انا كان قلبي حاسس ان دة اللي هيحصل هو فيه ايه النهاردة الآخبار السيئة كتيرة ليه كدة كله من التحميل والقرصنة طب الفيلم دة والله العظيم كنت مستنيه هو والديناصور اللطيف انا هشوفهم ازاي دلوقتي انا لا يمكن احملهم ابدا انا اقول ايه حسبي الله ونعم الوكيل
كنت احسب بس تاخر علينا زوتروبوليس نفس باقي الافلام توصل عندنا بجدة بعد اكثر من شهر من موعد طرحها .. بس الواضح لو جد كدا يعني يمكن ما يجي اصلا
بالمناسبة بالامارات نزل كل شي مو ديفيدي بس بلوراي وثري دي كمان وكل غلاف منهم شكل مختلف
والله وضعنا مع ديزني وحال ديزني في العلم العربي يصير من سيّء لأسوأ بكل شي مو مرتاح على مستقبل النسخ العربية حقت ديزني اخاف اصلا ما يكملوا او يتعبوا نفسهم ويدوروا على بديل بس حتى لو دوروا على بديل اخاف نفس حركة الخيول تصير ويأخذوا وقت طويل يحصلوا شركة توزيع ثانية وإصدارات وافلام تروح علينا في هادي الفترة
وقتها بنكون مغصوبين على الايتونز اللي كنّا نسب فيه مو متخيل فيلم جديد مدبلج وأكون محتفظ فيه نسخة ديجيتال في حوالي ولا اللابتوب ويكون في فراغ مكانه بين تسلسل الافلام الله يستر بس هادي المرة المصيبة بتكون اكبر من ديزني بس لان فيفا تقريبا مسؤولة عن توزيع افلام وإصدارات 70٪ من شركات هوليوود وباقي شركات الافلام عندنا في الشرق الاوسط !!!! يعني الفترة الجاية بتكون جفاف عموماً من كل الاصدارات الجديدة مو بس ديزني ومارفل
--------------------
المشاركات: 794 | من: ¥Under The Sea¥ | تاريخ التسجيل: ديسمبر 2012
|
والله الخبر يعور القلب .. كل ما مرت كم سنة ينعاد السيناريو و نعيش نفس الكابوس من جديد
للأسف انكتب علينا نعيش بمجتمع مايقدر او يعطي اهتمام لهالشي و المشكلة نلاقي اهتمامات مجتمعنا من اتفه ما يكون
هذي ثالث شركة تودع عالم ديزني و تخلينا ندخل فترة ظلام مرة ثانية
يمكن لما روتانا سكرت قسم الترفيه المنزلي ما حسينا بالقطعة لانه فيفا خذت مكانها فورا وهي فعليا اللي كانت توزع ايام روتانا
لكن المشكلة الحين انه ماظل في شركات عندنا !!! يعني لو ديزني بتوكل المهمة لشركة ثانية من بتكون ؟؟
مافي غير شركة وحدة وداخلة السوق بقوة هالفترة لكن هالشركة توزيعها مقتصر على الألبومات الموسيقية للحين
شركة Inter Gulf Media مادري هل ممكن يدخلون عالم توزيع الأفلام بعد تسكير فيفا ؟ خصوصا انه مو بس ديزني شركات هوليوود كلها تدور موزع الحين
المشكلة فيفا كانت اكبر شركة توزيع عندنا و تغطي الشرق الأوسط و توزيعها كان شامل كل شي العاب فيديو جيمز افلام البومات
برايم و سكوب شركات امارتية و نادر اشوف توزيعهم برا الأمارات و شغل ابو كلب
فعليا الموضوع يضايق و المشكلة انه هالشركات غبية لأنه مثل ما قال ناصر مو عارفين يشتغلون صح ولا يسوقون لمنتجاتهم
من فترة لفتتني شغلة صارت عندنا و قعدت افكر ليش هالشي ما يصير مع الأفلام
قبل كم شهر في لعبة نزلت عالبلايستيشن و كانت اول لعبة تنزل بغلاف معرب ..
