شباب أمس دخلت فيلم "كوكو" تحفة فنية خرافية من بيكسار !
بصراحة ما كنت متوقع أبد أنه يكون بهالمستوى قلت بيكون حلو كعادة بيكسار لكن صج فاق توقعاتي
الفيلم عبقري وفكرته رووووعه مليء بالأحاسيس والمشاعر والصدمات !
حبيت كل ثانية بالفيلم وماحسيت بالملل أبد .. وبالنسبة لي أكيد هذا أكثر فيلم قشعرت فيه ! أكثر من موانا بعد
محد باط جبدي الا اللي يقول أنه نفس فيلم "The Book Of Life" انا ما شفته لكن مستحيل يوصل ربع مستوى "كوكو"
ما تتخيلون شكثر متحمس للنسخة العربية من الفيلم الله يصبرنا 4 شهور بس
...
بخصوص اللوجو العربي ، امممم حليو بس اللي صصمه محمد أنيس بنظري كان أحلى بوايد
هذا .. هو المفضل عندي :
وبعده بالمرتبة الثانية اللوجو الرسمي ،
وآخر واحد هذا :
أتوقع أوسكار أفضل فيلم أنيميشن دايركت لـ"كوكو" لا يفوتكم هالفيلم ضروري تشوفونه ، ولا تتأخرون لأن فيلم مغامرة أولاف الجليدية يجنن بعد وأغانيه حلوة يعني بتقضون ساعتين ولا فالأحلام
...
--------------------
المشاركات: 63 | من: Qatar | تاريخ التسجيل: أغسطس 2016
|
بخصوص اللوجو العربي ، امممم حليو بس اللي صصمه محمد أنيس بنظري كان أحلى بوايد
هذا .. هو المفضل عندي :
[/qb]
إللي عمر صممه* وتسلملي والله
صممته وصممت معه كام بوستر
----------------------
وبمناسبة الملصقات, حاب أحط بوسترات الآيتونز الأخير هنا للزمن بأخر مرة ما لحقت على شعار موانا والنسخة اللي رفعها ناصر بأقل من نص جودته وقتها
----------------------
بخصوص شعار كوكو ناصر, مع إحترامي لأيا كان إللي صممه
الشعار بشع ولا يمت بصلة للأصل, حتى شعار إمباير أحسن منه الشعار طالع كأنه مجرد فونت جاهز وحاطين عليه ستايل
حتى التيكست بريكر اللي بيها الجيتار شالوها.. لا والله؟ شالو أهم شي بيميز الشعار
إمباير وعشان Margins المجلة بتحتم عليهم إزالتها.. طب ديزني؟
+
رد مقتبس:لكن لفت نظري انهم ذاكرين بالنبذه مصطلح "عالم الاجداد" بدل "عالم ارض الاموات" .. الظاهر ديزني حبت تغير الاسم عشان تتفادى الوقوع مع اي محظورات ثقافية او دينية مع المشاهدين العرب بالضبط مثل ماصار مع اخي الدب وموانا بعد ماشفت الفيلم بالسينما اقدر اقول ان التعديل جميل وذكي -
صراحة ناصر طفشت من هالتعديلات, وهالعرب ياللي عايشين بما قبل الميلاد حساسين من كلمة خنزير ومحرمينها..
فيه تعديلات كانت مضبوطة وبمحلها عشان مش جزء من ثقافتنا زي "خل تفاح" بـ"قطط ذوات" لأننا ما نستخدم الخمور في طهي البط والدجاج وبنستخدم الخل بدلا عنها
موانا وحده بيه ثلاث عكات تخلي الشخص ما يفهم شي "أسطورة" بدل "Demigod" "لحم" بدل "لحم خنزير" (كانت نكتة - المفروض) وبالأخير "كاكومورا" بدل "كاكامورا" .. بظن لنفس سبب تيك ونيك
تعديل كاكامورا كان مقصود, مش غلط ستوديو كان جاي بطلب ديزني وكان محدد من شهور قبل وصول الفيلم لمصرية ميديا حتى ظهر بالأول في الملفات الخاصة بلعبة Disney Crossy Road كنت استخدمها لمعرفة الأسامي العربية وولا مرة خربت لين ما شالو الترجمة العربية كلها
بس عموما تعديل ديزني بمحله, أكثر مرة ديزني حطت كلمة "أجداد" وحسيتها بمحلها
----------------------
رد مقتبس: خسارة ديزني رفضتهم مادري ليه صايرين يخافون من موضوع تغيير الاسماء
بالأغلب التسويق, التسويق لأسم جديد صعب وبلا عروض سينيمائية ومع نسخ فصحى ديزني بتعرف كم كاريها الأمر شبه مستحيل
يمكن دوري كان استثناء بسبب الحملة, بس باقي الأفلام بالأغلب أفضلهم يسيبوا الأسامي القديمة لأن الميدل ايست اولريدي بيعرفوها كلهم
وخصوصا إنها أعلى سلسلة تنباع منتجاتها بالسوق..
