رد مقتبس:

---

المرسل الأصلي هو [ L.O.V.E.R ]:


الله يفشلهم

فيلم صيني راح ينزل قريباً مسروق اشكرا من زوتوبيا خخ

---

اخ لاه . . الصين ما خلوا شي وقلّدوه
حتى الافلام !!!!

---------------------------------------

عاد يقارنون مسلسل ديزني جونيور بأحد اعظم افلام كلاسيكيات ديزني
اكييد فرق الثرى عن الثريا
ضحكتني الصرخة الأخيرة . . . ذكرتني بصرخة بندق وهو طايح

---------------------------------------

اوووه معقوله ناصر للحين ما تابعت مسلسل جرافيتي فولز؟؟
من اروع المسلسلات اللي انعرضت على قناة ديزني وممكن اقول انه افضل
مسلسل انيميشن ينعرض حالياً على قناة ديزني
حبيت هالمسلسل حتى بعض السنابات اللي اصورها احط فيها صورة مثلث مع العين بشكل
غير واضح في السناب والشاطر اللي يلاقيها
دبلجته لا بأس بها وصح كلامك صوت العم ستان هو الافضل في النسخة العربية

انصدمت من معلومة الهمسات المخفية في ثيم المسلسل
ابداً ما توقعتها وحركة وايد حلوة
رحت اليوتيوب وعكست ثيم الحلقة الأخيرة من المسلسل
وطلعت الرسالة :
Goodbye Gravity Falls


المهم . . المسلسل وايد حلو وانا انصح اللي ما تابعه يتابعه
للاسف انا ما كلمت متابعته لان مواعيد عرضه في قناة ديزني
مخربطة مب مرتبة وكذا مرة يعيدون الحلقات . . شي ينرفز
ما تدري الحلقة الاولى عن الخامسة عن الاخيرة

---------------------------------------

The BFG

التريلر وايد حمسني للفيلم
وبما انه من اخراج ستيفن سبيلبرغ
فمتوقعله النجاح
وتاريخ عرضه ممتاز في اجازة الصيف
ان شاء الله وقتها بكون راجع الامارات
واشوفه هناك

رد مقتبس:

---

يا فصحى عبيطة مثل الفسحة وساعتها ممكن نتقبل كسر القواعد فيها .. يا عامية وخلاص ..

---

صح.. الفسحة حالة خاصة ما تتكرر.. حتى في السيزن الثاني تحسهم ما قدروا يرجعون جو الدبلجة
الفاصل في السيزن الأول ..
أحلى جملة عندي في الفسحة كانت لما نيلي معصبة من الفاشلات و تردحلهم بالملعب : ( آنتن يا زوات الروج و المانيكور، لن تعيشن بدون فلوس مامي و بابي )

رد مقتبس:

---

حسيت نفسي اقدر امشي مع دبلجته ماجد

---

رد مقتبس:

---

بوستر واعلان جديد لفيلم ديزني القادم The BFG

---

رد مقتبس:

---

ضحكتني الصرخة الأخيرة . . . ذكرتني بصرخة بندق وهو طايح

---

والله صح.. أنا أقول هالصرخة سامعنها بمكان ... بس طمنونا شو صار على سمبا؟ ان شالله جت سليمة

رد مقتبس:

---

لكن صدقوني في مفاجأة كبييرة جداا ماراح تتوقعوها وكل اللس سوته سوندي في هالفترة مابيجي قدام اللي بتسويه ديزني الشهر الجاي
ماراح اعطي تفاصيل اكثر عشان مااحرق عليكم ... بس كونو في الانتظار [rofl]

---

في رمضان ؟؟ ننطر ونشوف.. أنا أحب المفاجآت

رد مقتبس:

---

المرسل الأصلي هو ديزناوي:
حبيت هالمسلسل حتى بعض السنابات اللي اصورها احط فيها صورة مثلث مع العين بشكل
غير واضح في السناب والشاطر اللي يلاقيها
دبلجته لا بأس بها وصح كلامك صوت العم ستان هو الافضل في النسخة العربية

---

رد مقتبس:

---

المرسل الأصلي هو ديزناوي:

رحت اليوتيوب وعكست ثيم الحلقة الأخيرة من المسلسل
وطلعت الرسالة :
Goodbye Gravity Falls

---

هذا وانا للحين ماتابعت المسلسل عدل زعلت على هالجمله

..........