الحماس اللي شفته على هاللعبة و التسويق اللي صار عليها فعليا ذكرني بأيام التسعينات لما كانت افلام ديزني تنزل من الخيول
اعلانات بالشوارع .. بالجرايد .. بالسوشل ميديا و الناس كلها تتعنى و تروح محلات الفيديو جيمز و تسأل و تحجز و ناس تسوي بري اوردر و الغريب ان اللعبة سعرها 300 ريال يعني ضعف سعر البلوراي على مرتين
ف عرفت انه ربعنا مستعدين يدفعون هالمبلغ على سيدي رغم انه اللعبة يقدرون يشترونها اونلاين بسعر ارخص
تمنيييت اشوف هالشي صاير على افلام ديزني و اشوف ناس عادية غير الكولكترز رايحين يشترون و متحمسين
فالسالفة كلها بالتسويق و تشجيع الناس على انها انهم يشترون لما يلاقون شي يلمسهم و يلفتهم و كلنا شفنا سالفة السليب كوفر من كم شهر شو سوت (اللي هي فكرة ديزني مو فيفا)
و في شي ثاني قاعد يصير مع فيرجن الأمارات و سمعت فيرجن البحرين امس الافلام تقلصت فجأة بشكل مرعب و الموظف يقول قريب بنشيل سكشن الافلام .. هذي بعد سالفة ثانية مادري
معقولة نوصل مرحلة حتى محلات تبيع الأفلام و الألبومات ما نحصلها .. احسه كابوس
عالعموم ان شالله ديزني ما تخلينا و تلاقي حل بأسرع وقت ممكن و مانعيش فترة قطعة الخيول الله لا يعيدها ..
سمعت ان احتمال هالشركة تتعاقد مع ديزني .. لكن راح تكون نسبة النسخ الموزعه اقل بـ 80% من العدد اللي كانت تطبعه فيفا .. يعني اذا قبل كانت الاصدارات قليله فالان راح تكون اقل ب 80 مره
نصور فيفا ما تطبع ولا روتانا ولا الخيول .. اصدارات ديزني هي تطبعهم طول عمرها بأوروبا و تجيبهم لنا و توزعهم هالشركات
ف هم ماعليهم اي تكلفة ولا صعوبات غير التوزيع فقط
و اعتقد زوتروبوليس موجود بكميات رهيبة لكنها بمخانزهم ماتوزعت او ما لحقت تتوزع بالكامل
ديزني اوريدي تطبع كميات كبيرة و ترسلهم مع بعض
ان شالله عالاقل ديزني تتصرف و هالستوك ينزل السوق و بعدين نشوف سالفة شركة توزيع جديدة
رد مقتبس: نصور فيفا ما تطبع ولا روتانا ولا الخيول .. اصدارات ديزني هي تطبعهم طول عمرها بأوروبا و تجيبهم لنا و توزعهم هالشركات
ف هم ماعليهم اي تكلفة ولا صعوبات غير التوزيع فقط
زين نبهتني وسيم عشان اوضح كلامي لان هالمعلومه اكيد اعرفها
فعلاً نسخ ديزني ايام روتانا كانت تنطبع بإيطاليا تحت اشراف ديزني نفسها وايام الخيول كانت تنطبع ببريطانيا .. بعدها توصل معززه مكرمه بصناديق عشان تتولى هالشركات توزيعها ..
اللي قصدته وماعرفت كيف اشرحه هو ان عدد الكميات اللي راح تنطبع هالمره لصالح الشركة اللي اشترت فيفا راح تكون اقل بكثير من عدد النسخ اللي كانت تاخذهم فيفا من ديزني .. لان هالنسخ راح تطيح بجبد الموزع في حال ما انباعوا .. ماراح ترجع لديزني .. عشان كذا الكميات تكون بطلب من الموزع ..
وفيفا اساساً بالفتره الاخيرة صايره تقتصد بكميات البلوريهات اللي تطلبها من ديزني لكل فيلم ..
بلوراي سندريلا اللايف اكشن مانزل منه الا 4 حبات بكل فرع عندنا .. وبلوراي الديناصور اللطيف نفس الشي .. وحتى الديفيديهات صايره قليله .. مو نفس قبل تحصل كميات مهوله من كل فيلم عالرف .. فالعدد غالباً يكون حسب طلب الموزع اللي يكون اولريدي عارف اقبال الناس عالشراء اذا ضعيف او قوي ..