وإذ بتلاحظ ناصر حتى الإعلانات الإماراتية للألعاب بيقولوا الأسامي الإنجليزية نادرا ما تشوف منتج بالإمارات عليه الإسم العربي بسبب إن أكثر اسم مسوق بالإمارات هو الإنجليزي خصوصا مع كم تداخل الجنسيات هناك
وعلى قولتك فانز سبيستون بيتمتعوا بالتناقد في دمهم إللي نحبه وإللي ما نحبه رح نفرضه عليك ورأينا صح ورأيك غلط دخلت لواحد من مجموعاتهم وبعد شهر حظروني
----------------------
بخصوص لاستير سيبوني جالس أستوعب أفعاله قريت الخبر بريدت وكورا أمس وصعقت فيه شكيت بقدراتي باللغة الإنجليزية وإني فاهم غلط لين أتأكدت
على رغم كرهي لكل شي عمله بفناني الستوديو وتدخله الغبي بأعمال التو دي حتى أختفت كلها
إلا إني دايما حبيته وشايفه ما ينعوض, هو شخص إذ تخلى عن تصرفاته البشعة خصوصا في الغطرسة بيكون شخص ممتاز من كل جهة
وما بظن حدا بيقدر يحل محله بمجال الرسوم الحاسوبية, إذ بود ديزني تشيله فتشيله من WDAS بنرتاح منه ونضرب عصفورين بحجر
عن نفسي ما احب نهايته تكون نهاية كيفن سبايسي كيفن سبايسي رغم فعلته الدنيئة إلا إني حزنت لنهايته الأليمة كان من ممثليني المفضلين
[ نوفمبر 23, 2017, 07:33 AM: تم تحرير المشاركه من قبل: O.M.A.R ]
--------------------
المشاركات: 80 | من: • Pizza Planet • | تاريخ التسجيل: يناير 2016
|
اليوم دخلت فلم كوكو الفلم ما عليه كلام صراحة افتتاحيته حركتها كانت حلوة وله الموسيقى اكثر شي حببني في الفلم ان لاتيني مادري ليش كله احس روحي منبهر بسوالفهم ترى سابقًا كنت اقول ان نفس سالفة The book of life بس اليوم وانا اطالع الفلم .. قعدت اقول لا صراحة ما يجي ربع منه مع ان داك بعد حبيته .. بس كوكو أحلى بواجد الأغاني والقصة والألوان .. انبهرت فيهم لاحظت ان مغيرين في الترجمة بعد بخصوص جم كلمة عالم الأموات إلى عالم الأجداد والروح إلى النادر ترى قبل لا يبدأ الفلم .. فلم أولاف نساني ان في فلم عقبه .. كان طويل صراحة رفيقي يوم خلص الفلم قال ليش قصير؟ قلت ليه شكلك نسيت كوكو يمكن لأن أول مرة ندش فلم ويكون قبله فلم قصير بهالطول نرجع لكوكو الفلم صراحة مؤثر عدل .. فيه أحاسيس ومشاعر استانست عدل بالفلم .. صراحة فلم وله أروع ما ندمت وله لحظة لأن دخلته وله حتى ربعي .. استانسنا عدل فيه
--------------------
المشاركات: 182 | من: البحرين | تاريخ التسجيل: يناير 2015
|
صباح الخير عليكم جميعآ انا قاريت خبر جون لاستير بغض النظر طبعآ عن افعاله المشينة لكن دة طبعآ شئ محزن جدآ انا عارف ان جون لاستير عمل بلاوي كتيرة قوي لا تعد ولا تحصى وانا اكيد معاكم انه مش بس يستاهل كل اللي يجرى له دة يستاهل الشنق في ميدان عام بس واسمحولي اقول رأيي يا جماعة ماتنسوش ان جون لاستير من اهم انجازاته انه هو تقريبآ هو اللي عمل حاجة اسمها CGI هو اللي ابتكرها وكان صاحب الفكرة وكفاية انه اخرج اول فيلم لديزني وبيكسار Toy Story الفيلم اتربى عليه اجيال كتيرة والعالم كلها حبت الفيلم دة وبأختصار عشان ماطولش انا عن نفسي زعلان بجد على جون لاستير وانه من الناس اللي بيتقال عليهم دمر نفسه بنفسه ومش هقول اكتر من كدة
