تسلم ماجد .. حمستني لبيتس دراجون .. احب هالنوعيه من الافلام اللي احسها قريبه من Where the Wild Things Are .. اللي فيها طفل صغير يصادق مخلوق غريب .. ومن كلامك شكلي لازم اشوف ستار وارز بالكامل ههه @@ .. عاد عندي كل الافلام مترجمه على بلوراي .. بس عيزان ابدا فيهم
وبخصوص النسخ العربية .. اتفهم موقفك والله وماتنلام ..
لكن للاسف انا ماعندي نفس قدرتك على اني اغير طريقة مشاهدتي واقلب على الانجليزي .. الانميشن بالذات مرتبط عندي بالدبلجات العربية .. مو متخيل اشوف هالفن بلغة في حاجز بيني وبينها .. مهما كنت بيرفكت بالانجليزي المتعة اللي توصلني لما احس ان هالشخصيات عربية غير ..
انا مستعد اشوف مثلاً بيق هيرو بالفصحى اللبنانية التعيسه كل حياتي ولا اني اشوفه بالانجليزي .. يمكن لان طريقة تربيتنا من واحنا صغار لها تأثير على هالشي؟! من وعينا واحنا مانعرف شي اسمه كارتون الا وهو بالعربي .. ومع ديزني هالادمان صار اكثر واكثر ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
بما اني ماخذ اجازة سنوية بهالفترة قلت خلني اتابع بعض الكلاسيكيات القصيرة لديزني اللي ماعطيتها حقها ونسيتها .. وبديت بفيلم نزل بسنة 1953 اسمه Ben and Me .. فيلم انميشن يتكلم عن الجانب اللي مانعرفه لقصة بينجامين فرانكلين .. شخصية امريكية تاريخية معروفه .. لكن الفيلم يتناول بطريقة خيالية علاقته مع فار اسمه ايموس
مو كأنه راتاتوي ماخذين فكرة لينجويني وريمي من هالفيلم
المهم الفيلم عبارة عن نص ساعه من السحر الخالص .. جمال لا يوصف برسم الخلفيات وتحريك الشخصيات .. قطعة فنية فخمة بكل معنى الكلمة .. هالشي مو غريب اذا ماعرفنا ان نص اللي اشتغلوا على هالفيلم هم الناين اولد مين .. رجال ديزني التسعة الكبار اللي ساهموا بتغيير صناعة الانميشن
اللي يعشق فيلم بيتر بان وسندريلا راح يحب هالفيلم لانه انرسم بنفس فترتهم وبنفس مواصفاتهم .. ستايل الشخصيات الادمية والجرذان كأنهم تابعين لهالكلاسيكيات الضخمة اللي ظهرت بنفس الفترة ..
وبخصوص النسخة العربية فهي ايه من ايات الجمال .. يكفي بس ان هالفيلم تدبلج بنهاية التسعينات .. في عز الابداع اللي كانت عايشته ديزني بالعالم العربي .. اللي عامل صوت الفار هو نفسه اللي عامل صوت ويني الدبدوب بالجزء الاول .. هالممثل وجوده كان فعلاً اضافة كبيرة لنسخ ديزني العربية .. مثل بهالفيلم قبل لا يعتزل الدوبلاج ويركز على مهنته الاساسية ..
اللي ماشافه يروح الحين ويشوفه على طول .. فيلم ساحر وممتع
الفيلم متوفر بالعربي فقط على ديفيدي Walt Disney's Fables .. الفوليوم الثالث .. اصدار قديم مادري اذا بتحصلونه بالمحلات ولا لا .. لكن فعلاً هالكلاسيكيات القصيرة تحف لا تقدر بثمن .. وشي حلو ان الواحد يتمزمز فيها اذا ماعنده فيلم طويل يشوفه .. او محتاج شي سريع بو نص ساعه يستمتع فيه ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
الفار يذكرني بجاك في فلم سندريلا يعني احسه يشبهه مادري عنكم بس صار خاطري اقول
........
كنت بكنسل كتابتي للكلام عقب ما قريت كلامك اخ ناصر مرة ثانية بس بعد للحين خاطري اكتبه وصدق الشخصيات ليها شبه لسندريلا وبيتر بان صار خاطري اجوفه تحمست ليه
--------------------
المشاركات: 182 | من: البحرين | تاريخ التسجيل: يناير 2015
|
اتفق معاك ماجد .. نقطة ضعف المسلسل كله هو صوتها .. والمصيبه انها ماخذه دور رئيسي .. اسم اللي تغني خلود عمر .. نفسها اللي مثلت دور البنت الصغيرة بفيلم اب .. واللي مثلت دور آنا الصغيرة في فروزن .. صوتها مو سيء لكن بنفس الوقت جداً عادي .. واحياناً يصير مزعج .. خلود من الممثلات اللي شاركوا بأفلام ديزني من طفولتها وكبرت معاها .. من الاصوات اللي اعشقها بمرحلة الصغر اكثر من الكبر .. مثل معوض اسماعيل ..
