تغطية طرح النسخة العربية من فيلم "البحث عن دوري" في الأسواق
علب الديفيدي وهي مصففه بالمحلات
شباب الناس عندنا بدت تطنش شراء الديفيديهات وتركز على نسخ البلوراي .. قبل شهر لما كنت رايح المحل اسألهم عن فيلم انجري بيردز قالوا تبي ديفيدي بتلاقي عندنا بالأكوام طايحين في جبدنا .. بس اذا بلوراي لازم تصبر لانهم مخلصين تماماً وطالبين دفعة جديدة ..
ومع دوري الحين تكرر الموضوع بس بشكل اقوى!!
لما رحت اشتري بثاني يوم طرح لهم لقيت البلورايهات مخلصه مافي الا 3 حبات .. بينما الديفيدي ولا حبه منهم انباعت .. ولما سألتهم هل الشركة بعثت لكم كميات قليلة من البلوراي؟ .. قالوا لا ابداً كانوا كميات كبيرة بس كلهم طاروا من أول يوم
يارب الناس تكون وعت خلاص وابتدت تتجه للبلوريهات عشان ديزني تضطر انها تنزل افلامها الرسومية القديمة على هالصيغة بدل لا تكتفي بس بنسخ الديفيدي المعفنه .. صرنا الحين بزمن الـ 4k والناس للحين تشتري صيغة تعبانه نازله من 1997 صار لها عشرين سنه متخلله
شكل الاغلفة من الأمام:
شكل الأغلفة من ورا:
شكل الأقراص من داخل:
أحلى شي أن الصيغ الثلاثة كلهم نازلين بأغلفة مختلفة .. مو بس من الجهة الأمامية .. حتى الجهة الخلفية تصميمها مختلف
مفاجأة
لما شغلت المواد الإضافية اكتشفت ان ديزني منزله لنا بونس مدبلج بالعربي حصري على نسخة البلوراي
تخيلوا من سنة 2010 وديزني مانزلت لنا بلوراي فيه مواد اضافية مدبلجة .. اخر اصدار كان يحتوي على مواد اضافية مدبلجة هو بلوراي تنة ورنة 1 .. لكن مع دوري هالعادة الاستثنائية اللي قليل ديزني ماتسويها معانا رجعت
البونس عبارة عن لقاء قصير مع شخصيات الفيلم مثل هدية وهاني وهم يتكلمون عن دوري .. تقريباً مثل مقدمة فيلم ابطال خارقون
تأكدت الحين ان اغلبكم يشتري البلوريهات ويفرها الكبت .. ولا خبر مثل هذا مانعرفه الا الحين .. هاااع
المهم شباب سويت لكم لفه سريعة على دسك البلوراي وحطيت لكم جزء صغير من كل بونس موجود فيه .. كل هالمواد الإضافية مش متوفرة بنسخة الديفيدي .. يعني لازم تطورون نفسكم خلاص وتنتقلون للبلوراي عشان تعرفون معنى الترفيه الحقيقي
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
ياااه الآصدرات شكلها تفتح النفس والمميزات الآضافية حاجة روعة ناصر طبعا معاك حق ان المفروض الناس تتجه لل Blu- Ray لآن جودتها HD اعلى من ال DVD بس المشكلة ان مش كل الناس عندها مشغل ال Blu- Ray وكمان فيه بلاد زي عندنا فيه افلام كتيرة للأسف مش موجودة غير نسخ ال DVD وانا واحد من الناس اللي عندي فيلمين Blu- Ray بس مش ماشغلتهمش لغاية دلوقتي عشان للآسف ماعنديش مشغل Blu- Ray بس الكومبيوتر بتاعي بعرض جودة ال DVD بصورة كويسة القصد عشان كدة لسة فيه ناس بتشتري ال DVD رغم انه زي ما أنت قولت قدم عموما شكرا على التقرير الرائع وفي انتظار انه ينزل عندنا ربنا يصبرني بقى