والمصيبه ان فيفا حتى بعد مابدت تطلب كميات بسيطه ايضاً فلست ..
وبخصوص زوتروبوليس والكميات الموجودة عندهم بالمخازن .. لنفترض ان عندهم كميات كبيره فعلاً .. طيب شالحكمة من انهم مايتخلصون منها؟ او يلبون طلب محلات فيرجن اللي محتاجين كميات اضافية منه؟ هذا كلام اورفن:
رد مقتبس: سألت واحد في فيرجن قالي وصلتهم 3 او 4 نسخ بس وانباعوا عطول حتى في موقعهم مكتوب سولد اوت وطلبوا نسخ ثانية وماوصلهم لين الحين وقاعدين ياخذون طلبات الناس ويوفرون نسخ من النت
فأتوقع الكميات اللي انطبعت كطبعه اولى توزعت .. واذا بقى منها شي فهو عدد لا يذكر وحظه نازل من السما اللي يطيح عليهم ..
عاد هالشهر المفروض بعد ينزل فيلم كتاب الادغال اللايف اكشن على بلوراي .. الاصدارات راح تتراكم من الحين ..
بخصوص العاب الفيديو فللاسف ماعندي اي خلفية عن هالعالم كله عشان اعقد بينه وبين سوق الافلام اي مقارنه .. لكن حسب مافهمت ان العاب الفيديو صعب الواحد ينزل منها نسخ مقرصنه ويقدر يشغلها على اجهزته صح ولا لا؟ فبهالحاله الناس راح تضطر تشتري النسخ الاصلية رغماً عنها حتى لو اسعارها غالية .. مش عشان الدعايه .. شفت اكثر من لعبة نازله لا تغليف حلو ولا تعريب للعبه ومافيها اي شي مميز تخلي الواحد يشتريها الا اذا هو فعلا مضطر عليها لانه ماعنده بديل ..
عكس الافلام اللي موجوده على افا مين يشيل وببلاش عالنت .. وبشكل ديجتال عالايتونز والاو اس ان وغيرهم .. عشان ترغم الواحد ينزل ويشتري لازم تعطيه مميزات مغريه .. طبعاً ربعنا اخر همهم موضوع البونس فيتشرز الموجوده بالدسكات .. لو حطيت لهم قطعة كرتونه تلمع زيادة على الغلاف البلاستيكي راح تبهرهم اكثر ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
انا لو عليا انا بسيطة بس في غيري مايقدرش يشتري من برة خالص وبعدين فعلا الشركات اللي فاتت كانت المفروض تعمل دعاية تسويقية لافلامها يعني يعربوا الآغلفة ويحطوا سليب كافر زي دول العالم كلها يجماعة حتى تركيا والله الكتابة بتاعت الآغلفة بتبقى بالتركي واحنا ولا حاجة ديزني لازم تهتم بينا شوية اكتر من كدة والا زي ماقال ناصر هنصفي على ولا حاجة في الآخر وربنا يستر
Hi Nasser, we are in talks with Disney to continue the distribution and we should have an answer soon hopefully, we would like nothing more than to continue
يعني في امل يكملون ويترتب الموضوع بسرعه .. عالاقل قبل نوفمبر .. قبل موعد طرح دوري!!
ولو صار فعلاً واتفقوا مع هالشركة معناته الاخبار اللي وصلتنا صحيحه .. وهو ان اعداد الطبعات الجديدة بتكون اقل من السابق بنسبة 80%
لان نفس هالشخص قال لنا ان هالشركة قاعده تتفاوض مع ديزني
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
فى اليوم العالمى للصداقة.. 5 ثنائيات فى "ديزنى" قدمت نموذج "الصاحب الجدع
كتبت سارة درويش
لأن أفلام ديزنى تقدم ما هو أبعد من المتعة قدمت لنا على مدار سنوات طويلة الكثير من الدروس العميقة والكبيرة، وبينما نحتفل بيوم الصداقة العالمى اليوم يجب أن نحتفى بتلك الدروس والعلاقات التى علمتنا معنى الصداقة من خلال أفلام ديزنى..
