ياربي مو مستوعب حسيت في شي غلط لما قريت الخبر مدري شلون
يعني اخر شي توقعته صراحة .. قلت يمكن خبر من شوتينغ ستارز او فيلم نزل عالأيتونز ممكن المرجل الأسود ممكن أفلام الأربعينات ممكن أي شي
بس احدب نوتردام 2 ابدا ابدا ماتوقعت مع اني كنت أتمنى و من اول مافتح الدليل قلت ياريت هالدبلجة تبصر النور بيوم من الأيام
هالفيلم أنا كنت غاسل يدي منه تماما و متوقع انه تدبلج و انرمى بالأدراج للأبد وديزني ولا رح تفكر تنزله بيوم من الأيام
تخيلو بس نسمع أصوات المبدعين ياسر شعبان و هشام نور بأغاني و حوارات جديدة و بالمصري و بفيلم كاااامل !!! .. خصوصا هالفترة اللي انحرمنا فيها من الدبلجات المصرية و فرحانين ب 20% باليالله صارو
تخيلو نرجع نستمتع بأصوات هالمبدعين اللي كبرنا عليهم من بدايات ديزني وهم اللي عملو بصمة وهوية لدبلجات ديزني العربية عشان تكون ستاندرد للي بعدهم
خنقتني العبرة اول ماشغلت الأغنية و سمعت صوت ياسر شعبان من جديد
الفيلم انا شايفه مره وحده و اذكر اني حبيته رغم انه الرسوم فيه ضعيفة بس أتذكر حبيت القصة جدا و مارجعت شفته لأني حسيته باهت بدون الدبلجة المصرية و كان عندي امل بيوم ينزل على دفيدي
هو و سندريلا 3 من اكثر الأفلام اللي كنت حاب اشوفهم عربي .. و الحين مو مستوعب انه واحد منهم نزل اوريدي
أنا احب سيكويلز ديزني و احسهم يشبعون حبي للفيلم الأصلي ومن اكثر الناس اللي زعلت لما طلع قرار بتوقيفهم .. و انا ضد الهجوم انهم يشوهون الأفلام الأصلية و يخربونها
احس ماله علاقه يعني هذا شي و هذاك شي .. حلو نشوف الشخصيات اللي حبيناها بمغامرات جديدة و بأغاني جديدة و أحيانا حتى الرسوم تكون على مستوى يجنن مثل مولان 2 و بامبي 2
يعني كأنهم مثل مسلسلات ديزني اللي لليوم نشوفها و نموت على مغامراتها و ذكرياتها .. أتمنى بيوم ترجع ديزني تنتجهم
نبي نشوف شخصيات عالوررررق تتحرك ملينا من هالكمبيوتر .. بس المشكلة الجيل تغير و كل شي اختلف للأسف
متحمس اشوف بالفيلم بالدبلجة و استمتع فيها لأول مرة لأنه حدث مثل هذا مارح يتكرر الا كم سنه و بالصدفة
و بعد حاب اعرف ليش قالت عائشة سليم انها ما حبت أداء هشام و ياسر بالفيلم و عشان جذي ماتحمست ترجع تجيبهم
المشكلة ماعندي ابل تيفي بس لازم اشوفلي طريقة اشوف او اسحب الفيلم من الخدمة .. مدري ليش الايتونز ما يشدون حيلهم و ينزلون لنا هالافلام
فديتك نصور والله وصج مفاجأة ولا بالأحلام و غير متوقعة و زين سويت انك شوقتنا و مانزلت الخبر على طول عشان ما يمر مرور الكرام
هذا حدث مارح يصير ولا يتكرر كثير ف صج حاولو تسمتعون فيه
واو جمعة .. والله كنت بمر عليهم اليوم بعد الدوام لكن ظليت اسولف مع وسيم بالتليفون لييين ماحنجي عورني .. ان شاء الله اليوم بالليل بروح لهم وبخم كل الاصدارات اللي نزلت .. تقريباً صرت عارف نظامهم الحين .. الدفعة الاولى (كتاب الادغال/كابتن امريكا) تأخروا اسبوع بالضبط عن موعد صدورهم الرسمي .. والدفعه الثانية (دوري/اليس) تأخروا اسبوع بعد .. يعني بالمستقبل لازم نعطي هالافلام اسبوع زيادة على موعد طرحهم عشان توصلنا قطر .. فترة بسيطة احسن من غيرنا لول
ولا تنسى بدال الفرحه فرحتين بكره بينعرض موانا بالسينما .. يعني الاحتفال مستمر
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
رد مقتبس: وعشان اعرف بعد راي هاوتوديل بصوت الممثلة المصرية اللي جايبينها لدور حبيبة القلب جينفر لوف هيويت بالفيلم [Big Grin]