وطبعاً عارف ان في ناس ماعندها مشغلات بلوراي لكن اشوف هالشي غريب الصراحه .. المفروض انها تكون الحين موجودة بكل بيت كتحصيل حاصل .. خصوصاً واحنا بعام 2016 .. يعني تقنية البلوراي اليوم مر عليها اكثر من عقد كامل من الزمن .. وانتقلنا لمشغلات متطورة اكثر 4k .. يعني صارت مشغلات البلوراي اليوم تعتبر شي قديم .. غير ان اسعارها رخصت وصارت على 200 و 300 ريال يعني ثمن دسكين بلوراي بس .. وفوق هذا هالاجهزه قادره على تشغيل الديفيدي .. فماشوف اي سبب يخلي الناس تبقى فقط على مشغلات ديفيدي اكل عليها الدهر وشرب .. وبعدين اللي ماعنده في بيته مشغل بلوراي تلاقي عنده بلاي ستيشن .. يعني يقدر يشغل هالدسكات .. فليش كل هالاصرار على شراء دسكات جودتها رديئة ومافيها اي مميزات اضافية؟ في الوقت اللي لو دفع اكثر بربع القيمة اللي اشترا فيها الديفيدي ممكن يلاقي شي احسن بكثير؟
شي غريب
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
والله ياناصر معاك حق انا مستني بفارغ الصبر الفيلم ينزل عندنا متحمس عشان اسمع واشوف اداء رشا عبد الله لدوري عامل ازاي مع اني عارف انه هيكون تحفة هي وكل الممثلين بس مش عارف امتى ممكن ينزل لآني كمان الآيام دي مابخرجش كتير عشان امتحاناتي قربت في الآجازة بأذن الله هروح المحل اللي بشتري منه واشوف اعتقد انه وقتها هيكون نزل
للأسف أنا بعد ما عندي مشغل بلوراي مع ان خاطري فيه بس بسبب الظروف الموضوع ما يسمح من جدي صابر على الديفيدي مع ان ادري ان كجرة بس شسوي حتى بلاي ستيشن 3 و 4 الا يشغلون بلوراي بعد ما عندي عندي 2 و 1 بس ما تشتغل إلا بالغصب كأنها تقول ليي ما لاعت جبدك مني؟ الناس تطوروا وانته للحين قاعد تحاول تشغلني ترى يوم اشتري ديفيدي شكلي يطلع تحفة وأنا لايعة جبدي من الجودة شنسوي بعد .. توه التطور موصلني يوم نزل في ايدي ايفون 6 ويزعم هدية ادري هالكلام ما ليه داعي بس بعد شسوي وبالمناسبة.. مئوية سعيدة عليكم إن شاء الله مع ان جاية متأخرة بس بعد هذي اول مئوية ليي وياكم في الدليل وإن شاء الله ما تكون اخر مرة
-------------------- المشاركات: 182 | من: البحرين | تاريخ التسجيل: يناير 2015
|
حركة موفقة والله كانوا مسوويين تفس الحركة بالديفيدي حق نيمو اول ما نزل كل المواد الإضافية مدبلجة باصوات الشخصيات وفي فيديوهات كواليس الشخصيات تتكلم فيها وطاقم بيكسار يتكلموا والاصوات نفسها عبلة كامل والباقيين
ماحد معبرنا غير بيكسار والله بدأت اتاكد ان الادارة العربية مو 100٪ مسؤولة عن تعريبات بيكسار يمكن بس الدبلجة مسؤولين عنها بس الشعارات والتعريبات وما الى ذلك من بيكسار نفسها خصوصا التعديلات اللي في الرندر الاصلي حق الفيلم ممنوع يخرج من بيكسار او يكون بيد اي احد او اي فرع منشق من ديزني غير استوديو بيكسار نفسهم
[ نوفمبر 26, 2016, 10:26 PM: تم تحرير المشاركه من قبل: Adham Eljaber ]
--------------------
المشاركات: 794 | من: ¥Under The Sea¥ | تاريخ التسجيل: ديسمبر 2012
|
عاد ناصر السموحة مابشوف شي الحين من الفديو بخليه لما اخذ نسختي عشان احللللله صح لوول بس اكيد راح يستفديوا منه الناس اللي ماعندها فكرة لعل وعسى يتشجعون ويشترون مشغل بلوراي ويدعمون هالصيغة عندنا بس مشكور بجميع الاحوال
