نزل اليوم اخيراً فيلم احدب نوتردام 2 بالدبلجة المصرية
انفكت اللعنة شباب
الفيلم اللي نزلته ديزني بسنة 2002 على شريط فيديو بدون دبلجه وقتها .. وبعدها وعلى نهايات 2010 راحت ديزني ودبلجته باللهجة المصرية .. لكن دبلجته المنحوسه ماشافت النور .. وانحطت بالادراج لاكثر من 8 سنوات!!
وقتها كنا نعتقد ان ديزني سحبت على ابو الفيلم مثل سندريلا 3
لكن تفاجأنا لما عرفنا من خلال مكالمتي التليفونية مع جيهان الناصر بأنها سبق واخرجت اغاني فيلم احدب نوتدرام 2 .. وكان وقع الخبر علينا قوووي!!
تتذكرون هالايام شباب؟!
بس الخبر الافظع اللي هزنا كلنا وقتها وحرقنا عدل هو ان الدبلجة المصرية اللي انعملت لهالفيلم مش مثل اي دبلجه ثانية عادية!!! احدب نوتردام 2 شهد عودة اثنين من اهم اساطير ديزني بعد سنوات غياب طوييييلة .. وكان ايضاً هالعمل هو العمل الاخير بمشوارهم مع ديزني .. وبعدها ماشاركوا بأي فيلم انميشن ثاني واعتزلوا ..
هالاساطير هم الاخوين هشام نور وياسر شعبان
جيهان الناصر المخرجة الغنائية للفيلم سوت المستحيل يومها عشان ترجعهم مخصوص لفيلم احدب نوتردام 2 بعد ماصارت مشكله بينهم وبين شركة الدوبلاج .. وفعلاً نجحت بأنها تقنعهم بالعودة عشان ينفخون الحياة في هالشخصيات اللي لعبوها بالجزء الاول في عام 1996 بأحلى واجمل شكل ممكن
هذا كله يعني شنو؟
يعني احنا الان امام كنز كان مدفووون عنا طول هالسنين!! .. فيلم دبلجته المصرية تعتبر من اكثر الدبلجات المنتظره من كل الفانز!! .. فيلم شاركوا بدبلجته العربية اساطييييير ماراح نرجع نشوفهم بأي عمل جديد مره ثانية
الفيلم تم اصداره اليوم بشكل رسمي على موقع الستريمنغ المعروف ستارز بلاي .. اللي عنده اشتراك هناك يقدر يشوفه
عندي ملاحظات سريعة على النسخة العربية للفيلم
هشام نور موجود فقط كصوت غنائي لكوازيمودو .. يعني صوت الحوار مختلف .. يمكن لانه صوت هشام بهالمرحلة تغير عن الجزء الاول؟ المهم ان الممثل اللي جايبينه لحوارات كوازيمودو ضابط روح كوازي ونبرة هشام نور والانكسار اللي بصوته بالجزء الاول بالملي .. فماحسيت بأي فرق
أما عائشة سليم مديرة مصرية ميديا .. فهي مشاركة بالفيلم وماخذه دور ازميرالدا . بيني وبينكم ماحبيت النتيجة وحسيت صوتها بارد ومش ضابط على الشخصية .. حنان شوقي كانت احلى بمليون مره .. حتى صوت فيبس تغير .. جايبين ممثل ثاني غير جمال عبدالناصر .. بس عادي هالشخصيتين بالكاد لهم تواجد بالفيلم ..
الاهم من هذا كله هو ياسر شعبان!!
شباب اقسم بالله حسيت باحساس ولا اروووع وانا اسمع صوته بالفيلم .. ياخي فعلاً هالانسان له وحشه مو طبيعية وغيابه مأثر كثير .. صوته رائع واداءه بطل ومليان حياة .. حسيت نفسي رجعت طفل صغير وانا اسمعه بالفيلم بحوارات مو مألوفه واغاني ماسبق وسمعتها بصوته من قبل
وبعدين مشهد افتتاح الفيلم لوحده واغنية يوم العشاق تخلي القلب ينط من مكانه .. فعلاً الاغاني المصرية بافلام ديزني والفرح اللي تنشره شي ماله عوض ابداً
رفعت لكم اغنية الافتتاح على اليوتيوب عشان تستمتعون بالعمل اللي صار لنا سنين ننتظر نشم ريحة دبلجته
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
بس ماوضحت على راح ينزل ديفيدي مثل مولان 2 ولا بس عالستريمنغ ؟!