رد مقتبس:

---

المرسل الأصلي هو mohammed anis:
متحمممس لترايلر الجميلة والوحش نبي نشوفه خلااص
متخيلين كيف بيكون متخييلين بس ؟؟
راح نشوف اطباق وصحون تتطاير في السماء
راح نشوف بيل وهي تجول في المدينة وتغني وتتنطط في كل مكان
حنشوفو الوحش وبيل كيف بيرقصو في صالة عملاقة منقوشة بأجمل واروع نقوشات ممكن الواحد يشوفها
وكيف جاستون والوحش بيتعاركو عشان بيل
واهم شي ومتحمس اشوف لبسهم كيف بيكون وخصوصا فستان بيل

يعني اقدر اطمنكم من توا ان الفيلم يستحق جائزة الأوسكار

انما موسيقى آلن منكن فهذه الحقيقة تحتاج رد خاص بيها لحالها[/size]

---

يا كبيدتي عليك يا حمود على قولتكم

والله كلامك حمسني فوق ما انا متحمس

الجميلة والوحش اعتبره اكثر فيلم شايل بصمة وهوية ديزني

لو جاني زائر من الفضاء الخارجي مايعرف شي عن ديزني وحاب اعرفه على افلامهم على طول راح انصحه بالجميلة والوحش

كل العناصر الساحرة اللي حبيناها بأفلام ديزني مجتمعه فيه وطالعه بأفضل حالاتها بهالفيلم!!

من رسم وقصة واغاني وموسيقى وكل شي

فمو قادر اتخيل كيف النتيجة بتكون مع اللايف اكشن

كل ذرة بهالفيلم تحفة فنية

احس بيكون عبء ثقيل عالمخرج عشان يعطي هالفيلم حقه وينقله صح

رد مقتبس:

---

المرسل الأصلي هو mohammed anis:
لكن صدقوني في مفاجأة كبييرة جداا ماراح تتوقعوها وكل اللس سوته سوني في هالفترة مابيجي قدام اللي بتسويه ديزني الشهر الجاي
ماراح اعطي تفاصيل اكثر عشان مااحرق عليكم ... بس كونو في الانتظار [/size]

---

رد مقتبس:

---

المرسل الأصلي هو mohammed anis:
نوال الزغبي = غزال الزغبي في فيلم زوتروبوليس



وللتوضيح اسم "ميس الريم" يعني "دلع الغزال" هههههه
الاسم ماني مقتنع بيه بس خلاص فقدت الامل
اذا في اسم احلى يجي على بالكم اقترحو انتو

متلا ابوظبي للحقائب و الاحذية ؟

---

حبيت

والله من قبل لا اشوف تصميمك كنت احس ان فيها نقاط مشتركه مع نوال

الاغنية اللي غنتها بالفيلم مع النمور الراقصين

حسيتها مثل كليب يا جدع خخ

واعلانات غزال بالمدينة بالشوارع والشاشات الضخمه ذكرتني بعد باعلان بيبسي لنوال

https://www.youtube.com/watch?v=adq8Y3JFaOY

الولد اللي يشرب بيبسي وحاط سماعات باذنه = جودي هوبس اول ماوصلت مدينة زوتوبيا

والنجمة اللي تتكلم معاه من خلال الشاشات الضخمه بالشوارع = غزال ترحب فيه

<< اشتغل الهوس

..........

رد مقتبس:

---

المرسل الأصلي هو howtodeal:
صح.. الفسحة حالة خاصة ما تتكرر.. حتى في السيزن الثاني تحسهم ما قدروا يرجعون جو الدبلجة
الفاصل في السيزن الأول ..
أحلى جملة عندي في الفسحة كانت لما نيلي معصبة من الفاشلات و تردحلهم بالملعب : ( آنتن يا زوات الروج و المانيكور، لن تعيشن بدون فلوس مامي و بابي )

---

حوار نيللي مش ممكن ههههه

تتذكر الحلقه اللي انضمت فيها للفاشلات وصارت الفاشله باء مادري نون؟ شكلها بالفستان والتسريحه يضحك

مسلسل الفسحة كان المفروض يكون باللهجة المصرية بالكامل

واذكر ان تدبلجت كم حلقة منه بالمصري لكن فجأة تم اعادة دبلجته للفصحى والنسخ المصرية تم الغائها

بالضبط مثل ماصار مع دبدب في البيت الازرق الكبير

ولما دبلجوا اول فيلم سينمائي للفسحة دبلجوه باللهجة المصرية

عالعموم هالشي ما اثر وايد عالمسلسل لانهم لقوا طريقة يخلون فيها الدبلجة خفيفه وتضحك وتناسب جو المسلسل

عاد الفسحه من اروع المسلسلات الاصلية بتاريخ قناة ديزني

رد مقتبس:

