صدقوني ديزني للحين مو مؤمنه بإن فانزها العربي فانز جبار و كبير
او .... الاحتمال الثاني :
هيمنة المدراء اليهود فيها يخليهم يهمشون العرب
اعرف رسامه جباره ترسم ديزني و تصمم إلستريتور و ما يقل شغلها عن رسامين ديزني
راحت قدمت على ديزني انميسن عشان ترسم عندهم و مرت بكل مراحل الاختبارات و اقبلوها .. لين وصلت اوراقها اخر شي للمسئول الكبير و رفضها
و لما نبشت و اسألت مني مناك قالو لها لانج عربيه وهو يهودي
صج حقاره لو صج!!
مع اني ماعتقد ان عشان هالسبب
لاني اعرف رسام كويتي شغال في بيكسار وله منصب قوي هناك ووضعه ماشي
وساعات يروح استراليا وكذا دوله عشان يعطي كورسات
وبخصوص اهتمام ديزني فينا
ديزني بالعكس كانت طول عمرها مهتمه بالشرق الاوسط وتاريخها معانا يشفع لها
بالتسعينات فتحت 4 او 5 افرع لديزني ستور بالخليج
اللي اتذكرهم بالسعودية وقطر والامارات واظن الكويت والبحرين مو متأكد
وبعدها سكروهم
وكانت طول الوقت تجيب نجوم كبار مهمين لافلامها مثل يحيى الفخراني واحمد السقا ومنى زكي وعبله كامل وحنان ترك وغيرهم
وكانت تعرض افلامها بالمصري في السينمات
كل اللي قاعدين يسوونه الحين الشركات المنافسه ديزني سبقتهم عليه بعشرين ثلاثين سنه!!
لكن اللي صاير الان واضح ان ارباح الشرق الاوسط مش جايبه همها لديزني
ساعات اقول زين انهم ما سحبوا علينا 100%
رد مقتبس:المرسل الأصلي هو (..khaled..): والله نطه بوكاهونتاس ونظرة ياسمين ونزله بله من الدرج تسوى آنا والسا وفيلم فروزن كله
اي والله خالد
السا وانا مين والناس نايمين
على فكره حتى موانا مبدئياً ماراح تكون ضمن خط الاميرات
الظاهر متوقعين ان نجاح الفيلم بيوازي فروزن وبتكون موانا قادره تشيل نفسها وتصير ماركه بروحها
فعلا من أغرب الاشياء انه مافي محل رسمي ديزني ستور واحد بالخليج !!
الحين الخليج مابقى محل ساق ولاقط مايابوه وفتحوه عندنا شفيهم مستثنين ديزني ايبونا غريبة الشايع مافكر فيها متأكد انه ديزني ستور ياتهم عروض لفتح ستور بالخليج من التيار الكبار بس تم الرفض لسبب ما
المشاركات: 44721 | من: الـكـويـت | تاريخ التسجيل: أكتوبر 2003
|
كانت محلات ديزني كورنر في كل مول في دبي في أواخر التسعينات ... وحجمها ضخم وتلاقي فيها منتجات مختلفة من ديزني... ما تقل أهمية عن محلات ديزني اللي برع.. بس صارت حملة ضخمة لمقاطعة ديزني في الامارات أذكر لأنه في ديزني لاند الأمريكية سووا معرض وكان فيه قسم لاسرائيل وطلبوا من ديزني انهم يسوون قسم لفلسطين و ديزني رفضوا.. الحملة أثرت بشكل كبير على مبيعات ديزني و أنا شخصيا واثق انها السبب الرئيسي في تسكير محلات ديزني كلها في الامارات... وما نتكلم عن محل ولا محلين تقريبا 7 أو 8 طبعا أيامها كنا في عز شعارات العروبة وقضيتنا وحدة و العدو الصهيوني فشي طبيعي الشعب كله يتجاوب...
-------------------- [ المشاركات: 7335 | من: الامارات | تاريخ التسجيل: يوليو 2003
|
ديزني ماتعطي حقوق فتح محلاتها لاي وكيل مثل الماركات العالمية ديور وغيره .. هي بنفسها تفتح المحلات وتديرها وتشرف عليها
عشان هالسبب محد قادر ياخذ منها توكيل
اذا جذي انسوا تفتح بالكويت - الكويت ممنوع المستثمر الاجنبي يفتح شي لوحدة لازم 49% ملك لمواطن من نفس المشروع
المشاركات: 44721 | من: الـكـويـت | تاريخ التسجيل: أكتوبر 2003
|
بخصوص جونيور للاسف من اسبوعين تقريباً شالت مسلسل علاء الدين وكتاب الادغال
مادري اذا راح يرجعونهم او يختارون مسلسلات قديمة ثانية بدالهم
تقريباً نظام القناة هو نفسه نظام قناة ديزني التسعينات .. كل فتره تركز على 10 مسلسلات معينه
وتقعد بعدها تعيد بحلقاتهم ليل ونهار ..