+
تقريباً صرت شايف اغلب حلقات إلينا .. المسلسل حلو وممتع .. لكن والله العظيم مايصف جنب صوفيا ولا حتى 10% .. صوفيا ساحر اكثر وكيوت ويدخل القلب .. مسلسل يدخلك جو لطيف .. إلينا ينفع ينشاف كفيلم تلفزيوني مره او مرتين مش اكثر وبعدها تمل ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
رد مقتبس: لكن والله العظيم مايصف جنب صوفيا ولا حتى 10%
ناصر مشكلتهم انهم كرروا فكرة صوفيا في هالمسلسل... أمراء و قصور و ملوك وأميرة قاعدة تتعلم كيف تدير شعبها... صوفيا اللي ساهم بنجاحه هو انه نزل بفترة كانت قناة ديزني مبتعدة كليا عن هالجو و تقدم مسلسلات مثل فينيس و فيرب و غيره.. وعلى فكرة أحس ماله صدى أبدا الينا ... نجاحه وايد خفيف.. كان المفروض ما يخلونها تكون أميره و يكون تركيزهم على مغامراتها مع أصدقائها... بالنسبة لخلود خاطري أعرف رأي جيهان فيها... مستحيل وحدة بخبرة جيهان ما تلقط الغلطات اللي بأداء خلود الغنائي المفروض جيهان بحكم خبرتها في برامج الهواة تجمع أرقام الفنانين الشباب الموهوبين و تعطيهم هالفرص.. فيه وايد مطربين عرب يتمنون يشاركون بهالأعمال عشان تفتحلهم فرص و يضمونها للسيرة الذاتية اللي عندهم..
-------------------- [ المشاركات: 7335 | من: الامارات | تاريخ التسجيل: يوليو 2003
|
رد مقتبس: بالنسبة لخلود خاطري أعرف رأي جيهان فيها... مستحيل وحدة بخبرة جيهان ما تلقط الغلطات اللي بأداء خلود الغنائي
ماجد اللي اعرفه ان جيهان انفرض عليها اسم خلود عمر بالمسلسل .. يعني ماكان من ترشيحها .. قالولها تعالي اخرجي الاغاني بعد ما الكاست كله صار جاهز ومتوافق عليه من ديزني .. جيهان عموماً ماعندها مشكلة مع نوعية صوت خلود وسبق وجابتها بفيلم فروزن لدور آنا الصغيرة .. لانها كانت فاهمه ومستوعبه ان صوت خلود هذا حدوده .. ماينفع لأصوات شخصيات كبيرة مثل إلينا .. جيهان من البداية كانت حاطتها بالإطار الصحيح .. لكنهم جابوها لإلينا من غير ماتدري ..
وهالشي سبق وتكرر اكثر مره بأنهم يحطون جيهان امام الامر الواقع ويختارون الاصوات من غير علمها .. مثل ماصار ايام تانجلد .. جابوا جاكلين رفيق ورشحوها لرابونزل من غير علم جيهان .. وبعدها لما ديزني وافقت عليها اكلتها جيهان بالاخراج .. طلعت روحها بالاغاني .. جاكلين من احلى الاصوات لكن ماكانت تنفع ابداً تغني ستايل تانجلد .. اغاني سريعه وفيها حيوية وكذا .. جاكلين تنفع لاغاني هادية وسلو اكثر ..
وبعدين جيهان اكثر وحده عطت فرص لمواهب كثيرة جديدة بأفلام ديزني .. خصوصاً خريجين برامج الهواة .. سبق وجابت نسمة محجوب وشروق صلاح وريهام مصطفى وغيرهم كثار من الاصوات اللي ماخذت حقها بهالبرامج .. جيهان ابداً مو مقصره من هالناحية وهي اكثر وحده بمصرية ميديا ماعندها "كسل" مثل غيرها .. 24 ساعة تنبش عن اصوات جديدة .. جيهان حتى بالتسعينات جابت محمد حماقي قبل لاينشهر وخلته يشارك بفيلم بوكاهونتاس 2 وعطته فرصه .. عندها اذن موسيقية مرعبة وعارفه الموهوبين اللي يستاهلون التواجد بهالاعمال ..
اي عك تشوفه بأغاني ديزني تأكد انه ماله علاقه بجيهان ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
يكفي انها اول قناة شفت فيها علاء الدين بالدبلجة المصرية لاول مرة وهذا غير بوقت من الاوقات كانت تعرض اسبوعياً فيلم لديزني كل يوم جمعة ولازم ندعمهم الحين عشان يرجعون العرض الاسبوعي
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
فعلاً عامر لازم ندعمها وهذا اللي سويته .. نزلت بوست شكر خاص فيهم وراح نعلن عن كل فيلم يعرضونه مستقبلاً .. عيبهم الوحيد بس هو التقطيع المبالغ فيه .. حتى الجزيرة المحافظه اكثر منهم ماتقطع هالكثر
.......