صباح الخير عليكم جميعآ انا قاريت خبر جون لاستير بغض النظر طبعآ عن افعاله المشينة لكن دة طبعآ شئ محزن جدآ انا عارف ان جون لاستير عمل بلاوي كتيرة قوي لا تعد ولا تحصى وانا اكيد معاكم انه مش بس يستاهل كل اللي يجرى له دة يستاهل الشنق في ميدان عام بس واسمحولي اقول رأيي يا جماعة ماتنسوش ان جون لاستير من اهم انجازاته انه هو تقريبآ هو اللي عمل حاجة اسمها CGI هو اللي ابتكرها وكان صاحب الفكرة وكفاية انه اخرج اول فيلم لديزني وبيكسار Toy Story الفيلم اتربى عليه اجيال كتيرة والعالم كلها حبت الفيلم دة وبأختصار عشان ماطولش انا عن نفسي زعلان بجد على جون لاستير وانه من الناس اللي بيتقال عليهم دمر نفسه بنفسه ومش هقول اكتر من كدة
مهاب بناء على المقالات اللي قريتها ما فيه حد اتهم جون اتهام صريح بالتحرش أو الاغتصاب مثل المنتجين الثانيين في هوليوود.. الاتهامات كانت على انه كان مبالغ شوي في الأحضان وطريقة سلامه علي موظفين بيكسار .. والموظفات خاصة كانوا مش مرتاحين انه واحد غريب يحضنهم كل يوم ويسلم عليهم بهالطريقة... حتى المقال نفسه ذكر انه وحدة من كتاب توي ستوري 4 الممثلة راشيدا جونز انسحبت بسبب تحرش جون و راشيدا على طول ردت وقالت انه هالشي غير صحيح وانه الأسباب ثانيه تماما... بس جد جد أعتقد انه سوء فهم وظلم انه قاعد ينحط مع المنتجين اللي الاتهامات الموجهه الهم تختلف تماما عن نوعية الاتهامات الموجهه لجون ..
-------------------- [ المشاركات: 7335 | من: الامارات | تاريخ التسجيل: يوليو 2003
|
مرسله في
قبل شوي قريت ردودكم الثانيه عن موضوع جون.. ما كنت عارف انكم معلقين
ناصر...
المقالات اللي نزلت فيها شوية بهارات .. مثل ما قلت لمهاب راشيدا جونز قالت انه ماصار معاها أي نوع من التحرش والمقالات اللي نزلت كلها قالت وبصريح العبارة انه راشياد طلعت لأنه جون تحرش فيها ما أعرفه ولا أعرف شو في قلبه لكن أحسه على نياته و سالفة الأحضان من سنين نشوفها وع بالي انهم أجانب عادي عندهم موضوع انه قعد ناس في بيوتهم و طرد فنانين من ديزني هذا موضوع مفصول تماما ماله دخل بالتحرش ...أتمنى ما نخلطهم ببعض..
-------------------- [ المشاركات: 7335 | من: الامارات | تاريخ التسجيل: يوليو 2003
|
ماجد هو اكيد مو كل وحده انسحبت من بيكسار معناته ان جون تحرش فيها .. موضوع رشيدا الصحافه حللته بهالطريقه لان انسحابها من توي ستوري تزامن مع خبر التحرشات .. لكن هذا ماينفني ان الخبر صحيح وان في ناس تحرش فيهم .. نفس بالضبط لما طلع خبر هارفي وقامت الدنيا عليه .. بنص هالفوضى كلها طلعت جينفر لورانس وقالت انه ماتحرش فيها عكس الباقيين .. لكن هل هذا معناته ان الموضوع ملفق وابهارات ومظلوم ومسكين؟ لا طبعاً .. وطالما جون لاسيتر طلع بعدها واعترف بعظمة لسانه واعتذر معناته الموضوع خالص مافيه لا بهارات ولا اجار ..
