دام ان الباب انفتح للمصري حتى لو بنسبة بسيطه معناته خلاص الموضوع بيستمر ويكبر .. عشان كذا دايما اقول للناس استمتعوا بكل انجاز تم تحقيقه وافتخروا فيه .. دوري وموانا .. وقبلهم زوتروبوليس والديناصور .. كل فيلم فيهم كان خطوه للاتجاه الصحيح
الديناصور وزوتروبوليس
عودة ديزني الى مصر بعد رحيلها كليــاً الى لبنان ..
وبكذا نكون استرجعنا الجودة الاحترافية اللي كنا متعودين عليها .. كاستنق رائع .. تمثيل مقنع .. سيناريوهات فيها ابداع مش ترجمة حرفية وممله .. اخراج ولا اقوى
دوري
العودة الاولى للهجة المصرية بنسبة 20%
الحلم صار حقيقه .. رجعنا نسمع شخصيات ديزني تتكلم بالمصري بعد 4 سنوات فصحى كامله .. وعلى قد مافرحت بهالانجاز لكن كان واضح ان عمرو حسني ماكان مستعد لمثل هالتجربة اللي صارت فجأة من حيث لا نعلم .. بعد ما انتهى من كتابة النص الفصحى وسكر الفيلم رجعوا وكلموه ديزني مره ثانيه وقالوله ارجع افتح السيناريو بسرعه وحط كم افيه مصري بأماكن متفرقه بنسبة 20% .. كان وقتها خلاص سلم الفيلم وانتهى .. لكن قيام حملة ديزني لازم ترجع مصري بهالاثناء لخبط كل حسابات ديزني .. فالسيناريو المهجن لدوري انكتب عالسريع وبدون ترتيب مسبق .. عكس ماصار مع موانا .. عشان كذا مابي اكون قاسي بحكمي على هالتجربة .. الحمدلله انها ظهرت بهالنتيجة الحلوه عالاقل .. جداً حبيت ان عمرو طلع جنونه كله بالنسخه المهجنه .. اختياره للاسماء العربية للشخصيات والافيهات مثل الحنفية بتنقط وجرأته لما استخدم اسم سلوى محمد علي الحقيقي بالفيلم .. كل هالامور ماسمحوله يسويها في النص الفصحى الاول اللي قام بكتابته قبل الحمله ..
موانا
اللهجة المصرية في كامل تألقها اخيراً .. والتجربة المهجنه الأكثر نضج واحتراف ..
توقعت شخصياً بعد ماينزل دوري وتخف اصداء الحمله ترجع ديزني مره ثانيه للفصحى الكامله ويكون دوري مجرد اسكات للجمهور اللي ثار عليها .. لكن في هالفيلم ديزني اثبتت انها ماضيه قدماً في استخدام اللهجة المصرية بكل افلامها الجديده .. في هالفيلم الرؤيا كانت واضحه من البداية .. انطلب من زينب مبارك انها تشتغل على سيناريو مهجن فقط من غير ماتشتت عمرها وتشتغل على نصين مختلفين .. فكانت النتيجة رائعه وساحره .. خصوصاً وان زينب كانت لها تجارب ناجحه كثيره بالتهجين العامي والفصحى في فترة التسعينات مع شورتات ميكي ماوس الكلاسيكية .. في موانا تم ادخال اللهجة المصرية بطريقه منظمه ومدروسه .. والاحلى ان زينب تجرأت وزادت كمية الحوارات المصرية بالفيلم بحيث ان الشخصيات صارت هالمره تاخذ وتعطي مع بعض في مشهد كامل بالمصري من غير كلمة فصحى وحده ..
كارز 3
راح نشهد مفاجأة وتقدم من نوع جديد في مجال عودتنا للهجة المصرية .. انجاز جديد لازم كلنا نفتخر فيه .. لكن غير مصرح لنا ندخل بالتفاصيل حالياً .. ومع فيلم كوكو اتوقع الوضع بيكون مستتب .. واذا ماتحسن اكيد ماراح يسوء ..
لكن التغيير الاكبر عندي احساس انه بيكون مع فيلم الخارقون 2 .. ليش مادري ..