فى فيلم "البحث عن نيمو" ضربت "دورى" المعنى الحقيقى للصداقة حين قطعت رحلة طويلة جدًا مع "مارلين" دون أى مصلحة أو فائدة لها فقط من أجل البحث عن ابنه، وفى المقابل ضرب "مارلين" مثالاً للصديق الوفى حين لم يتخلى عنها عندما وقعت فى ورطة رغم أن هذا عطله عن مواصلة رحلة البحث عن ابنه.
عشرات الدروس فى الصداقة يمكن أن تمنحنا إياها العلاقة بين "بمبة وتيمون"، فهما الصديقان المختلفان تمامًا فى الشخصية والنوع ورغم ذلك يتقبلان بعضهما البعض ويتقبل كل منهما الآخر بعيوبه قبل مميزاته ويعتبر كل منهما الآخر "صديقه الصدوق" وهى مرتبة أعلى من الصداقة لم نعرفها قبل "بمبة وتيمون".
فى حين كان "بامبى" الأمير الصغير يعانى من سخرية الكثيرين منه ويشعر أنه ضائع وضعيف، كان صديقه "ثمبر" إلى جواره دائمًا، يؤمن به ويشجعه على أن يطور نفسه ويصبح شخصًا أفضل ويبحث معه عن حلول لتحسين علاقته بوالده.
تجسد هذه العلاقة فى فيلم "شركة المرعبين المحدودة" نموذجًا مثاليًا للصداقة الخالية تمامًا من الأحقاد أو الغيرة، فـ"كورتى البعبع" لا يغار أبدًا من نجاح صديقه ويدعمه ويحرص على استمراره، وحتى حين يكون معترضًا على تصرفاته التى تقوده إلى ورطة يسانده ويدعمه.
يجسد الثنائى المثل "ما محبة إلا بعد عداوة" فبعد اللقاء الأول غير الموفق بينهما أصبحا من أفضل الأصدقاء وبذل كل منهما مجهودًا عظيمًا لإنقاذ الآخر كلما وقع فى ورطة.
مدونة موضة تطالب ديزنى بأميرة "Plus size".. و30 ألف شخص يؤيدونها
كتبت سارة درويش على مدار سنواتها الطويلة، قدمت لنا "ديزنى" 18 أميرة كلهن يحملن مواصفات جسدية غير واقعية أبدًا، بعيون واسعة أكثر من اللازم وخصر نحيف كالرقبة وشعر بالغ الطول والنعومة والجمال.
وعلى الرغم من أن ديزنى تبلى جيدًا فى ما يخص التنوع فى تمثيل النساء، حيث قدم أول أميرة سمراء فى عام 2009 "تيانا" إلا إنها لم تنوع فى ما يخص حجم الجسم ولم نر أبدًا أميرات ديزنى إلا فى صورة مبالغ فيها من النحافة والرشاقة. وكان هذا ما دفع "لوى لين" مدونة الموضة إلى محاولة الضغط على ديزنى من أجل تقديم أميرة "plus size"، وذلك عبر مقاطع الفيديو التى تبثها عبر مدونتها. وبدأت رحلة "لوي" مع محاولة إقناع ديزنى فى عام 2015 بفيديو ارتدت فيه بيكينى مستوحى من شكل الأميرة "آرييل" حورية البحر وبدت رائعة به، ونال الفيديو إعجاب الكثيرين فقالت وقتها هذا أدق مثال على مدى نجاح الفكرة لو أن ديزنى قدمت أميرة بجسم ممتلئ. وتوالت فيديوهات "لوي" التى شاركت متابعيها قصتها حول مدى تأثير شكل أميرات ديزنى على الطريقة التى رأت بها نفسها لسنوات طويلة، وقالت "أعتقد أنه سيكون رائعًا جدًا أن تأتى أميرات ديزنى بأنواع مختلفة من الجسم". وذكر موقع "مترو" البريطانى إن "لوي" لم تكتفى بهذه المقاطع المصورة لها، وإنما أطلقت عريضة إلكترونية تطالب فيها ديزنى بأن يطرح أميرة بجسم ممتلئ من أجل تعزيز احترام الذات لدى كل من تملك جسدًا مشابهًا، وحتى الآن وقع أكثر من 30 ألف شخص على العريضة نفسها لمطالبة ديزنى بتقديم أميرة ممتلئة الجسم.