وبمناسبة الكلام عن جونيور .. اليوم راح يعرضون فيلم قصص بطوطية بالدبلجة المصرية [eyelove]
اول عرض رسمي له على قناة تلفزيونية بعد غياب اكثر من 10 سنوات
ايه ناصر اليوم الظهر كان المفروض ينعرض الفلم لكن بداله كانوا حاطين مسلسلات... مادري عاد اذا بالليل بينعرض ولا لأ.. القناة حاليا 50٪ صوفيا و 50٪ البرامج الثانيه... اليوم الظهر حلقة و را حلقة ما وقفوا.. حتى اليهال لاعت جبدهم وقالوا خلاص ملينا من صوفيا مع انهم عادة يحبونها .. صارلي فترة طويلة مب متابع قناة ديزني وما أعرف شو يعرضون حاليا. بس ملاحظ انه ما عندهم فواصل الاعلانات الحلوة اللي كنا نشوفها قبل.. بس ناصر على حسب ما أذكر بالتسعينات ما كانوا يعيدون هالكثر.. كان عندهم برامج صباحية تابعه للبلاي هاوس ديزني و برامج ديزني جونيور تقريبا وقتها الظهر و بالليل مسلسلات كوميدية و أفلام.. و بالويكند مسلسلات مختلفة عن أيام الأسبوع.. يعني فيها تنويع أكثر ... فكرة ديزني جونيور حلوه بس المفروض يطلعون شوية مسلسلات من مكتبتهم... عندهم مسلسلات بالهبل المفروض تنعرض بس للتنويع... التركيز على المسلسلات الحديثة ضروري لكن تكرار الحلقات بهالشكل يخلي القناة تصير مملة...
[ يوليو 17, 2016, 01:16 PM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
ديزني ماتعطي حقوق فتح محلاتها لاي وكيل مثل الماركات العالمية ديور وغيره .. هي بنفسها تفتح المحلات وتديرها وتشرف عليها
عشان هالسبب محد قادر ياخذ منها توكيل
اذا جذي انسوا تفتح بالكويت - الكويت ممنوع المستثمر الاجنبي يفتح شي لوحدة لازم 49% ملك لمواطن من نفس المشروع
الحمدلله صار عندنا قرار ملكي بالسماح للمستثمرين الاجانب بفتح وكالات لهم بالسعودية مباشرة بدون وسيط أو شريك ، عقبالكم ياليت والله ديزني ترجع تفتح محلات ديزني كورنر كان فيه ركن ديزني بأسواق اليورمارشيه مين يذكره ؟ على فكرة ترى منتجات ودمى واغراض وأفلام وقرطاسية وملابس ديزني الرسمية تباع بأغلب المحلات الكبيرة بالخليج ويجيبونها عن طريق الاستيراد لكن يبيعونها لنا بأسعار أغلى من سعرها الرسمي بالستور هذا غير مشكلة اختلاط المنتجات المقلدة مع المنتجات الأصلية .. عشان كذا لابد ديزني تفتح ستورات رسمية لها بالوطن العربي تجمع فيه كل المنتجات بمكان موحد
المشاركات: 3077 | من: المملكة العربية السعودية | تاريخ التسجيل: يوليو 2011
|
Finding Dory (2016) - $445.5 million Shrek 2 (2004) - $441.2 million The Lion King (1994) - $422.7 million Toy Story 3 (2010) - $415 million Frozen (2013) - $400.7 million
--------------------
المشاركات: 14269 | من: k.u.w.a.i.t | تاريخ التسجيل: فبراير 2009
|
مرسله في
روعة الرسم.. اللي مخوفني هو وجود بطوط في كذا صورة نزلت للمسلسل.. ما أحس اله مكان في هالمسلسل و حتى لما كان ضيف شرف كان دمه ثقيل وماله داعي .. أتمنى ما يكون شخصية ثابته لأنه أصلا عيال أخوه المفروض يكونون ساكنين في بيت العم دهب لأنه التحق بالبحرية.. فاذا كان موجود معاهم دايما معناته انهم ساكنين عنده
-------------------- [ المشاركات: 7335 | من: الامارات | تاريخ التسجيل: يوليو 2003
|