المهم احنا ماضيين ان شاء الله في رحلتنا للمطالبه بعودة اللهجة المصرية .. لكن بليز بهالاثناء واحنا في الطريق حاولوا توسعون صدركم شوي لكل فيلم ينزل بالدبلجة المهجنه الجديده وكونوا ممنونين لكل انجاز يصير واستمتعوا فيهم .. لان في ناس ملاحظ انها تهاجم هالدبلجات بس لانها متضايقه من موضوع ال 20% .. يهاجمونها اكثر من ماكانوا يهاجمون دبلجات لبنان اللي كانت توصلنا ميته بدون حياة .. تاركين كل الايجابيات الحلوه والجوده الفنية اللي عادت لنا بطلعة الروح ومتضايقين عشان هالنسبه ..
تراها مجرد البداية ان شاء الله لشي اكبر واحلى
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
باقي يوم وينزل الاصدار الموقع لفيلم الاسد الملك بامريكا .. المفاجأة في هالتحديث هي عودة الغيوم في مشهد تذكر انت مين بعد ماتم ازالتها عن طريق الخطأ بسبب تحويل الفيلم لنسخة ثلاثية الابعاد ايام الاصدار الماسي .. هالنقطة بروحها بتخليني اخذ البلوراي اول ماينزل .. غير طبعاً المواد الاضافية الجديدة اللي لازم نشوفها ونحتفظ فيها
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
^ انا يوم عرفت الفلم كنت صغير مو كلش كبير خب نزل الفلم سنة مولدي بس عرفته يوم كبرت شوي وأدمنت عليه يعني من زود الادمان عليه انا وولد خالي صرنا نتقمص حركاتهم وكلامهم وأغانيهم شلون الأسود تمشي وشلون تنقض وشلون تزئر أيام كانت جبت هالسالفة على طاري الفلم بس وقلت بشاركها وياكم
-------------------- المشاركات: 182 | من: البحرين | تاريخ التسجيل: يناير 2015
|
مرسله في
لازال محمد هنيدي يعشقه قلبي وصار بالنسبة لي تيمون ماقدر اشوفه بأي شكل ثاني وحتى لما يكتب شي في مواقع التواصل الاجتماعي اقراه بأكسنت تيمون
المشاركات: 3 | من: qtr | تاريخ التسجيل: سبتمبر 2014
|
مرسله في
ما أتذكر كم عمري بالضبط لما نزل الأسد الملك بس اللي اتذكره عدل ان اول شريط اخذتة بالدبلجة المصرية شريته هدية حق بنت عمي كانت مسوية عملية لوز وشفته عندهم فالبيت وجان تجيني غيرة واروح اخذ لي واحد وشافوه عندي والكل راح ياخذه طبعا صار الجدول اليومي في إجازة الصيف شغال من الصبح لين الليل أيام الفيديو وايام التسعينات البسيطة والجميلة ,, توني اعرف ان المغني هذا هو يمكن لان انتمائي حق المصري اكثر
احس سويت ريفرش حق يومي لما سمعت مأأدرش اصبر لما أبئى ملك ,, كل شي حلو بهالفلم من مغامرات ومن كوميديا ومن أغاني وموسيقى والله لين امس بيني وبين نفسي اردد كلمة وحكمة تيمون ارمي الماضي ورا ضهرك انتوا متخيلين ان للحين اذا شفته اسمع وياهم حرف بحرف انا من المقاطع اللي أثرت فيني غير موت موفاسا , لما عمو سكار يوز سيمبا على مقبرة الافيال المشاركات: 3 | من: qtr | تاريخ التسجيل: سبتمبر 2014
|
مرسله في
على سيرة الأسد الملك أتذكر آحلى لعبة عندي كانت الأسد الملك على جهاز سيجا :
ومعها لعبة علاء الدين سيجا :
هاللعبتين مع - كراش - ماراح تطلع بالتاريخ ألعاب بروعتهم ومتعتهم
وأتذكر أيام ماكنا نلعب أنا وأخواني برمضان الأسد الملك وعلاء الدين وكيف كانوا طابقين المراحل على نفس تسلسل أحداث ومتعة وشخصيات الفيلم
وياليت ديزني ترجع تصدر ألعاب فيديو لأفلامها الكلاسيك الجديدة
