رد مقتبس: جون لاسيتر حاله من حال هالاسماء لما حطوه مدير لديزني .. كان مجرد صانع افلام ومخرج .. مادخل بالبزنس الا بعد ما مسك منصبه
فعلا معاك حق ... ترا أنا معاكم في التوجه اللي شايفينه لديزني.. أنا بالنسبة لي السحر كله بالأفلام المرسومة و الفيري تيلز و الميوزيكالز و مب راضي عن السيكولات و مجموعة أفلام بيكسار اللي قاعدة تنزل تحت اسم ديزني.. بس خايف نرجع لزمن عائلة روبنسون و مزرعة في خطر والفشل اللي كنا فيه على فكرة منتجين ديزني يدخلون بشكل كبير في اعطاء الضوء الأخضر للأفلام.. هم السبب المباشر في انتاج هالكم الهائل من السيكولات و الحين توجه هوليوود انه تنزل سلسلة من الأفلام اطلع منها ملايين وشخصيات معروفة بدال فلم واحد
-------------------- [ المشاركات: 7335 | من: الامارات | تاريخ التسجيل: يوليو 2003
|
بس هو مابتكر السي جي اي ,, هو اشتغل على اول فيلم سي جي اي طويل كأخراج
وانظم للشركة الي كانت شغاله اساساً على السي جي وبعدها ستيف جويز اشتراها يعني ماله اي دخل في ابتكارها ولا ساهم في تطويرها
,,
عموماً موضوعه غريب
ماعتقد انه بيترك شغله بس عشان احضان شكله فعلاً في شي كبير
ثانياً والاغرب ليش كانوا ساكتين ؟ حتى لو على سالفة حضن كانوا يقدرون يبعدونه بس هم عاجبهم وهم عارفين انه مجرد سلام والاكثر غرابه ليش الصور التذكاريه كانوا راضين انها تنأخذ معاه بطريقة جنسيه وبعد التصوير يقطعون الجزء الي طالعه فيه يده ماعتقد انه مسيطر عليهم لهلكثر ياتاخذون الصوره بهالوضعيه او بطردكم
ضحكني تصريحه
"I have always wanted our animation studios to be places where creators can explore their vision "
المفروض يكتب My vision
عموماً ان شاءالله مايرد وتنتهي سلسلة طيارات وسيارات وهالسخافة ويوقفون قمصانه بعد الي في ديزني ستور
اي والله فكه من تيشرتاته المعفنه .. الحمدلله ماراح نشوف خلقتهم بوجهنا بمعرض d23 الجاي
على فكره تتذكرون سالفة طرد جون لاسيتر من ديزني بالثمانينات؟ وقتها قالوا انه انطرد بسبب اصراره لانتاج اول فيلم كمبيوتر طويل .. ورؤساء الاستديو رفضوا وطردوه .. والحين بعد هالسالفه طلع واحد كان شغال بديزني وقتها واعلن ان سبب طرد لاسيتر الحقيقي كان بسبب تصرفاته وحبه لهالسوالف ..
وبخصوص بيكسار ..
لاسيتر خلاص انشال من منصبه فيها للابد .. يعني حتى بعد 6 شهور ماراح يرجع لبيكسار
لكن ديزني انميشن للحين ماتحدد .. مع ان المفروض يصير العكس .. ينشال من ديزني ويخلونه في بيكسار بما انه اسسها بنفسه .. لكن يقولون انه باخر كم سنه صار تركيزه واهتمامه كله بديزني على حساب بيكسار ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
قبل يومين شفت فيلم كوكو بالسينما بصراحة الفيلم خيال وماتوقعته بهالروعة .. درامي و مؤثر بشكل خصوصا الجزء الأخير من الفيلم
رغم اني قريت اراء ايجابية تمدح الفيلم بقوة و تعظمه لدرجة انه يكون من افضل 3 اعمال لبيكسار و بنفس الوقت ناس دخلوه و قالوا انه ممل ومافيه لاروح ديزني ولا بيكسار .. مع ذلك طلعت كل هالأراء من راسي وانا داخل الفيلم و قلت الحين بشوفه بنفسي و بحكم