وبما انك تكلمت عن اصدار البلوراي .. انا ملاحظ من فترة طويلة شوية ان اصدار البلوراي لاي فيلم ينزل كذا حبة تنعد عالاصابع عكس الثري دي والديفيدي متروسين تررس عالرفوف وهالشي لاحظته بكذا فيلم وبكذا دولة لما اسافر
[ نوفمبر 26, 2016, 11:47 PM: تم تحرير المشاركه من قبل: A M I R ]
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
واو فعلاً مفاجئة روعة و زي ما قال أدهم الحركة ذكرتني بديفيدي البحث عن نيمو
بس ما حشوف الفيديو .. حاب أشوف كل شي بنفسي لما أخذ الفيلم +
تسلم ناصر على التغطية
الأغلفة كلها أحلى من بعضها
و حبيت ان الناس بدت تشتري بلوراي و تسحب على الديفيدي و أتمنى نفس الشي يصير عندنا
عن نفسي صرت ما أخذ ديفيدي إلا لو الفيلم قديم أو نادر و كدة .. بس الأفلام الجديدة كلها صرت ما أخذها إلا ثري دي ، مع إن ما عندي شاشة ثري دي بس أحب أخذهم علشان لو أخذت شاشة في المستقبل تكون الأفلام جاهزة عندي و مدبلجة و طبعاً علشان يجي معاها بلوراي عادي
و بالنسبة للمشغل عن نفسي كل شي اشغله على البلايستيشن
و في ميزة حلوة في البلوراي ما حتحصلوها إلا في البلوراي .. هي إنك تقدر تشغل الفيلم مكان ما وقفته آخر مرة مو زي الديفيدي تعيده من البداية
--------------------
المشاركات: 635 | من: Disneyland | تاريخ التسجيل: يوليو 2011
|
غريبة المرة الاولى الا بشتري فيها شريط اصلي للحين ما لقيت شي صار ليي فترة اكلم فيرجن وللحين ما نزل عندهم حتى، قلت ليها ان صار ليه وقت مو توه قالت اي ادري بس للحين ما نزل عندنا يعني شهالنحس إلا هب عليي من يوم قررت اشتري فلم دوري
[ نوفمبر 27, 2016, 06:06 AM: تم تحرير المشاركه من قبل: ahmedy1194 ]
-------------------- المشاركات: 182 | من: البحرين | تاريخ التسجيل: يناير 2015
|
مرسله في
اللي معندوش قاريء بلوري .. مصيره بيشتريه و لو بعد حين .. المهم بيشتري البلوريهات قبل ما يجي يوم و ما يلاقيها حتى و لو عنده ثمنها .. ماوكلي & دوري :hertpump: .. يعطيك الف عافية ناصر على التغطية.
--------------------
المشاركات: 16250 | من: نفسيه سودة وثقالة دم | تاريخ التسجيل: مايو 2001
|
إرسال هذه الصفحه لصديق!
لطباعه هذا الموضوع
![الملف الشخصي لـ [ L.O.V.E.R ]](http://salmiyaforum.net/ubb/profile_ubb6.gif)
![[heartpump]](graemlins/heartpump.gif)
![[eyelove]](graemlins/eyelove.gif)
![[crying]](graemlins/crying.gif)
![[applause]](graemlins/applause.gif)
![[Eek!]](eek.gif)
![[Big Grin]](biggrin.gif)
![[Razz]](tongue.gif)
.. ولا خبر مثل هذا مانعرفه الا الحين .. هاااع ![[iwantattention]](graemlins/iwantattention.gif)
![[Mad]](mad.gif)
![[rose]](graemlins/40.gif)
![[rofl]](graemlins/rofl.gif)
![[pleased]](graemlins/pleased.gif)
![[nut]](graemlins/nut.gif)
![[smoke]](graemlins/smoke.gif)
![[Frown]](frown.gif)
![[worried]](graemlins/worried.gif)
![[Confused]](confused.gif)