لكنهم للأسف من بعد ماألغوا لعبتهم ديزني انفنتي صار التواجد الوحيد لهم بلعبة الـ RPG اليابانية : فاينل فانتسي كينجدوم هارتس المشاركات: 3077 | من: المملكة العربية السعودية | تاريخ التسجيل: يوليو 2011
|
نفس الكلام كنت بقوله يعني القصة ما لقيت فيها شي حق تكون فلم مطول وانا ما جفت القصة غير في into the wood و once upon a time ادري مالت وانس غير بس هي الشخصية نفسها مع ان ما أنكر ان السؤال نفسه كان يدور في بالي من زمان .. بس يوم فكرت فيها عقب حسيت ان ما بتصير وبتكون صعبة
-------------------- المشاركات: 182 | من: البحرين | تاريخ التسجيل: يناير 2015
|
بالاضافة الى انهم نزلوا مجموعة المسلسلات اتش دي على بلاي ستيشن ستور
مشكوووووور جعلك الجنة
ماتتصور فرحتي لما شفتهم جد آحلى عيدية
تخيل هالفترة أحوس بآيباي وأمازون أدور جهاز سيجاميجا درايف أو أي أجهزة مشغله لألعاب سيجا عشان بس أرجع ألعبهم
يازين متعة ألعاب أول جد ماقصرت وفرت علي فلوس وانتظار الشحن
وفرصة اجرب لعبة الجميلة والوحش اول مره أدري عنها
أما الرابط اللي أنت حطيته لستور PS4 طلع لي لعبة The Disney Afternoon Collection :
وهاللعبة أشتريتها أول مانزلت على الستور
لكن المسلسلات والأفلام ماتبث بستورنا ومع ان ستوري أمريكي لكن مايشغلون المحتوى بالمنطقة ولاتشتغل خدمة PlayStation Now
المشاركات: 3077 | من: المملكة العربية السعودية | تاريخ التسجيل: يوليو 2011
|
اي خالد كنت اقصد اللعبه مب الحلقات نفسهم اذا تبا الحلقات متوفرين على الايتونز الامريكي بس مب اتش دي
العفو
طبيعي
صح ممكن يسونها ,, بس يمكن لانهم استعرضوها فالشورتس بس ماطلعوا وهو يبلعها والصياد يقص بطنه
ولان ديزني ضد هالمشاهد والقصه اساسهاانه ياكل يدتها اول وبعدين ياكلها هي والصياد ينقذهم والقصة الاصلية يبلعهم وتنتهي القصة فكل الحالات مافي مجال انهم يطلعون مشهد قص بطن الذيب لان ساعتها بيعتبر عنف ضد الحيوانات
ديزني سوته كم مره اظن 3 مرات بس شورت + القصه قصيرة ومافيها شي يستاهل فيلم طويل
بذمتك شنو الفرق بين ليلى والذيب والا الاميرة النائمة؟ كلهم قصص بسيطة ولو ديزني حطت ببالها تسويه فلم طويل كان سوته
عالعموم توني ادري انه سوت لهم شورت موفي
قبل في التسعينات كانوا الكل مستغربين ليش ديزني ما أنتجت فلم عن رابنزل والأميرة والضفدع ..
حتى قصة هانسل و غريتل أحس أجوائها تنفع تكون فلم لديزني ...
يمكن الموضوع موضوع وقت بس وبيي الدور على ليلى و الذيب في المستقبل... القصة يبيلها شغل بس ديزني هذا ملعبهم وتخصصهم..ومتأكد انهم لو سووا فلم الكل بيذكر شخصياتهم أول ما تنذكر هالقصة مثل اكلاسيكيات الثانيه ...
-------------------- [ المشاركات: 7335 | من: الامارات | تاريخ التسجيل: يوليو 2003
|
إرسال هذه الصفحه لصديق!
لطباعه هذا الموضوع
![الملف الشخصي لـ [ L.O.V.E.R ]](http://salmiyaforum.net/ubb/profile_ubb6.gif)
![[heartpump]](graemlins/heartpump.gif)
![[eyelove]](graemlins/eyelove.gif)
![[rofl]](graemlins/rofl.gif)
![[Big Grin]](biggrin.gif)
![[nerd]](graemlins/nerd.gif)
انا من المقاطع اللي أثرت فيني غير موت موفاسا , لما عمو سكار يوز سيمبا على مقبرة الافيال ![[Mad]](mad.gif)
![[Frown]](frown.gif)
![[thinking]](graemlins/thinking.gif)
![[rose]](graemlins/40.gif)