الفيلم فعلا من اجمل ابداعات بيكسار و اكيد بكل بساطة من ضمن افضل 5 افلام .. فيلم عميق عميق و مؤثر بشكل بغض النظر عن احداث الفيلم بس هيكل القصة نفسها بشكل عام رائع وفيه فلسفه عن الحياة وعن وجودنا فيها .. فيلم يعطي امل و طموح و احساس بقيمة العائلة و الذكريات و شلون الواحد يسعى وراء الشي اللي يحبه و حاس انه موهوب فيه
اول شي بهرني و جد بهرني بالفيلم كان الأنميشن مش معقول روعة الأنميشن بالفيلم طول الوقت و انا مبقق عيوني على كبر الشاشة و كأني اشوف لوحة فنية من روعة الأنميشن و الألوان .. من اول مشهد و طريقة السرد عن الاجداد بالقصاصات و انا قلت واو لين وصلنا عالم الأموات و هني جد جد قشعر جسمي من روعة التفاصيل و الألوان و حرام هالمشهد ما ينشاف بالسينما على اكبر شاشه ممكنه عيوني طلعت من مكانها .. الفيلم كله الواان كله حيوية و صورته فريش عالأخر تحس عيونك مسحورة و انت تتفرج و ذكرني بلوحات فانتازيا 2000
الأغاني و الموسيقى تجنن بالفيلم و رغم انها اغاني بسيطة مش غنائية مثل باقي افلام ديزني الا انها روعة بدون اسثناء و تعلق براسك من اول مشاهدة للفيلم و حمستني اني اروح اطلب الساوندتراك للفيلم فورا .. و الساوندتراك نفسه روعه و عاطي الروح اللاتينية بالفيلم بشكل كامل
التويست و المفاجأت بالفيلم و الربط بين كل شي كان خيال صراحة و غير متوقع .. يعني في افلام تكون شايف السيناريو وين رايح و تتوقع شو بيصير بس كوكو من الأفلام اللي تفاجأك و تقلب توقعاتك كلها و ذكرني شوي بفروزن و سالفة الشرير الغير متوقع
الشخصيات روعة بداية من ميجيل اللي فعلا يدخل القلب من كياته وهضامته و الاكسنت الاسباني اللي يتكلم فيه للعيوز ايمويلتا جدته لماما ايميلدا و اكيد كوكو طبعا أنا اعشق شخصيات العيايز بأفلام ديزني من الجدة ويلو لماما اودي لكارل فرديركسن لماما كوكو احس فيهم روح مدري شلون و يذكرونا بجداتنا 3> كوكو طول الفيلم كانت كاسرة خاطري و خصوصا اخر الفيلم لما تتذكر .. وقتها تذكرت جدتي و تذكرت كل هالعجايز اللي يصيبهم زهايمر و ينسون الماضي و شلون انه مو باقي لهم الا اشياء بسيطة تربطهم بالحياة و بالماضي
بعد تذكرت وقتها برنامج طلعت فيه وحدة تقول انه امها مصابة بالزهايمر و ناسية كل شي فعلا لكن بمجرد ماتشغلها أغاني فيروز على طول تبدأ تغني معها و الشي الوحيد اللي تتذكره و يربطها بالواقع هو اغاني فيروز .. هالشي جدا أثر فيني و تذكرته لما ابتدأ ميجيل يغني لها اغنية ابوها
كنت ماسك نفسي بس اخر مشهد فعلا ماقدرت و دموعي نزلت و تذكرت جدتي و امي اللي مابي اشوفها بيوم من الأيام بهالموقف او اني ممكن افقدها بيوم لاسمح الله .. حسيت باحساس غريب اخر الفيلم ماعرف شلون اوصفه
هذي هي ديزني هذي هي بيكسار اللي تلامس الجانب العاطفي و الحساس فينا و تحسسنا اننا مربوطين بالقصة اللي قدامنا وتلامسنا بشكل من الأشكال و هني تنزل دموعنا و نتأثر باللي نشوفه .. مش مجرد تفاهه و احداث مالها معنى و كوميديا بلا طعم ولا لون .. لي انكريش هذي ثاني مرة يسويها فيني و ينزل دموعي و انا اتفرج , سواها بحكاية لعبة 3 و الحين كوكو .. هالأنسان مبدع و ذكي فعلا و دايما اخراجه فيه شي يضرب بالقلب .. باختصار كوكو فيلم درامي موسيقي مؤثر قصته عميقه و مليان بمتعه بصرية مالها حدود .. برافو بيكسار