---

المرسل الأصلي هو howtodeal:
أهم شي ما يغيرون أحداث القصة بس عشان تتماشى مع خطهم التربوي والتعليمي..
ما عندي مشكلة في المسلسلات الموجهة للصغار مثل مادلين مثلا .. بالعكس أحب البراءة
والسذاجة اللي فيها.. لكن لما تحول مسلسل موجه للمراهقين أو خلنا نقول من 10 و فوق لمسلسل
طفولي ستايل مادلين هالشي يخرب المسلسل.. وهذا اللي حسيته لما شفت حلقة وحدة بالعربي
عالعموم ناصر كمل وعطنا رايك بالدبلجة بشكل عام بعد ما تخلص

---

ماجد خذها قاعده مستحيل اي دبلجة "رسمية" من ديزني تتدبلج حسب معايير الجزيرة

تربوي ومادري شنو

لين اليوم والحمدلله على هالشي كل دبلجة رسمية صارت كانت صادقة للنسخة الانجليزية ومافيها اي تحريف

الا بموضوع المعتقدات الدينية فقط

مثل سالفة استنجاد كيناي بأخوه سيكتا خلوه يستنجد بالله .. ومثل الآلهه في هرقل خلوهم ملوك

لكن باقي الدبلجات اللي ديزني سوتها بإشرافها مافيها اي تغيير بالمحتوى

سالفة الدبلجة الداعشية البربرية المتطرفه اللي ممنوع فيها السحر والخيال والحب والرقص وغيره

هذي بس مقتصره على الدبلجات المتخلفه للجزيرة

..........

رد مقتبس:

---

المرسل الأصلي هو Orphen:
قاعد اشرب كوفي وماقريت كلامك شفت الصوره وضغطت اللينك شرقت ومت ضحك بصوت عالي الصرخه عجيبه وحسيت انهم محركينه في الباوربوينت وهو ينسحب لتحت

---

شباب لازم افضفض ولا بموت

من كم يوم اكاديمية الفنون "الأوسكار" كانوا محتفلين بالجميلة والوحش بمناسبة مرور 25 سنه على ترشيحه لجائزة افضل فيلم

وهو الحدث الاول من نوعه بتاريخ افلام الرسوم المتحركة

وكانت القاعه فل ومتروسه ترس .. وكان حاضر دون هان المنتج المنفذ وباقي فريق الفيلم

ومن بين هالجماهير الغفيره حضر واحد من الفانز .. بعد مارجع هالفان من هناك كتب عن تجربته وانطباعه .. وتتوقعون شنو قال؟ .. قال ان اكاديمية الفنون استخدمت بكرة العرض الاصلية اللي تم استخدامها بسنة 1991 لعرض الفيلم



تغطية ومقابلات مع نجوم الجميلة والوحش بالعرض الخاص لأكاديمية الفنون

..........

شباب اللي مايعرف هالمعلومه ..

الفيلم لما انعرض لاول مرة بالسينما الوانه كانت مختلفه تماماً عن الالوان الحالية .. الالوان الاصلية للجميلة والوحش واللي كانت جزء مهم من نجاحه كانت سوداية ومرعبه .. اجواء معتمه ومظلمه وتخوف .. يعني شي ثقيل عالاخر

وهالنسخة الرهيبه مانزلت الا بس على اشرطة الفيديو واقراص ليزر بسنة 1992

بعدها ابتدت ديزني تلعب بالفيلم لعب مع كل اصدار جديد له للاسف .. لما اعادت اصداره ببداية الالفية من خلال النسخة البلاتينية قدمت واحد من اسوء التحديثات على الاطلاق .. خبصت بالالوان وخلت الالوان فاتحه ومنوره وتخلت عن جو الظلمة اللي فيه وقدمت نسخة ماتمت بصله للعرض السينمائي الاصلي للفيلم .. شعر بيل صار بني فاتح وفستانها صار من افقع درجات اللون الاصفر ومشاهد كثيره تغيرت للاسوء .. مثل مشهد خروج بيل من بيتها ببداية الفيلم كان الوقت حزتها فجر والشمس يادوبها طالعه ومع تعديلهم للالوان طلع الجو وكأنه بعز الظهر!!

ولما رجعت ديزني ونزلت الفيلم على بلوراي حاولت انها ترقع فعلتها وتعدل الالوان من جديد عشان تتفادى الانتقادات اللي جاتها .. وفعلاً خففت من حدة بريق الالوان وقدمت الوان سطوعها طافي بعض الشيء .. لكن مازالت الالوان مختلفه تماماً وماتمت بصله عن الوان النسخة الاصلية السينمائية للفيلم ..

وعلى الرغم من ان الوان الاصدار الماسي كانت اهون من البلاتيني الا ان ديزني بهالنسخة ايضاً خربت الدنيا لما حاولت تقدم تعديل بسيط لبعض المشاهد وتتفلسف .. كمثال تدخلت وحطت انعكاسات مال امها لزمه لشكل بيل عالنافذه وهي نازله من الدرج بالفستان الذهبي .. غير ان تم ازالة بعض الاجزاء من الرسومات الاصلية عن طريق الخطأ اثناء تحويل الفيلم لثري دي واشياء كارثية ثانية مافي مجال لذكرها ..