روعة صوتها ناصر.. جنيفر خلاص تركت التمثيل وصارت أم وعندها دستة عيال دايما أتلخبط بين ياسر شعبان و هشام نور والأدوار اللي سووها بس الاثنين بالنسبة لي من أهم المدبلجين الشباب لشخصيات ديزني .. مثلهم مثل جيهان الناصر،، أدوارهم لا يمكن أنساها خاصة مقدمات مسلسلات قناة ديزني
-------------------- [ المشاركات: 7335 | من: الامارات | تاريخ التسجيل: يوليو 2003
|
شوفتهم ترد الروح لكن بالنسبة لدوري ولا صيغة متعربة لكن الحمدلله 20% مصري
ناصر ذكرتني .... أقولك اتصلت في سينما نوفو أسألهم عن فيلم موانا، قلت له فيه عرض اليوم فالليل؟ فالعادة الأفلام الجديدة أول عرض يكون الأربعاء منتصف الليل يعني بداية يوم الخميس .... إلا اتفاجأ من اللي كلمني يقول لي موانا بينزل الاسبوع الجاي! مادري حسيت أنه مب فاهم وقاعد يألف كان ودي أحضر أول عرض، بس شكلي باحضره يوم الجمعه
.................
--------------------
المشاركات: 63 | من: Qatar | تاريخ التسجيل: أغسطس 2016
|
جمعه مادري ليش كنت حاط في بالك سالفة تعريب الاغلفه .. هالشي احنا غاسلين يدنا منه من اول مابدت ديزني تنزل شي اسمه ديفيدي .. يعني من 15 سنه .. حتى لما كانت ديزني مع الخيول كانت تنزلهم باغلفة انجليزية اللهم المنيو داخل بالعربي .. فاعادي لا جديد
وبخصوص موانا .. ياخي مادري انا خايف .. بوسترات هالاسبوع كلها نزلت بتطبيق نوفو الا موانا ماحطوه معاهم .. مع انهم كاتبين بالكامنق سون انه بينعرض بيوم 24 يعني بكره!! .. ياخوفي يكونون سحبوا عليه واجلوه اسبوع زيادة
.......
ماجد اي والله صدقت .. ياسر وهشام وجيهان هالثلاثه اكثر ناس ساهموا بتطوير أغاني ديزني العربية واللي حطوا الاساسات الاولى لها .. كل واحد فيهم له طعم مختلف .. ومتعه مختلفه .. ويحليلها جينفر صارت ست بيت .. والله احسن لها تربي عيالها وتستمتع بكل دقيقه معاهم قبل لا يكبرون وتندم
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
اهااا ولا صيغه متعربه قلت بقلبي يقصد شنو ههه الغلاف ولا الفيلم نفسه .. طيب ولا حتى الثري دي؟ معقوله ديزني تستهبل وتنزل البلوراي بدون تعريب؟ بس تصدق هالشي راح يفيد نسخة الايتونز وتخليها مميزة .. يعني اللي اشترا الفيلم من الايتونز استفاد انه امتلك نسخة مميزة مالها مثيل وبنفس الوقت اللي اشترا البلوراي استفاد جودة مالها مثيل مع مواد اضافية رهيبه .. بالحالتين كسبانين
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
إرسال هذه الصفحه لصديق!
لطباعه هذا الموضوع
![[Eek!]](eek.gif)
![[heartpump]](graemlins/heartpump.gif)
![[crying]](graemlins/crying.gif)
![[thinking]](graemlins/thinking.gif)
![[help]](graemlins/help.gif)
![[eyelove]](graemlins/eyelove.gif)
![[Big Grin]](biggrin.gif)
حتى قمت احذف و ارد انزله 
![[happy.]](graemlins/happy.gif)
![[applause]](graemlins/applause.gif)
![[rose]](graemlins/40.gif)
![[rofl]](graemlins/rofl.gif)
.. ان شاء الله اليوم بالليل بروح لهم وبخم كل الاصدارات اللي نزلت 
![[Razz]](tongue.gif)
.. بوسترات هالاسبوع كلها نزلت بتطبيق نوفو الا موانا ماحطوه معاهم .. مع انهم كاتبين بالكامنق سون انه بينعرض بيوم 24 يعني بكره!! .. ياخوفي يكونون سحبوا عليه واجلوه اسبوع زيادة ![[Mad]](mad.gif)
![[crazy]](graemlins/crazy.gif)