تتوقعون الحين من الشخص المناسب اللي يقدر يسد مكان جون لاسيتر باستديوهات ديزني انميشن؟ الفانز يتكلمون حالياً عن اسامي معينه
1- ايرك جولدبيرغ + رون كليمنس + جون ماسكر
اكثر ثلاثه يستحقون هالمكانه .. مخضرمين وشغالين مع ديزني انميشن من الثمانينات ولليوم مستمرين بقوه .. والاهم انهم من رواد فن الـ 2d .. لو خلوهم مكان جون اكيد الرسم اليدوي راح يرجع مره ثانيه مع ديزني ..
2- بايرون هاورد + ريتش مور
فايزين باوسكارات وافلامهم قوية وعندهم خيال ونظرة فنية مميزة
3- جينفر لي + كريس باك
كريس من الناس المخضرمين بالشركة وجينفر مع انها جديدة الا انها صدمت عالم الانميشن بفيلم فروزن .. بالاضافة الى ان لو عطوها هالمنصب ماراح تكون بس اول امرأه تمسك هالمنصب .. بتكون بعد ضربة قوية لجون لاسيتر اللي يحارب العنصر النسائي ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
شوف الأحضان والbody language ... أعتقد انه هذي طريقته في التعامل مع الناس.. مب معناته انه مسموحله يحضن و يبوس اللي يبيه بس يمكن هال6 شهور بيتعلم فيها كيف يكون مهني أكثر ويعرف انه فيه حدود في طريقة تعامله مع زملاءه ..
راشيدا تكلمت عنها لأنه الصحافة نقلت الخبر.. بس عشان أبين انه فيه تضخيم وفعلا هالجزئية تعتبر مثال على البهارات الكاذبة اللي تنضاف للأخبار لأنه هي طلعت وقالت انه هالشي 100٪ غلط..
هارفي وييين و جون وييين .. هارفي اغتصب و تحرش و ابتز نص ممثلات هولييود ... جون ملاك مقارنة فيه...
ما أعرف منو بيحل مكانه بس الموضوع مب سهل ... كل هذيلا الناس عندهم قابلية انهم يكونون رؤساء ممتازين لديزني بس بنفس الوقت هالشغلة مو محتاجة بس حد يعرف كيف يسوي أفلام حلوة.... محتاجة حد فاهم بيزنس و عنده رؤية واضحة لكل فلم ... ما أعتقد ديزني بيتخلون عنه ... ال6 شهور هذي بس عشان الناس ينسون وبيرجع لمنصبه بعدين...
-------------------- [ المشاركات: 7335 | من: الامارات | تاريخ التسجيل: يوليو 2003
|
ههه ماجد عاد من يوم ماعرفتك وانت تدافع عن جون دفاع مستميت .. بس شي حلو والله يكون عندنا راي معاكس عشان يصير نقاش .. بخصوص لغة جسد جون .. تخيل معظم الفانز لوقت قريب كانوا يظنون ان لاسيتر بايسكشوال
اما عن اللي راح يمسك منصبه .. ست شهور مو قليله لازم يحطون واحد مؤقت مكانه لحد مايتحدد اذا بيرجع فعلاً ولا لا .. اشياء كثيره ممكن تتغير بهالفتره .. نص سنه مو شوية .. وجون لاسيتر حاله من حال هالاسماء لما حطوه مدير لديزني .. كان مجرد صانع افلام ومخرج .. مادخل بالبزنس الا بعد ما مسك منصبه .. ستيف جوبز فرض عليهم وضع جون لاسيتر بهالمنصب لما ديزني اشترت بيكسار .. يعني مو لانه كان واو واستثنائي وبإختيار ديزني .. كان مفروض عليهم فرض من جوبز .. وسبحان الله ابتسم له الحظ وعرف يمشي السفينه .. يعني جون لاسيتر مايفرق عن الاسماء المذكوره فوق .. لو انعطت لهم نفس الفرصه اللي اتيحت لجون احتمال يعملون فرق ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|