المهم ماطول عليكم

الفان اللي حضر هالعرض كتب رايه وتجربته وطبعاً مايصير انا بروحي اقرا واحتر وانتو لا:

رد مقتبس:

---

Hey everyone,

I have been meaning to post about this for a few days now...

So... I was lucky enough to attend the 25th anniversary event (which was completely sold out)... it was really wonderful, but what I wanted to address is the film itself. It was shown from a 70mm print from 1991... which means no tampered colors, no corrections, no "Human Again". I know there is an ongoing debate about the colors of this film, and I have to say that after watching this print... yes, they WERE DRASTICALLY DIFFERENT. The whole film was way darker... Belle's hair was dark brown, without a hint of red. The colors were very rich... Belle's gown was rich gold, not yellow. Her pink dress was a sort of faded pink... I am not fully convinced these colors were the filmmakers' intent: skin tones were kinda yellow-y...

I have to say... the film SOUNDED amazing (even Don Han told me personally he was surprised how good it sounded)... and I actually liked a little bit of grain...

I must say, makes me think twice about the blu-ray colors...

---

يقول ان شعر بيل طالع بني غامق بدون خطوط حمرا .. وفستانها طالع بلون ذهبي مشبــع مو اصفر طفولي!!

باختصار الالوان كانت غنية اكثر

هالنسخة الفخمه كانت هي السبب بمعرفتي وعشقي لهالفيلم وهي اللي عشت معاها طفولتي كلها .. كانت خالتي جايبه لي نسخه من شريط الفيديو البريطاني وقتها ومازلت محتفظ فيه لين الحين ..

بعد ماقريت كلام هالفان اشتهيت ارجع اشوف الفيلم بهالشكل السوداوي الثقيل .. وحاب بعد احتفظ بأفضل شكل نزل لهالنسخة .. ومثل ما اعرف ديزني وقتها كانت تنزل افلامها على دسكات ليزر .. ونسخة الليزر اوضح واثبت واركز واكثر حده من شريط الفيديو .. مع صوت ديجتال واحتمال يكون خمس سماعات .. وهالشي مو غريب لان دسكات الليزر عبارة عن اول فرد من افراد عائلة الديفيدي والبلوراي وكلهم ممتدين منه ..

فالحين اكلمكم وانا بنص بحثي عن افضل جهاز موجود لتشغيل افلام الليزر دسك .. ولو انها بتكون مهمة صعبه لان الاجهزة كلها مستعمله واحتمال تكون ماتشتغل عدل .. بحاول لما استلم الجهاز اني اسجل الفيلم بنسخته السوداوية الاصلية على هارد درسك خارجي واحتفظ فيه بأفضل شكل نزل فيه على الاطلاق وافضل حتى من صورة شريط الفيديو المهزوزه .. وبحاول بعد اضيف عليه صوت الدبلجة المصرية



من الداخل



وعلى فكره هذا اول فيلم لديزني ينزل على قرص وتكون صورة عريضة داخل صندوق مربع .. مثل نظام الديفيديهات اول مابدت تنزل ..

رد مقتبس:

---

ماجد خذها قاعده مستحيل اي دبلجة "رسمية" من ديزني تتدبلج حسب معايير الجزيرة

تربوي ومادري شنو

---

ناصر أنا النسخة شفتها في الطيارة .. فما أعرف صراحة أي دبلجة كانوا مستخدمين..
بس شفت حلقة بالانجليزي و بعدها على طول شفت نفس الحلقة بالعربي..
فيه جملة كانت ميبل تتكلم فيها عن واحد عاجبنها انه كيوت أو شي من هالنوع غيروها وخلوها
عن السكاكر أعتقد.. ما أذكر بالضبط بس المعنى العام تغير...
ترا جرافيتي فولز فيه شوية ايحاءات جنسية وفي حلقة من حلقاتهم قدموا شخصيات شاذه جنسيا الاعلام الأمريكي كله تكلم عنها..
مادري كيف بتتدبلج هالسوالف للعربي..

بالنسبة للجميلة و الوحش اذا فيه فلم رسوم متحركة يستاهل يكون ماخذ لقب فلم الانيميشن الوحيد
الفايز بالأوسكار فهو الجميلة و الوحش.. فلم فخم و كلاسيكي و فعلا مثل ما قلت أحلى مقدمة لديزني وعالمها...
مع انا حاليا قاعدين نعيش عصر ذهبي ثاني لديزني.. بس ولا فلم منهم برأيي وصل لفخامة و سحر حورية البحر و علاء الدين و الجميلة و الوحش و الأسد الملك