[ نوفمبر 23, 2016, 04:07 AM: تم تحرير المشاركه من قبل: A H M A D ]
--------------------
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
السلام عليكم شباب كيفكم؟ أولاً احب اعتذر لاني طولت بالغياب بس والله هادي الفترة كنت مشغول وتعبان شويتين فما كنت قادر أشارك ... وان شاء الله قريب بكون فاضي وبرجع أقوى من اول مع الوقت بس قنبلة زي اللي صارت ما يمديني مهما كنت مشغول ما اعلق عليها
خبر كافي يغطي على مليون خبر سيّء في الأيام الجاية من ديزني قنبلة كلمة بسيطة عليها كدا تقريبا كل دبلجات ديزني مصرية او مو مصرية انعرضت بمكان !
ثانيا هادا معناه ان ستارز بلاي يسمعوا اقتراحات المشتركين !!! ناصر تتذكر ببداية السنة في يونيو تحديدا لما قلتلك اني ارسلت لهم بصفحة الفيسبوك وقلت لهم يعرضوا احدب نوتردام 2 عشان ماله اثر باي مكان بدبلجته الرسمية وقلتلي صعب تصير ؟ صارت !!!! احسها مو صدفة لان وقتها ردوا علي .. هادا كان ردهم
رد مقتبس: You are most welcome Adham.
Kindly be informed that we added your request on the suggetion list and we will look for the possibility to release those content in the future.
Thank you 😊
تدرون هادا ايش معناه ؟؟ يعني لو طلبنا منهم اشياء ثانية من اللي اندثرت دبلجتها سواءاً افلام او مسلسلات في احتمالية كبيرة انهم يشتروها من ديزني !! خصوصاً المسلسلات احسها اهم شي دحين! والله با فو عليهم ستارز بلاي دحين بيكونوا مصدر توجهنا لو حبينا اي شي اندثر مع الزمن ينعرض مرة ثانية دبدب وفلفلة ودار الفار وما الى ذلك اتذكر بعدها بفترة طلبت منهم بعد فيلم Make Mine Music عشان دبلجته الرسمية اندثرت
بالنسبة للافلام في فيلم احس انهم دبلجوه بس مافي دليل على هادا وهو Mickey's Once Upon A Christmas احس دبلجوه بنفس فترة السيكول لانه غريب يكون ما تدبلج
ثانياً أحدب نوتردام 2 دبلجوه في 2008 مو 2010 كانوا يدبلجوه وبنفس الوقت جالسين يدبلجوا وال - إي ايام ما كانت عائشة سليم تقول للفانز عادي ايش جالس يصير يعني يعتبر اخر عمل لياسر وهشام نور مع ديزني قبل ما يروحوا من الاستوديو
المهم الخبر والله ولا اروع بعد 8 سنوات اخيراً نشوف الحلقة المفقودة والفيلم الوحيد اللي تدبلج مصري ولا انعرض بأي مكان ... وجا في انسب وقت ممكن! الوقت اللي فيه كل فانز ديزني متعطشين لأي فيلم ما شافوه من قبل مدبلج بالمصري والحلو اني لا شفته عربي ولا انحليزي حتى ما شفت الفيلم من قبل
شكرًا ناصر على الخبر
[ نوفمبر 22, 2016, 03:49 PM: تم تحرير المشاركه من قبل: Adham Eljaber ]
--------------------
المشاركات: 794 | من: ¥Under The Sea¥ | تاريخ التسجيل: ديسمبر 2012
|
الله الله ع الاخبار الحلوة تسلم ايدك يا ناصر ع القنبلة الخطيرة والله هالشي ابداً ما كان متوقع اني راح ارجع اسمع اصوات ياسر شعبان وهشام نور وبعد ما عرفت قصة دبلجة الفيلم صدق تحمست اشوفه بس خسارة نازل ستريمنغ ع ستارز بلاي الخدمة هذي مب متوفرة إلا في الدول العربية يعني الناس اللي برع ما يقدرون يشتركون ويتابعون بس ما استبعد ينزلونه ع الايتونز . . ياما فاجأنا الايتونز بأفلام ما توقعنا انها تنزل ونسمع دبلجتها العربية بأنقى جودة
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|
بخصوص ستارز بلاي ما ابي اخيب ظنك فيهم .. بس الافلام اللي يعرضونها تكون بترتيب مسبق من ديزني وتنطرح بشكل موحد بكل مكان .. يعني ديزني ماتنزلها بشكل خاص عندهم بناءً على طلب كم واحد من مشتركينهم .. لاحظ مثلاً ان افلام احدب 1 و 2 نزلوا بنفس التوقيت بعد على خدمة osn
ونفس الافلام الاخيرة المضافه بـ osn مثل دمبو والخارقون تلاقيهم توهم ضافوهم في باقي مواقع الستريمنغ .. ستارز بلاي وموزاييك وغيرهم .. يعني ديزني ماشيه حسب جدول طرح معين بالشرق الاوسط عشان ماتحرق كل افلامها دفعه وحده ..