اول صورة من فيلم بيكسار الجديد كوكو
بيكون اول فيلم ميوزيكال تغني فيه كل الشخصيات وبتدور احداثه في المكسيك بعيد الاموات .. فكرته سبق وتطرق لها فيلم بوك اوف لايف لكن بيكسار اعلنت عن هالمشروع قبل لاينزل ذاك الفيلم بالسينما فالموضوع صدفة ..
متحمس اشوفه خصوصاً وانه بيكون من اخراج واحد من اكثر المخرجين اللي اثق بشغلهم لي انكرج
وتقريباً بيكون هذا هو فيلم الانميشن الوحيد المهم اللي ناطرنا من ديزني بسنة 2017 .. ديزني انميشن ماخذين اجازة ماراح ينزلون ولا فيلم .. ماقصروا هالسنة قدمولنا فلمين كلاسيك حلوين زوتروبوليس وموانا .. بتكون السنة الجديدة كلها لبيكسار ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
وانا بردو فرحت جدا لما لاقيت الفيلم معروض على MBC 3 رغم ان الفيلم عندي وشوفته كتير بس لما سمعت الخبر فتحت التلفزيون وعلى MBC 3 عدل بس هو فعلا من عيوبهم انهم بيفضلوا يققطعوا في مشاهد ومابيكملوش تتر النهاية لآخره وطبعا الكاست العربي مابيظهرش بس طبعا كنت فرحان لآن دي اول مرة اشوف حاجة لديزني بالمصري بعد سنين طويلة والف شكر لل MBC بس نفسي يكملوا جميلهم ويبطلوا بس الحاجات دي
[ ديسمبر 26, 2016, 09:03 AM: تم تحرير المشاركه من قبل: Mohab Nawras ]
فعلاً عامر لازم ندعمها وهذا اللي سويته .. نزلت بوست شكر خاص فيهم وراح نعلن عن كل فيلم يعرضونه مستقبلاً .. عيبهم الوحيد بس هو التقطيع المبالغ فيه .. حتى الجزيرة المحافظه اكثر منهم ماتقطع هالكثر
.......
اول صورة من فيلم بيكسار الجديد كوكو
بيكون اول فيلم ميوزيكال تغني فيه كل الشخصيات وبتدور احداثه في المكسيك بعيد الاموات .. فكرته سبق وتطرق لها فيلم بوك اوف لايف لكن بيكسار اعلنت عن هالمشروع قبل لاينزل ذاك الفيلم بالسينما فالموضوع صدفة ..
متحمس اشوفه خصوصاً وانه بيكون من اخراج واحد من اكثر المخرجين اللي اثق بشغلهم لي انكرج
وتقريباً بيكون هذا هو فيلم الانميشن الوحيد المهم اللي ناطرنا من ديزني بسنة 2017 .. ديزني انميشن ماخذين اجازة ماراح ينزلون ولا فيلم .. ماقصروا هالسنة قدمولنا فلمين كلاسيك حلوين زوتروبوليس وموانا .. بتكون السنة الجديدة كلها لبيكسار ..
أحلى خبر ناصر.. حبيت جدا انه بيكون ميوزيكال لا تنسى ناصر كارز 3 اللي بينزل شهر 6 الياي
-------------------- [ المشاركات: 7335 | من: الامارات | تاريخ التسجيل: يوليو 2003
|
ماجد مانسيت كارز 3 .. لكن الهايب اللي حوله ضعيف .. الكل يقول انه حتى لو طلع حلو ماراح يطلع افضل من اول جزء واللي يعتبر بعد ضعيف نسبياً مقارنه بباقي افلام بيكسار ..
العين كلها الحين على كوكو
المشكلة بيكسار كيف بترقع موقفها .. جون لاستر كان يتباهى قبل سنوات لما سألوه عن خط بيكسار المميز بالافلام .. قال احنا مختلفين عن ديزني وعمرنا ماراح نقلد احد .. ماراح نسوي لا افلام اميرات ولا ميوزيكال .. وفجأة بعد كم سنة طلع بريف .. والحين كوكو .. الكل ناطر الحملة التسويقية للفيلم عشان يشوفون كيف بتتصرف بيكسار بهالنقطة عشان يتشمتون فيهم ..
عموماً حماسي كله بسنة 2017 بيكون منصب على افلام ديزني اللايف اكشن
الجميلة والوحش / قراصنة الكاريبي 5
صح قريت خبر ان كيرا نايتلي بتكون موجودة في الجزء الجديد لقراصنة الكاريبي وانها بتاخذ دور كبير في الجزء اللي بعده .. والله احلى خبر لو صج .. فعلاً لها وحشه بهالسلسلة ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|