--------------------
المشاركات: 547 | من: Kuwait | تاريخ التسجيل: أبريل 2015
|
رسلتلهم ايميلات بالهبل بس محد رد عليي ادهم وين حصلت صفحتهم كل الي حصلته على الفيس فيفا الفلبين
عموماً ماعتقد انهم يقفلون لان مب ذاكرين شي في موقعهم + ردهم باين انهم مستمرين بس بيخفضون التوزيع ماعتقد كل الافلام ( بشكل عام )الي تتوزع عدنا منهم يعني اكيد في شركات ثانية
بعدين ترا حركة السليب اللماع الي نزلوها فيفا مب من عندهم ومن شطارتهم تراها من ديزني وهالنسخ موزعه فالعالم كله مب بس عدنا
المهم كلمت محل وقالي عندي نسخ واقدر اوفر بترجمه عربي , سألته اذا في دبلجة بعده مارد قال بيتأكد وبيقول و قتله يحجزلي نسخة ال3دي
بعدهم محتفظين بأسمهم "فيفا" وفي عندهم بوستات جديمه يعني هم شغالين من زمان في هالموضوع مب شي يديد , صفحة "حول" كاتبين اخر اخبار الالعاب وافلام هوليود عقدهم مع ديزني مستحيل ينلغي بهالسهوله , هي فترة انتقالية وشوي شوي الامور بترجع مثل قبل
اهم شي خبر تعريب تومب رايدر تارس صفحتهم بيدبلجونها في استوديو مصري شكلهم سمعوا كلامي وراحوا مصرية ميديا
^ ^ يس هادي هي الصفحة، ما غيروا اسم الصفحة عشان اي صفحة بفيسبوك عندها فوق الفين لايك ما يمديهم يغيروا اسمها بسهولة
ثانيا اعتقد يادوب غيروا صورة البروفايل عشان لا يسكروا الصفحة لأنهم اصلا اولريدي عندهم صفحة باسم الشركة الثانية والواضح ان الشركة موجودة من فترة طويلة! بس يمكن ضموا لها فيفا او شي عشان تصير جزء منهم يارب بس يكونوا ارسلوا نسخ زوتروبوليس لجدة بس يادوب تأخرت زي باقي الافلام اللي تتأخر شهور مو انهم سحبوا علينا كلياً عشان موضوع إغلاق الشركة
عاد أسوأ فترة يصير فيها كل هادا لانها الفترة اللي لازم النسخة الاصلية لأفلام ديزني القادمة تحقق أرباح وفرق واضح عن الافلام الفصحى اللي فاتت لان ديزني شوية شوية جالسين يرجعوا نفس اول اتمنى بس قبل البحث عن ضوري يكون انحل الموضوع حتى لو بيستمروا مع الشركة الجديدة اللي جات مكان فيفا مع اني احس بيكون غلط لما نشر لوجو الموزع ورا اسمه مدري ايش قيمز كانهم ما حصلوا شركة توزيع وراحوا لشركة متخصصة للألعاب خخخخخخ
--------------------
المشاركات: 794 | من: ¥Under The Sea¥ | تاريخ التسجيل: ديسمبر 2012
|
إرسال هذه الصفحه لصديق!
لطباعه هذا الموضوع
![[Mad]](mad.gif)
![[crying]](graemlins/crying.gif)
![[Eek!]](eek.gif)
![[Frown]](frown.gif)
![[worried]](graemlins/worried.gif)
![[rofl]](graemlins/rofl.gif)
![[heartpump]](graemlins/heartpump.gif)
![[crazy]](graemlins/crazy.gif)
![[Wink]](wink.gif)
![[Big Grin]](biggrin.gif)
![[Razz]](tongue.gif)
![[thinking]](graemlins/thinking.gif)
بعدهم محتفظين بأسمهم "فيفا"![[eyelove]](graemlins/eyelove.gif)
بيدبلجونها في استوديو مصري شكلهم سمعوا كلامي وراحوا مصرية ميديا