وستارز بلاي يردون على كل الرسايل اللي تجيهم بنفس الرد عشان يبينون انهم مهتمين بالمشتركين .. ياما كلمناهم عشان يضيفون مسلسل الكراغل وحورية البحر وغيرهم وكانوا يقولون اوكي ولايهمك وبعدها مانشوف شي .. ابسط شي حلقات صابرينا اللي اولريدي موجوده عندهم .. طلبنا منهم اكثر من مره يضيفون بس التراك العربي للحلقات الناقصه اللي واصلتهم بدون دبلجة وقالوا اوكي وللحين ماشفنا شي ..
رد مقتبس: ثانياً أحدب نوتردام 2 دبلجوه في 2008 مو 2010
قلت بنهايات 2010 ( اقصد العقد الممتد بين 2001 لحد 2010) ولو تلاحظ كملت الجملة وذكرت ان الدبلجة ظلت حبيسة لاكثر من 8 سنوات
يعني طبيعي ماكنت اقصد سنة 2010 بعينها
والعفو ادهم بالعكس انا اللي اشكرك لانك دخلت وعطيتنا جزء من وقتك وشاركتنا الفرحه
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
الخبر صاعقة يا ناصر !!! ياخي احنا محظوظين فيك وبمعرفتك وبكذا تكون سنة 2016 احلى سنة مرت علينا بعد الفصحى والقرارات الخايسة
وهذا الفيلم سالفته سالفه معاي .. فالبداية كنت شايفه في سوق.كوم الاماراتي بس ماطلبته لسبب اني ماشفته موجود بالدليل ان نزل مدبلج او مترجم ،
فلما رحت دبي رحت محل دوفلكس حصلته ولكن كان نسخة بريطانية اعتقد فشلته من راسي وفاللحظة اعتقدت ان الفيلم ماتدبلج اساساً! والشي اللي زاد من اعتقادي لما نزل من كم يوم على OSN على طول سويت له داونلود عشان أتأكد اذا نزل مدبلج ولا لا؟ لكن للأسف طلع بس مترجم .. عشان جي ماسألتك عنه
فالحين مع اعلانك للخبر .. احس اني طرت من الفرحة! أخيراً بنشوف فيلم 2دي وباللهجة المصرية! مادري انتوا متخيلين ؟ فيلم بيرجعنا للماضي الحلو لديزني انا توني اشوف الخبر والساعة 4:15 الفجر لكن الحين باروح اعبي الفيزا عشان اشترك بالموقع ههههه فرصة ماتتفوت الصراحة
لازم اجهز يوم عشان استمتع بهذا الفيلم وبدبلجتة المصرية الاغنية اللي نزلتها ناصر حمستني 1000٪ ^^ مشكور ويعطيك الف عافيه
..........
--------------------
المشاركات: 63 | من: Qatar | تاريخ التسجيل: أغسطس 2016
|
يالله صباح خير ..! عاد انا كنت نايم وتوووني قعدت والا اشوف هالخبر ..!
كنت اقرا وقلبي يرقع من الفرحة خصوصا ان الجزء الثاني اصلا مو شايفه قبل لييين وصلت لجزيئة انه ستريمنج شووووي تحبطت للامانة
كان عبالي بالبداية انه بيكون ضمن الاصدارات اللي بتنزل قريب مع شوتنج ستار خصوصا اننا مهتمين بتجميع الاصدارات الملموسة عشان تكمل المجموعة بس بجميع الاحوال الحمد لله وعلى قول ناصر المهم صارت عندنا كللل الدبلجات بشكل او باخر وباعلى جودة ممكنة
وانا اشوف الفديو خنقتني العبرة والله انتوا متخيلين اننا سمعنا عمل جديد فيه هشام نور وياسر شعبان مع بعض بعد انقطاع سنيييييين حتى ولو كان مركون كذا سنة لوول تخيلوا لو لليوم احنا نسمع هالشغل باحدث الافلام مثل رابونزل و فروزن وموانا وغيرهم ..!
وجد جد الخبر يفرح وتسلم نصور ماقصرت
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|