اذا في سلبيات بالفيلم بتكون بعض المشاهد اللي بنص الفيلم حسيت فيها بملل وهم يدورون على سانتا كروز غير هالشي الفيلم توب باقي الحين اشوف فيلم بوك اوف لايف و اشوف هل فعلا في استنساخ او لا .. بالنهاية الفيلم عجبني ولمس شي فيني مو ضروري الكل يشوف الفيلم حلو او يحس باللي حسيته كل شخص له نظرته و رأيه بالأخر
بخصوص شورت فروزن استغربت الهجوم عليه و مطالبات بحذفه من العرض الفيلم سو كيوت و لطيف و مناسب لأجواء الكريسمس وماحسيت بمدته اصلا .. اولاف من الشخصيات اللي اشوف تنفع يستثمرونها بهالنوع من الشورتز و السبيشلز بدال ماطم و هالخرابيط لول هذي شخصية تستاهل و فعلا تنحب و دمها خفيف بس اكيد لا يمصخونها و يسووله فيلم
اما الاغاني اللي غنتهم السا روووعة و كنت طول الوقت قاعد اتخيل صوت نسمة محجوب شلون بيكون فيهم بالعربي تحمست للنسخة العربية منه كثير
بعد عدة اجتماعات, أجرت ديزني واحدة من صفقات العمر مساء اليوم لشراء كامل القطاع الفني بما يضم قسم الرسوم المتحركة وأفلام الأبطال الخارقين بشركة فوكس بمبلغ بلغ 52.4 مليار دولار.
تضم الصفقة إمتلاك ديزني لمكتبة ضخمة من الأعمال والستوديوهات الجديدة ممتدة منذ العام 1935 بما يتضمن المسلسلين الشهيرين "آل شمشون" و"فاميلي جاي", وفيلم الرسوم المتحركة الذي استضاف غناء المتألقة دائمًا رشا رزق "آنستازيا". علاوة على العديد من الأفلام الحية بما يضم "تايتانيك" و"آفاتار" والجزء الأول لسلسلة "ستار وورز" والكثير غيرهم!
علاوة على جميع ستوديوهات وقنوات تويتني-فيرست سينتشري فوكس وجميع القطاعات المعنية بالشركة.
--------------------
المشاركات: 80 | من: • Pizza Planet • | تاريخ التسجيل: يناير 2016
|
تدور أحداث القصة عشية الكريسماس، عندما تعثر طفلة على دمية كسارة البندق، وتكلف من قبل والديها برعاية الدمية رعاية بالغة، لتدخل بعد ذلك في عالم سحري، مع جيوش من الفئران وجنود من خبز القرفة.
[ ديسمبر 20, 2017, 07:32 AM: تم تحرير المشاركه من قبل: // BanDar // ]
--------------------
المشاركات: 13837 | من: k.u.w.a.i.t | تاريخ التسجيل: فبراير 2009
|
إرسال هذه الصفحه لصديق!
لطباعه هذا الموضوع
![[crying]](graemlins/crying.gif)
![[Roll Eyes]](rolleyes.gif)
ماعتقد انه مسيطر عليهم لهلكثر ياتاخذون الصوره بهالوضعيه او بطردكم![[crazy]](graemlins/crazy.gif)
![[Razz]](tongue.gif)
![[heartpump]](graemlins/heartpump.gif)
![[Frown]](frown.gif)
![[iwantattention]](graemlins/iwantattention.gif)
![[nut]](graemlins/nut.gif)
![[Eek!]](eek.gif)
![[super]](graemlins/super.gif)
![[happy.]](graemlins/happy.gif)
![[eyelove]](graemlins/eyelove.gif)
![[rofl]](graemlins/rofl.gif)
![[applause]](graemlins/applause.gif)
باقي الحين اشوف فيلم بوك اوف لايف و اشوف هل فعلا في استنساخ او لا .. بالنهاية الفيلم عجبني ولمس شي فيني مو ضروري الكل يشوف الفيلم حلو او يحس باللي حسيته كل شخص له نظرته و رأيه بالأخر![[Confused]](confused.gif)
الفيلم سو كيوت و لطيف و مناسب لأجواء الكريسمس وماحسيت بمدته اصلا .. اولاف من الشخصيات اللي اشوف تنفع يستثمرونها بهالنوع من الشورتز و السبيشلز بدال ماطم و هالخرابيط لول هذي شخصية تستاهل و فعلا تنحب و دمها خفيف بس اكيد لا يمصخونها و يسووله فيلم 
